୨୬ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ପରିବେଶ ସୁରକ୍ଷା ଏବଂ ଶ୍ରୀଜଗନ୍ନାଥଙ୍କ ରଥ ନିର୍ମାଣ ପାଇଁ ରଥ କାଠ ନିମନ୍ତେ ଆଜି ବାଙ୍କୀ ମେଡିକାଲ୍ ରୋଡ ଜଗନ୍ନାଥ ପୂଜା କମିଟି ଓ ସାମାଜିକ ଅନୁଷ୍ଠାନ ‘ଅସ୍ତିତ୍ୱ’ ମିଳିତ ସହଯୋଗରେ ଲିମ୍ବ ଚାରା ବଣ୍ଟନ କରାଯାଇଥିଲା । ଏହି କାର୍ଯ୍ୟକ୍ରମକୁ ପରିବେଶବିତ୍ ତଥା ଭାରତ ସରକାରଙ୍କ ଟୁରିଷ୍ଟ ଗାଇଡ୍ ଲଳିତମୋହନ ପଣ୍ଡା ଉଦ୍ଘାଟନ କରିଥିଲେ । ଜଗନ୍ନାଥ ପୂଜା କମିଟି ଓ ଅସ୍ତିତ୍ୱ ପକ୍ଷରୁ ୨୦ଗୋଟି ଲିମ୍ବ ଚାରା ବଣ୍ଟନ କରାଯାଇଛି ।
ଏହି ଲିମ୍ବ ଗଛ ଗୁଡିକ ବଢ଼ିବା ପରେ ଶ୍ରୀ ଜଗନ୍ନାଥ ପ୍ରଶାସନକୁ ଦାନ କରାଯିବା ସହିତ ନନ୍ଦିଘୋଷ ରଥ ନିର୍ମାଣରେ ଏହି କାଠକୁ ବ୍ୟବହାର କରାଯିବ ବୋଲି ଅତିଥିମାନେ କହିଥିଲେ । ଅସ୍ତିତ୍ୱର ସଂପାଦକ ପ୍ରକୃତିବନ୍ଧୁ ଗୌତମ ମିଶ୍ର ଯୋଗଦେଇ ଲିମ୍ବଗଛର ଉପକାରୀତା ସଂପର୍କରେ କହିବା ସହିତ ଏହି ବୃକ୍ଷବଣ୍ଟନ ସମାଜରେ ଜଗନ୍ନାଥ ଭାବନା ଜାଗରଣ ସୃଷ୍ଟି କରିବା ସହ ଆଧ୍ୟାତ୍ମିକତା ଜାଗରଣ ବଜାୟ ରଖିବା ସହ ପରିବେଶ ସୁରକ୍ଷା, ବୃକ୍ଷରୋପଣ ଭାବ ଜାଗ୍ରତ ହୋଇପାରିବ ବୋଲି କହିଥିଲେ । ଏହି କାର୍ଯ୍ୟକ୍ରମରେ ଜଗନ୍ନାଥ ପଣ୍ଡା ,ଚିନ୍ମୟାନନ୍ଦ ଦାସ, ଅମୀତ କୁମାର ସାହୁ, ଉଲ୍ଲାସ ବେହେରା ସହଯୋଗ କରିଥିଲେ ।
