୨୮ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା-ଜଟଣୀ :-> ଗୋଟିଏ ଷ୍ଟେସନ୍ ଗୋଟିଏ ଉତ୍ପାଦ ଆଉଟଲେଟ୍ ମାଧ୍ୟମରେ କଟକ ରେଲୱେ ଷ୍ଟେସନରେ ଦୀପ ଏବଂ ଦୀପାବଳୀ ଅନ୍ୟାନ୍ୟ ଗ୍ରାମୀଣ ଉତ୍ପାଦ ଉପଲବ୍ଧ । ଓଡ଼ିଶା ଗ୍ରାମୀଣ ବିକାଶ ଏବଂ ମାର୍କେଟିଂ ସୋସାଇଟି (ଓରମାସ)କଟକ ସହିତ ମିଳିତ ଭାବରେ ନିଆଯାଇଥିବା ଏକ ପଦକ୍ଷେପ । ଏହି ଦୀପାବଳୀରେ ରେଳ ଷ୍ଟେସନରେ ଗ୍ରାମୀଣ ଉତ୍ପାଦକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ କଟକ ରେଳ ଷ୍ଟେସନରେ ଏକ “ଗୋଟିଏ ଷ୍ଟେସନ୍ ଗୋଟିଏ ଉତ୍ପାଦ” ଆଉଟଲେଟ୍ ଖୋଲାଯାଇଛି ।
ଯେଉଁଠି, ଟେରାକୋଟା ଏବଂ ଗାଈ ଗୋବର ଦ୍ଵାରା ତିଆରି କରାଯାଇଥିବା ଦୀପ, ସାଜସଜ୍ଜା ମହମବତୀ,ବଳିତା, ଜଡ଼ାତେଲ,ପୂଜା ସାମଗ୍ରୀ,ଅଗରବତୀ ଇତ୍ୟାଦି ଉପଲବ୍ଧ କରାଯାଉଛି । ଏହି ଗ୍ରାମୀଣ ଉତ୍ପାଦଗୁଡ଼ିକ ଓଡ଼ିଶା ଗ୍ରାମୀଣ ବିକାଶ ଏବଂ ମାର୍କେଟିଂ ସୋସାଇଟି (ଓରମାସ)କଟକ ଦ୍ୱାରା । ପ୍ରୋତ୍ସାହିତ ସମ୍ପ୍ରଦାୟ ଭିତ୍ତିକ ସଂଗଠନ ଗୁଡ଼ିକ ଦ୍ୱାରା ତିଆରି କରାଯାଇଛି । କଟକ ଜିଲ୍ଲାର ବହୁ ମହିଳା କାରିଗର ତଥା ସ୍ଵୟଂ ସହାୟକ ଗୋଷ୍ଠୀ ନିଜର ଜୀବିକା ନିର୍ବାହ ପାଇଁ କାର୍ଯ୍ୟ କରୁଛନ୍ତି ।
ଗୋଟିଏ ଷ୍ଟେସନ୍ ଗୋଟିଏ ଉତ୍ପାଦ ସ୍ଥାନୀୟ କାରିଗର, କୁମ୍ଭକାର, ବୁଣାକାର, ହ୍ୟାଣ୍ଡଲୁମ୍ ବୁଣାକାର, ଆଦିବାସୀ ମାନଙ୍କର ଜୀବିକା ବୃଦ୍ଧି ତଥା କଲ୍ୟାଣ ଉଦ୍ଦେଶ୍ୟରେ ଭାରତ ସରକାରଙ୍କ ଦ୍ଵାରା ନିଆଯାଇଥିବା ଏକ ପଦକ୍ଷେପ । ଏହି ଓଏସ୍ଓପି ସ୍କିମ୍ ଅଧୀନରେ ରେଳ ଷ୍ଟେସନ ଗୁଡିକ ସ୍ଥାନୀୟ ଉତ୍ପାଦ ଗୁଡିକ ପାଇଁ ଏକ ମାର୍କେଟିଂ ଚ୍ୟାନେଲ୍ ଏବଂ ପ୍ରମୋସନାଲ୍ ହବ୍ ଭଳି କାମକରୁଛି । ଖୋର୍ଦ୍ଧାରୋଡ୍ ମଣ୍ଡଳ ଏହାର ଯାତ୍ରୀମାନଙ୍କୁ କଟକ ରେଳ ଷ୍ଟେସନରେ“ଗୋଟିଏ ଷ୍ଟେସନ୍ ଗୋଟିଏ ଉତ୍ପାଦ” ଆଉଟଲେଟରେ ମିଳୁଥିବା ଗ୍ରାମୀଣ ଦୀପାବଳୀ ଉତ୍ପାଦ ଗୁଡ଼ିକର ଲାଭ ଉଠାଇ ସେମାନଙ୍କ ପର୍ବକୁ ସ୍ମରଣୀୟ କରିବାକୁ ଅନୁରୋଧ କରୁଛି ।
