ଏହି ସମୟର ପ୍ରମୁଖ ସଫଳତା ଗୁଡିକ ହେଲା :
୧ – ୧୪୮୯ଟି ଆୟୁଷ୍ମାନ ଆରୋଗ୍ୟ ମନ୍ଦିରର, NABH ଦ୍ଵାରା ଗୁଣବତ୍ତା ମାନକ ପାଇଁ ମୂଲ୍ୟାଙ୍କନ କରାଯାଇଥିଲା, ଯେଉଁଥିରୁ ୧୦୦୫ଟି ଆୟୁଷ୍ମାନ ଆରୋଗ୍ୟ ମନ୍ଦିରକୁ ଆୟୁଷ ଏଣ୍ଟ୍ରୀ ଲେବେଲ ସାର୍ଟିଫିକେଟ୍ ପ୍ରଦାନ କରାଯାଇଅଛି ।
୨- ଆୟୁଷ ମନ୍ତ୍ରାଳୟ ଦ୍ଵାରା ଆୟୁଷ୍ମାନ ଭାରତ-ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାରେ ୧୭୦ ଟି ଆୟୁର୍ବେଦ ପ୍ୟାକେଜକୁ ଅନ୍ତର୍ଭୁକ୍ତ କରାଯାଇଅଛି । ଏହା ଦ୍ଵାରା ରୋଗୀମାନଙ୍କୁ ସୁଲଭ ମୂଲ୍ୟରେ ଉତ୍ତମ ଆୟୁର୍ବେଦ ଚିକିତ୍ସା ମିଳିପାରିବ ।
୩ – ବୟସ୍କମାନଙ୍କ ପାଇଁ ୧୦,୦୦୦ ଆୟୁଷ ସ୍ୱାସ୍ଥ୍ୟ ଶିବିରର ଲକ୍ଷ୍ୟ ଧାର୍ଯ୍ୟ କରାଯାଇଥିଲା । ପରନ୍ତୁ ଆୟୁଷ ମନ୍ତ୍ରାଳୟ ମୋଟ ୧୪୬୯୨ ସ୍ୱାସ୍ଥ୍ୟ ଶିବିରର ଆୟୋଜନ କରିସାରିଛି । ଏହା ମାଧ୍ୟମରେ ମାଗଣା ସ୍ଵାସ୍ଥ୍ୟ ସମ୍ବନ୍ଧି ପରାମର୍ଶ ଓ ଚିକିତ୍ସା ପ୍ରଦାନ କରାଯାଇଛି ।
୪- ବିଶ୍ଵ ସ୍ୱାସ୍ଥ୍ୟ ସଂଗଠନ ସହଯୋଗରେ ଔଷଧୀୟ ପାଦପ ଏବଂ ଆୟୁଷ ଚିକିତ୍ସାର ବହୁଳ ପ୍ରସାର ପାଇଁ ଭିଏତନାମ ଓ ମାଲେସିଆ ଦେଶ ସହ ଚୁକ୍ତି କରାଯାଇଛି ।
୫ – ଔଷଧୀୟ ଗୁଣବତ୍ତା ପାଇଁ “ଏକ ପାଦପ – ଏକ ମାନକ” ର ପ୍ରସାର ନିମିତ୍ତ ଦିଲ୍ଲୀ ସ୍ଥିତ Pharmacopoeia Commission Indian Medicines & Homoeopathy (PCIM&H) ଏବଂ Indian Pharmacopoeia Commission (IPC) ମଧ୍ୟରେ ଚୁକ୍ତି ସ୍ୱାକ୍ଷର ହୋଇଅଛି ।
୬- ପାରମ୍ପରିକ ଚିକିତ୍ସାରେ ଗବେଷଣା ଓ ଉଦ୍ଭାବନ ଲକ୍ଷ୍ୟରେ ଦେଶର ପ୍ରମୁଖ ସଂସ୍ଥାନ IISC-Bengaluru, IIT-Delhi ଓ Tata Memorial Hospital- Mumbai ରେ ୬ଟି ନୂଆ ଆୟୁଷ ଉତ୍କର୍ଷ କେନ୍ଦ୍ରର ପ୍ରତିଷ୍ଠା କରାଯାଇଅଛି ।
୭- ୨୮୯.୦୫ କୋଟି ଟଙ୍କା ବିନିଯୋଗରେ ଅଖିଳ ଭାରତୀୟ ଆୟୁର୍ବେଦ ସଂସ୍ଥାନ, ଦିଲ୍ଲୀର ଦ୍ଵିତୀୟ ପର୍ଯ୍ୟାୟର ନିର୍ମାଣ କାର୍ଯ୍ୟ ଆରମ୍ଭ ହୋଇଅଛି । ଏଥିରେ ମୋଟ ୧୯୪ ଶଯ୍ୟାବିଶିଷ୍ଟ ଡାକ୍ତରଖାନା ସହ ଉନ୍ନତମାନର ଗବେଷଣାର ସୁବିଧା ଯୋଗାଇ ଦିଆଯିବ।
୮- ହରିଆନାର ପଞ୍ଚକୁଲାଠାରେ ୨୯୪.୯୧ କୋଟି ଟଙ୍କା ବିନିଯୋଗରେ ଜାତୀୟ ଆୟୁର୍ବେଦ ପ୍ରତିଷ୍ଠାନର ପ୍ରତିଷ୍ଠା କରାଯାଇଅଛି । ଏଥିରେ ଆୟୁର୍ବେଦରେ ସ୍ନାତକ, ସ୍ନାତକୋତ୍ତର ଓ ଡକ୍ଟରେଟ୍ ପାଠ୍ୟକ୍ରମ ପ୍ରଦାନ ସହ ୨୫୦ ଶଯ୍ୟା ବିଶିଷ୍ଟ ଡାକ୍ତରଖାନା ଓ ଗବେଷଣା କେନ୍ଦ୍ର ରହିଛି ।
