୨୮ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା :-> ସତ୍ୟ ଓ ଅହିଂସାର ଉପାସକ ଜାତିର ଜନକଙ୍କ ଆଦର୍ଶ ଓ ବିଚାର ବିଶ୍ୱ ସମୁଦାୟ କୁ ଆଜି ମାର୍ଗଦର୍ଶନ ଦେଇଛି । ଏହି ପରିପ୍ରେକ୍ଷୀରେ ନିରାକାରପୁର ଗାନ୍ଧୀ ଶାନ୍ତି ପ୍ରତିଷ୍ଠାନରେ ଜାତିର ପିତା ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତି ଉନ୍ମୋଚିତ ହୋଇଯାଇଛି।ଗାନ୍ଧୀ ପ୍ରତିଷ୍ଠାନ ର ପ୍ରତିଷ୍ଠାତା ଡଃ ପୂର୍ଣ୍ଣଚନ୍ଦ୍ର ଦାଶଙ୍କ ସଭାପତିତ୍ୱ ରେ ଅନୁଷ୍ଠିତ ଅନାବରଣ ଓ ପୁସ୍ତକ ଉନ୍ମୋଚିତ ଦିବସରେ ଅତିଥି ଭାବରେ ନ୍ୟାୟାଧିଷ ମନୋରଞ୍ଜନ ମହାନ୍ତି,କୃଷ୍ଣା ମହାନ୍ତି,ବିରୁପାକ୍ଷ ତ୍ରିପାଠୀ, ରାମଚନ୍ଦ୍ର ମହାପାତ୍ର, ଡଃ ପ୍ରେମାନନ୍ଦ ମହାପାତ୍ର, ଫଣିନ୍ଦ୍ର ଭୂଷଣ ନନ୍ଦ, ଡଃ ଦିବାକର ମାନସିଂ,
ଡଃ ବେଣୁଧର ଦାଶ,ଡଃ ମୃତ୍ୟୁଜଂୟ ରଥ ପ୍ରମୁଖ ଯୋଗଦେଇଥିଲେ । ଯାବତ ଚନ୍ଦ୍ରାର୍କେ ଗାନ୍ଧୀ ବିଚାର ପ୍ରାସଙ୍ଗିକ ହୋଇ ରହିଥିବ ବୋଲି ଗାନ୍ଧୀ ଶାନ୍ତି ପ୍ରତିଷ୍ଠାନ ରେ ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତି ଅନାବରଣରେ ବିଶିଷ୍ଟ ଅତିଥି ମାନେ ମତପ୍ରକାଶ କରିଛନ୍ତି । ବିଶିଷ୍ଟ ସାରସ୍ୱତ ସାଧକ ଡଃ ପୂର୍ଣ୍ଣଚନ୍ଦ୍ର ଦାଶଙ୍କ ଦୁଇଟି ପୁସ୍ତକ ଦେବଦୂତ ମହାତ୍ମାଗାନ୍ଧୀ ଓ କଳ୍ପତରୁ କଲ୍ଲୋଳର ଲୋକାର୍ପଣ ହୋଇଛି।ପୁସ୍ତକ ଦୁଇଟିକୁ ପାଠକାର୍ପଣ କରି ଅତିଥି ଗଣ ଶ୍ରୀ ଦାଶଙ୍କ ସୂଜନୀର ପ୍ରଶଂସା କରିଥିଲେ । ଶେଷର ଗାନ୍ଧୀ ପ୍ରତିଷ୍ଠାନ ପକ୍ଷରୁ ୨୦ଜଣ ଅସହାୟ ଓ ଗରିବ ନିସ୍ପେଶିତ ଲୋକଙ୍କୁ ବସ୍ତ୍ର ପ୍ରଦାନ କରାଯାଇଥିଲା ।
