୨୭ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବଡଚଣା :-> ଯାଜପୁର ଜିଲ୍ଲା ବଡଚଣା ବ୍ଲକର ପଶ୍ଚିମାଞ୍ଚଳରେ ଗଢି ଉଠୁଛି ଅନେକ କଳକାରଖାନା l ଆଦିବାସୀ ଅଧ୍ୟୁଷିତ ଏହି ଅଞ୍ଚଳରେ ଜନସଂଖ୍ୟା କମ୍ ଥାଇ ପାରେ ମାତ୍ର କାରଖାନା କର୍ତ୍ତୃପକ୍ଷ ଓ ସରକାର ଏମାନଙ୍କ ମୌଳିକ ଅଧିକାରକୁ କ୍ଷୁର୍ଣ୍ଣ କରୁଥିବା ନେଇ ଅଭିଯୋଗ ହୋଇଛି l ଯାଜପୁର ଜିଲ୍ଲା ବଡଚଣା ବ୍ଲକ ଶାଳପଡା ପଞ୍ଚାୟତରୁ ଆସିଛି ଏମିତି ଗୁରୁତର ଅଭିଯୋଗ l ସମିଆଁ ପଞ୍ଚାୟତ ରାଇଝର ମୌଜାରେ ବନ୍ଧପଲି ଅଞ୍ଚଳକୁ ଲାଗି ନୂଆ କରି ଅର୍ଥାତ୍ ବର୍ଷେ ହେବ ଆରମ୍ଭ ହୋଇଛି ଆଇ. ବି (ଇଣ୍ଡିଆନ ବଏଲର) କମ୍ପାନୀ l ଆଗକୁ କୁକୁଡା ଦାନା ତିଆରି କରିବାକୁ ଲକ୍ଷ ରଖିଥିବା ଏହି କମ୍ପାନୀ ବର୍ତ୍ତମାନ କୁକୁଡା ଛୁଆ ଉପ୍ତାଦନ କରୁଛି l ହେଲେ କାରଖାନାରୁ ନିର୍ଗତ ଦୁର୍ଗନ୍ଧ ଓ ପଚାଷଢା ପାଣିରେ ଏବେଠୁ ଅତିଷ୍ଠ ହୋଇଗଲେଣି କାରଖାନା ଚତୁପାର୍ଶ୍ବର ଲୋକେ l
ଲୋକଙ୍କ ଅଭିଯୋଗ ଶୁଣି ସତ୍ଯାସତ୍ଯ ଜାଣିବା ପାଇଁ ଆମେ ସେଠାକୁ ଯାଇଥିଲା ବେଳେ ପ୍ରକୃତରେ କାରଖାନାର ଭୀଷଣ ଦୁର୍ଗନ୍ଧରେ ଆମକୁ ଅଣ ନିଶ୍ବାସ ପରି ଲାଗିଥିଲା l ଯାହା ହେଉ କଷ୍ଟେମଷ୍ଟେ ଗାଁ ଭିତରକୁ ଯିବା ପରେ ଲୋକେ ଏକାଠି ହୋଇ ଜାହିର କରିଥିଲେ ନିଜର ଅସନ୍ତୋଷ l ସେମାନଙ୍କ କହିବା ଅନୁସାରେ କାରାଖାନାର ଦୁର୍ଗନ୍ଧ ଯେତିକି ଯନ୍ତ୍ରଣା ଦେଉଛି ଏଥିରୁ ନିର୍ଗତ ରାସାୟନିକ ପାଣି ଖୋଲା ରାସ୍ତାରେ ଆସି ଚାଷଜମିରେ ମିଶୁଛି l ଯାହାକି ସେମାନଙ୍କ ଫସଲ ନଷ୍ଟ କରୁଛି. ଏପରିକି ଚାଷ ଜମିକୁ ଯିବା ଆସିବା କରୁଥିବାରୁ ଜନସାଧାରଣ ତଥା ବିଲରେ କାମ କରୁଥିବା ମୁଲିଆ ଓ ଏହି ପାଣି ସଂମ୍ପସରେ ଆସୁଥିବା ଗ୍ରାମରେ ଗାଁରେ ଚର୍ମ ରୋଗ ବ୍ଯାପିଲାଣି l
ସେମାନଙ୍କ ପାଦରୁ ଆଣ୍ଠୁ ପର୍ଯ୍ୟନ୍ତ କଳା କଳା ଦାଗ ହୋଇ କୁଣ୍ଢାଇ ହେଉଛି l ଏପରିକି ଏହି ରାସାୟନିକ ପାଣି ଯେଉଁଠି ଲାଗୁଛି କୁଣ୍ଢାଇ ହେଉଥିବା ଲୋକେ କହିଛନ୍ତି. ଏହି ସରଳ ଆଦିବାସୀ ମହିଳା ଓ ପୁରୁଷ, ଦୀର୍ଘ ବର୍ଷେ ହେବ ଏପରି ଦଶା ଭୋଗୁଥିଲେ କେହି ଶୁଣିବାକୁ ନାହିଁ l ଏତେବଡ କାରଖାନାକୁ ଦେଖି ଭୟ କରୁଥିବା ଏହି ଲୋକମାନଙ୍କ ଅଭିଯୋଗ ବି ସ୍ଥାନୀୟ କିଛି ମୁଷ୍ଟିମେୟ ବ୍ୟକ୍ତିଙ୍କ ଠାରେ ଲୁଚି ଯାଉଛି. ତଥାପି ଲୋକଙ୍କ ଅଭିଯୋଗକୁ ନେଇ କାରଖାନା କର୍ତ୍ତୃପକ୍ଷଙ୍କୁ ଆମେ ଭେଟି l
ତଥାପି ଲୋକଙ୍କ ଅଭିଯୋଗକୁ ନେଇ କାରଖାନା କର୍ତ୍ତୃପକ୍ଷଙ୍କୁ ଆମେ ଭେଟିଥିଲୁ. ଏହି ଓଡିଶା ହାଚେରୀର ଏଚ୍ ଆର୍ ନବୀନ ଦେଶମୁଖ ଦୁର୍ଗନ୍ଧ ଅଭିଯୋଗକୁ ସଂପୂର୍ଣ୍ଣ ଏଡାଇ ଦେଇଥିଲେ ବି ଖୁବଶୀଘ୍ର ଏ ସବୁ ଅଭିଯୋଗର ସମାଧାନ ହୋଇଯିବ ବୋଲି ପ୍ରତିଶ୍ରୁତି ଦେଇଛନ୍ତି କାରଖାନା କର୍ତ୍ତୃପକ୍ଷ. କାରଖାନା ପ୍ରତିଷ୍ଠାକୁ ବିରୋଧ କରୁନଥିଲେ ଏପରି ମରଣ ଦଶା ସମାଧାନ ନହେଇ ପାରିଲେ କାରଖାନା ବନ୍ଦ କରିବାକୁ ଲୋକେ ସରକାରଙ୍କ ନିକଟରେ ଦାବୀ କରିଛନ୍ତି.