୯- ଯୋଗ ଓ ପ୍ରାକୃତିକ ଚିକିତ୍ସା କ୍ଷେତ୍ରରେ ଉନ୍ନତ ଗବେଷଣା ପାଇଁ ଓଡ଼ିଶା, ଛତିଶଗଡ଼ ଓ ଆନ୍ଧ୍ରପ୍ରଦେଶରେ ୩ ଟି କେନ୍ଦ୍ରୀୟ ଗବେଷଣା ପ୍ରତିଷ୍ଠା ପାଇଁ ପ୍ରାରମ୍ଭିକ ପ୍ରକ୍ରିୟା ସରିଛି ।
୧୦- କେନ୍ଦ୍ରୀୟ ଆୟୁର୍ବେଦ ଅନୁସନ୍ଧାନ ପରିଷଦ, ଆୟୁଷ ମନ୍ତ୍ରାଳୟ, ଭାରତ ସରକାରଙ୍କ ଆନୁକୂଲ୍ୟରେ ଅନୁସରଣରେ ବୟସ୍କଙ୍କ ପାଇଁ ଆୟୁଷ ସ୍ୱାସ୍ଥ ଶିବିରର ଆୟୋଜନ ତଥା ସ୍ଵଚ୍ଛତା ଅଭିଯାନ ଦ୍ୱାରା ସ୍ଵାସ୍ଥ୍ୟ ଓ ପରିଚ୍ଛନ୍ନତାର ପ୍ରସାର ପାଇଁ କେନ୍ଦ୍ରୀୟ ଆୟୁର୍ବେଦ ଅନୁସନ୍ଧାନ ସଂସ୍ଥାନ, ଭୁବନେଶ୍ୱର ପ୍ରମୁଖ ଭୂମିକା ଗ୍ରହଣ କରିଅଛି। ଏହି ସଂସ୍ଥାନର ହସ୍ପିଟାଲ୍ NABH ଦ୍ଵାରା ମାନ୍ୟତା ପ୍ରାପ୍ତ ହୋଇ ଗୁଣବତ୍ତା ଚିକିତ୍ସା ଯୋଗାଇ ଆସୁଅଛି । Scheduled Castes Sub Plan (SCSP), Tribal Health Care Research Programme (THCRP), Woman & Child Health (WCH) ଇତ୍ୟାଦି ପରିଯୋଜନା ମାଧ୍ୟମରେ ଅନୁସୂଚିତ ଜାତି, ଜନଜାତି, ମହିଳା ଓ ଶିଶୁ ମାନଙ୍କୁ ରାଜ୍ୟର ବିଭିନ୍ନ କୋଣ ଅନୁକୋଣରେ ମାଗଣା ସ୍ଵାସ୍ଥ୍ୟ ସେବା ଯୋଗାଇ ଦେଇ ଆସୁଛି।
ଆଦିବାସୀ କଲ୍ୟାଣ ମନ୍ତ୍ରାଳୟର ଆନୁକୂଲ୍ୟରେ ICMR-ଜବଲପୁର ସହଯୋଗରେ ଏକଲବ୍ୟ ମଡେଲ ସ୍କୁଲରେ ସ୍ଵାସ୍ଥ୍ୟ ସେବା ଯୋଗାଇ ଦିଆଯାଉଅଛି । ମହିଳା ଓ ଶିଶୁ ବିକାଶ ମନ୍ତ୍ରାଳୟ ଓ ଆୟୁଷ ମନ୍ତ୍ରାଳୟର ଭାଗୀଦାରୀରେ କିଶୋରୀ କନ୍ୟାମାନଙ୍କୁ ରକ୍ତହୀନତା ଓ କୁପୋଷଣ ପାଇଁ ଆୟୁର୍ବେଦ ଚିକିତ୍ସା ଏବଂ ପରାମର୍ଶ ଦିଆଯାଉଅଛି । ଗବେଷଣା ପାଇଁ ଏହି ସଂସ୍ଥାନ ଓଡ଼ିଶାର ପ୍ରମୁଖ ଅନୁଷ୍ଠାନ AIIMS-ଭୁବନେଶ୍ୱର, ICMR-ଭୁବନେଶ୍ୱର ତଥା ICAR-ଭୁବନେଶ୍ୱର ସହ ଅନୁସନ୍ଧାନ କାଯ୍ୟ ଜାରି ରଖିଅଛି । ଏହି ସଂସ୍ଥାନ OPD ସେବା, IPD ସେବା, ମର୍ମ ଚିକିତ୍ସା, ସ୍ତ୍ରୀ-ରୋଗ ଚିକିତ୍ସା , ପଞ୍ଚକର୍ମ, କ୍ଷାର ସୂତ୍ର, ଜଳୌକା ଏବଂ ନୈଦାନିକ ପରୀକ୍ଷଣ ଆଦି ସେବା ଯୋଗାଇ ଦେଇ ଆସୁଅଛି । ଲୋକମାନଙ୍କୁ ସୁଲଭ ମୂଲ୍ୟରେ ଆୟୁଷ ଚିକିତ୍ସା ପହଞ୍ଚାଇବା ପାଇଁ ଆୟୁଷ ମନ୍ତ୍ରାଳୟ ପ୍ରଚଳିତ ସ୍ୱାସ୍ଥ୍ୟ ବ୍ୟବସ୍ଥା ସହ ମିଳିତ ଭାବେ କାର୍ଯ୍ୟ କରିବା ପାଇଁ ପ୍ରୟାସ ଜାରୀ ରଖିଅଛି।
