୩୦ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭାପୁର :-> ଭାପୁର ବ୍ଲକ ସ୍ତରୀୟ ଶ୍ରୀଅନ୍ନ ଅଭିଯାନ ଦ୍ଵାରା ଅନୁଷ୍ଠିତ ପାରମ୍ପରିକ ଖାଦ୍ୟ ମେଳା କାର୍ଯ୍ୟକ୍ରମ ମଙ୍ଗଳବାର ଦିନ ବାଇଗୁଣିଆସ୍ଥ ପଞ୍ଚାୟତ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ବ୍ଲକ ରୁ ୨୮ ଗୋଟି ସ୍ୱୟଂ ସହାୟକ ଗୋଷ୍ଠୀର ସଭ୍ୟାମାନେ ଯୋଗଦେଇ ତାଙ୍କ ଦ୍ଵାରା ପ୍ରସ୍ତୁତ ବିଭିନ୍ନ ପ୍ରକାରର ସ୍ୱାଦିଷ୍ଠ ବ୍ୟଞ୍ଜନ ପ୍ରସ୍ତୁତ କରି ଆଣିଥିଲେ ।
ସେ ବ୍ୟଞ୍ଜନ ଗୁଡ଼ିକ ନିଜ ବାଡିର କଞ୍ଚା ପନିପରିବା,ମାଣ୍ଡିଆ,ବାଜରା,ଜହ୍ନା ଆଦିରୁ ପ୍ରସ୍ତୁତ ହୋଇଥିବାବେଳେ ୭୦ ରୁ ଉର୍ଦ୍ଧ୍ବ ବ୍ୟଞ୍ଜନ ଶ୍ରୀ ଅନ୍ନ କାର୍ଯ୍ୟକ୍ରମରେ ପ୍ରଦର୍ଶନ ହୋଇଥିଲା । କାର୍ଯ୍ୟକ୍ରମରେ , ବ୍ଲକ ମାଣ୍ଡିଆ ନିଗମର କର୍ମକର୍ତ୍ତା ସସ୍ମିତା ବେହେରା,ଦୀପକ କୁମାର ସାହୁ, ଜୟଦେବ ସ୍ବାଇଁ ତଥା ପଞ୍ଚାୟତ ଜନପ୍ରତିନିଧି,ରାଜ୍ୟ କୃଷି ବିଶ୍ଵବିଦ୍ୟାଳୟର ଛାତ୍ର ,ଏ.ଓ .ଡ଼ମଣୀ ଦେଇ, ଭି.ଏ.ଡବ୍ଲୁୟୁ ଜିତେନ୍ଦ୍ର ମାଝି,
ସୁପରଭାଇଜର ସନ୍ତୋସିନି ପାଣି,ମିଶନ ଶକ୍ତି ପିପିଆଇ ମସିହା କଲ , ଏଫ୍ .ପି .ଓ. ଦଣ୍ଡପାଣି ସ୍ବାଇଁ ଯୋଗଦେଇ ଖାଦ୍ୟର ମାନ,ଗୁଣବତ୍ତା ଓ ସ୍ବାଦ ପରୀକ୍ଷା କରିଥିଲେ । ଏହି ପ୍ରଦର୍ଶନୀରେ ଓମ୍ ଶାନ୍ତି ସ୍ୱୟଂ ସହାୟକ ଗୋଷ୍ଠୀ, ବୋର୍ ଗାଁ ପ୍ରଥମ ସ୍ଥାନ ଅଧିକାର କରିଥିବାବେଳେ ସାଇରାମ ଓ ଜୟ ଶ୍ରୀ ରାମ ସ୍ୱୟଂ ବାଇଗୁଣିଆ ସହାୟକ ଗୋଷ୍ଠୀ କ୍ରମାନ୍ଵୟରେ ଦ୍ଵିତୀୟ ଓ ତୃତୀୟ ହୋଇ ମାନପତ୍ର ପାଇବା ସହିତ ପୁରସ୍କୃତ ହୋଇଥିଲେ ।
