୧୨ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ସମ୍ବଲପୁର :-> ଲକ୍ଷ ହିଁ ସଫଳତାର ମାର୍ଗ। ସଫଳତା ହାସଲ କରିବାକୁ ଯେପରି ଲକ୍ଷ ରଖାଯାଇ ବିଜୟ ହାସଲ କରିବାକୁ ଉଦ୍ୟମ କରିବାକୁ ପଡିଥାଏ, ଜୀବନର ପ୍ରତିଟି ପାହାଚ ଓ ସବୁ କ୍ଷେତ୍ରରେ ଏଭଳି ଲକ୍ଷ ରହିବା ଉଚିତ ବୋଲି ବିରୋଧୀ ଦଳ ଉପନେତା ତଥା ରେଢ଼ାଖୋଲ ବିଧାୟକ ପ୍ରସନ୍ନ ଆଚାର୍ଯ୍ୟ କହିଛନ୍ତି । ଯୁଯୋମୁରା ଠାରେ ଆୟୋଜିତ ହେଉଥିବା ରାଜ୍ୟ ସ୍ତରୀୟ ତୀରନ୍ଦାଜି ପ୍ରତିଯୋଗିତାର ତୃତୀୟ ଦିବସରେ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରୀ ଆଚାର୍ଯ୍ୟ ପ୍ରତିଯୋଗୀ ଓ ଉପସ୍ଥିତ ଜନତାଙ୍କୁ ଏହା କହି ଉତ୍ସାହିତ କରିଛନ୍ତି ।
ଏହି ଉପଲକ୍ଷେ ଏକ ସ୍ୱତନ୍ତ୍ର ସଭାରେ ଶ୍ରୀ ଆଚାର୍ଯ୍ୟ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଜିଲ୍ଲା ତୀରନ୍ଦାଜି ସଂଘ ର ସଭାପତି କିଶୋର ଦେହୁରୀ, ଉପ ସଭାପତି ଅଶ୍ୱିନୀ କୁମୁରା, ଜିଲ୍ଲା ସଙ୍ଘ ଉପଦେଷ୍ଟା ସୁରେଶ୍ୱର ପ୍ରଧାନ ଓ ରାଜ୍ୟ ତଥା ଜିଲ୍ଲା ସଙ୍ଘର ବରିଷ୍ଠ କର୍ମକର୍ତ୍ତା ଉପସ୍ଥିତ ଥିଲେ ।
