୧୨ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) କଟକ :-> କଟକର ଭାଇଚାରା ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥୂଲା ବେଳେ ଏକ ଅଭାବନୀୟ ପରିସ୍ଥିତିକୁ ନେଇ ଏହି ଭାଇଚାରାରେ ଫାଟ ସୃଷ୍ଟି ହେବା ସ୍ପଷ୍ଟ ହୋଇଯାଇଛି । ବିଶ୍ବସ୍ତ ସୂତ୍ରରୁ ଜଣାଯାଏ ଯେ,ଆଜକୁ ଦୀର୍ଘ ଦିନ ଧରି କଟକର ରାଜାବଗିଚା ଅଞ୍ଚଳରେ ଲକ୍ଷ୍ମୀ ନାରାୟଣ ପୁଜା ସମିତି ଓ ରାଜା ବଗିଚା ପୁଜା କମିଟି ପକ୍ଷରୁ ଶାରଦୀୟ ଦୂର୍ଗାପୂଜା ମହାଆଡମ୍ବରରେ ଅନୁଷ୍ଠିତ ହୋଇ ଆସୁଥିଲା ବେଳେ ବିଗତ କିଛି ମାସ ହେଲା ଏହି ଅଞ୍ଚଳରେ ଥୂବା ଏକ ଦେବୋତ୍ତର ଜମିକୁ ଜବରଦଖଲ କରି ରହୁଥୂବା ଜନୈକ ବ୍ୟକ୍ତି ଶାରଦୀୟ ଦୂର୍ଗାପୂଜା କରିବାକୁ ପ୍ରୟାସ କରିବାର ଏବଂ ଭବିଷ୍ୟତର ଗଣ୍ଡଗୋଳର ଆଶଙ୍କାକୁ ଜାଣି ଏହାର ପ୍ରତିକାର ଲାଗି ତଥା ଏହି ପୁଜା ବନ୍ଦ କରି ଭାଇଚାରାକୁ ଅକ୍ଷୁର୍ଣ୍ଣ ରଖୂବାକୁ ଲିଖୂତ ଭାବରେ ମାନନୀୟ ଜିଲ୍ଲାପାଳ,
ମାନନୀୟ ଉପ-ଆୟୁକ୍ତ, ଆରକ୍ଷୀ , ସଭାପତି/ସମ୍ପାଦକ କଟକ ମହାନଗର ପୁଜା କମିଟି, ସଭାପତି/ସମ୍ପାଦକ, କଟକ ମହାନଗର ଶାନ୍ତି କମିଟି, ମାନନୀୟ ସାଂସଦ ଲୋକସଭା ଓ ରାଜ୍ୟସଭା, ମାନନୀୟ ଥାନାଧିକାରୀ, ପୁରୀଘାଟ ଥାନା, ମାନନୀୟ ଥାନାଧିକାରୀ, ବାଦାମବାଡ଼ି ଥାନାକୁ ଜଣାଇଥିଲେ । କିନ୍ତୁ ଦୁଃଖ ଓ ପରିତାପର ବିଷୟ ଯେ, ଗତକାଲି ରାତିରେ ବ୍ୟକ୍ତିଜଣକ ଜିଲ୍ଲା ପ୍ରଶାସନ, ପୋଲିସ୍ ପ୍ରଶାସନର ବିନାନୁମତିରେ ଉକ୍ତ ସ୍ଥାନରେ ମେଲୋଡି କାର୍ଯ୍ୟକ୍ରମ କରିବା ଯୋଗୁଁ ଏକ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା ।
ରାଜାବଗିଚା ଅଞ୍ଚଳର ସମସ୍ତ ବାସିନ୍ଦା ଏହି କାର୍ଯ୍ୟକ୍ରମକୁ ଶାନ୍ତିପୂର୍ଣ୍ଣ ଭାବେ ବିରୋଧ କରିବାରେ ଘଟଣାଟି ଉଗ୍ରରୂପ ନେଇଥିଲା। ଖବରପାଇ ଘଟଣାସ୍ଥଳରେ ମାନନୀୟ ଉପ-ଆୟୁକ୍ତ, ଆରକ୍ଷୀ, ସହକାରୀ ଆରକ୍ଷୀ ଆୟୁକ୍ତ ଜୋନ୍ -୬, ପୁରୀଘାଟ ଥାନା ଅଧୀକାରୀ, ବାଦାମବାଡ଼ି ଥାନା ଅଧୀକାରୀ ସଦଳବଳେ ପହଞ୍ଚି ବିନାନୁମତିରେ ମେଲୋଡି କାର୍ଯ୍ୟକ୍ରମକୁ ବନ୍ଦ କରିବା ସହ ଉକ୍ତ ବ୍ୟକ୍ତିଙ୍କଠାରୁ ଜୋରିମାନା ବାବଦକୁ ଟ.୧୦,୦୦୦/- ଆଦାୟ କରିଥିଲେ ।
ଏହି ଜୋରିମାନା ଆଦାୟରେ ସ୍ଥାନୀୟ ବାସିନ୍ଦା ଅସନ୍ତୋଷ ପ୍ରକାଶରେ ଘଟଣାସ୍ଥଳରେ ଉପସ୍ଥିତ ଥୂବା ସହକାରୀ ଆରକ୍ଷୀ ଆୟୁକ୍ତ ଜୋନ୍ -୬ ଶ୍ରୀ ସ୍ବସ୍ତିକ ପଣ୍ଡା ସମସ୍ତ ବାସିନ୍ଦା ଙ୍କର ଚିନ୍ତାଧାରାକୁ ସମ୍ମାନ ଦେବା ସହ ଉକ୍ତ ବ୍ୟକ୍ତିଙ୍କୁ ପୁନର୍ବାର ଏପରି ନ କରିବାକୁ ନିର୍ଦ୍ଦେଶ ଦେଇଥୂଲେ । ସହକାରୀ ଆରକ୍ଷୀ ଆୟୁକ୍ତଙ୍କ ଏହି ଆଶ୍ଵାସନା ଓ ପ୍ରତିଶୃତିକୁ ଧନ୍ୟବାଦ ସହ ସମ୍ମାନ ଜଣାଇ ରାଜାବଗିଚା ର ବାସିନ୍ଦାମାନେ ଆନ୍ଦୋଳନରୁ ଓହରି ଯାଇଥୂଲେ ଏବଂ ଯଦି କଟକର ଭାଇଚାରା କୁ ନଷ୍ଟ କରିବାକୁ କେହି ବି ଚେଷ୍ଟା କରନ୍ତି ତେବେ ରାଜାବଗିଚା ବାସିନ୍ଦାମାନଙ୍କ ପକ୍ଷରୁ ସେମାନଙ୍କୁ ଉଚିତ ଶିକ୍ଷା ଦିଆଯିବ ବୋଲି ପୁଜା କମିଟିର କର୍ମକର୍ତ୍ତାମାନେ ପ୍ରକାଶ କରିଥିଲେ ।
