୩୦ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପିପିଲି :-> ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକଙ୍କ ଆହ୍ବାନ କ୍ରମେ ପିପିଲି ଏନସିସି ପକ୍ଷରୁ ଏକ ଜନ ସଂପର୍କ ପଦଯାତ୍ରା କରାଯାଇଥିଲା । ଏହି ପଦଯାତ୍ରା ଟି ପିପିଲି ର ପୂର୍ବତନ ବିଧାୟକ ରୁଦ୍ର ପ୍ରତାପ ମହାରଥୀ ଙ୍କ ନେତୃତ୍ୱରେ ଏକ ବିଶାଳ ପଦଯାତ୍ରା ହାଇସ୍କୁଲ ଠାରୁ ଆରମ୍ଭ ହୋଇ ପିପିଲି ପାର୍ଟି ଅଫିସ୍ ପର୍ଯ୍ୟନ୍ତ ଯାଇଥିଲା । ଏହି ପଦଯାତ୍ରା ମାଧ୍ୟମରେ ସାଧାରଣ ଲୋକମାନଙ୍କ ର ସମସ୍ୟା ସଂପର୍କରେ ବୁଝିବା ସହିତ ଶାସକ ଦଳ ନେତାଙ୍କ ଉପରେ ଖୁବ୍ ବର୍ଷିଥିଲେ ପୂର୍ବତନ ବିଧାୟକ ରୁଦ୍ର ପ୍ରତାପ ମହାରଥୀ ।
ଏବଂ କଟାକ୍ଷ କରି କହିଥିଲେ ଯେ ଏ ବିଜେପି ସରକାର ଯାହା ବଡପା ଦେଖାଇବାକୁ ଯାଇ ବଡ଼ ବଡ଼ ପ୍ରତିଶ୍ରୁତି ଦେଇଥିଲା ତାହାକୁ ୧୦୦ ଦିନ ଅର୍ଥାତ୍ ତିନି ମାସରୁ ଉର୍ଦ୍ଧ୍ବ ଦିନ ଭିତରେ କରିଦେଖାବା ପାଇଁ ଯେଉଁ ଦୃଢକ୍ତି ଦେଖାଉଥିଲେ ତାହା ଆଜକୁ ୫ ମାସ ବିତିଯାଇଥିଲେ ବି ଏ ପର୍ଯ୍ୟନ୍ତ କୌଣସି ବିକାଶ ମୂଳକ କାର୍ଯ୍ୟ ସଠିକ ଢଙ୍ଗରେ ଡେଲାଙ୍ଗ -ପିପିଲି ରେ କରାଯାଇପାରିନାହିଁ,କେବଳ ବିଜେଡ଼ି ସରକାର ର ପୂର୍ବ ଯୋଜନା କୁ ରଙ୍ଗ ମରାଯାଇ ଡେଲାଙ୍ଗ -ପିପିଲି ଅଞ୍ଚଳର ବିକାଶ ହେଉଛି ବୋଲି ମିଛ ବାହାସ୍ପଟ ମାରୁଛନ୍ତି ବିଜେପି ନେତା ଏହା କହିବା ସହ କ୍ଷୋଭ ପ୍ରକାଶ କରିଥିଲେ ରୁଦ୍ର ପ୍ରତାପ ମହାରଥୀ ।
ନୂତନ ସରକାର ର ନିର୍ବାଚନ ପୂର୍ବରୁ ଯେଉଁ ସବୁ ପ୍ରତିଶ୍ରୁତି ଦେଇଥିଲେ ସେ କେତେ ପୂରଣ କରିଛନ୍ତି ବୋଲି ସେ କଡ଼ା ସମାଲୋଚନା କରିବା ସହିତ ପ୍ରଶ୍ନ କରିଛନ୍ତି ବିଜେପି ସରକାରକୁ। ମହିଳା ମାନଙ୍କୁ ଠକିଛି ଏ ସରକାର ପ୍ରତିଶ୍ରୁତି ଦେଇ ପ୍ରତାରଣା କରିଛି ଏ ମିଛୁଆ ସରକାର। ଶୁଭଦ୍ରା ଯୋଜନାରେ ସମସ୍ତଙ୍କୁ ପ୍ରତ୍ୟେକ ମହିଳା ମାନଙ୍କୁ ୫୦୦୦୦ ଟଙ୍କାର ଭାଉଚର ଦେବେ ବୋଲି କହିଥିଲେ ତାଙ୍କ ନେତା କୁହନ୍ତୁ ଡେଲାଙ୍ଗ -ପିପିଲି ଅଞ୍ଚଳର କେତେଜଣ ମହିଳା ମା ମାନେ ଏହି ଶୁଭଦ୍ରା ଯୋଜନା ପାଇଛନ୍ତି ଏହା ତାଙ୍କର ଶସ୍ତା ରାଜନୀତି ବୋଲି କହିଥିଲେ ରୁଦ୍ର। ଏହି ପଦଯାତ୍ରା ପିପିଲି ଏନସିସି ର ହାଟଛକ ରୁ ପିପିଲି ବିଜେଡ଼ି ପାର୍ଟି ଅଫିସ୍ ପର୍ଯ୍ୟନ୍ତ ବିଭିନ୍ନ ନାରାବାଜି ସହିତ ପହଞ୍ଚିଥିଲା। ଏହି କାର୍ଯ୍ୟକ୍ରମରେ ବରିଷ୍ଠ ନେତା ଧରଣୀଧର ସାହୁ, ଏନସିସି ଅଧ୍ୟକ୍ଷ ସେକ୍ ବାବୁ, ବ୍ଲକ୍ ଅଧ୍ୟକ୍ଷା ଦେବସ୍ଵନୀ ନନ୍ଦଙ୍କ ସହ ବହୁ ନେତୃବୃନ୍ଦ ଓ ଶତାଧିକ ବିଜେଡ଼ି କର୍ମୀ ମାନେ ଏହି ଜନ ସଂପର୍କ ପଦଯାତ୍ରା ରେ ସାମିଲ ହୋଇଥିଲେ।
