୧୦ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :-> ପବିତ୍ର ଗୋପବନ୍ଧୁ ଜୟନ୍ତୀ ଅବସରରେ ଦି ମିରର ଅନୁଷ୍ଠାନ ଓ କଂଶୋର୍ଟୀୟମ ଫର ଇକୋଲୋଜିକାଲ ସିକୁରିଟି ଆଣ୍ଡ ଡିଜାଷ୍ଟର ମ୍ୟାନେଜେ୍ମେଣ୍ଟ ର ମିଳିତ ଉଦ୍ୟମ ରେ ପୁରୀ ସଦର ବ୍ଲକ ଅଧିନସ୍ଥ କାଶିହରିପୁର ର ଗ୍ରାମପଞ୍ଚାୟତ ର ଆଳିକିଆ ଗ୍ରାମ ରେ ଜାମୁକୋଳି, ବଉଳକୋଳି, ଝାଉଁ, ନିମ୍ବ ଓ ତାଳ ଗଛ ଆଦି ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବର୍ତମାନ ବଜ୍ରପାତ ଜନିତ ମୃତ୍ୟୁ ସଂଖ୍ୟା ଦିନ କୁ ଦିନ ବଢ଼ିବାରେ ଲାଗିଛି । ଏହାକୁ ପ୍ରତିହତ କରିବା ନିମନ୍ତେ ତାଳ ଚାରା ଲଗେଇବା ନିହାତି ଜରୁରୀ, ଜଳବାୟୁ ର ପରିପର୍ତ୍ତନ ପାଣିପାଗ ର ଅନିୟମିତତା ବର୍ତମାନ ଆମ ପାଇଁ ଏକ ପ୍ରମୁଖ ସମସ୍ୟା ଭାବରେ ଉଭା ହୋଇଛି ।
ଏଥି ନିମନ୍ତେ ବୃକ୍ଷ ରୋପଣ, ଜଳ ଓ ବର୍ଯ୍ୟ ବସ୍ତୁ ର ସୁ ପରିଚାଳନା, ଜନ ସଚେତନତା ଜରୁରୀ ଅଟେ। ଏହି ଅବସରରେ ପରିବେଶ ବିଜ୍ଞାନୀ ଡକ୍ଟର ଅନନ୍ତ ଚରଣ ସାହୁ ଯୋଗ ଦେଇ ବୃକ୍ଷ ରୋପଣ ର ଉପକାରିତା, ତାଳ ଗଛ କିପରି ବଜ୍ରପାତ ରୁ ରକ୍ଷା କରେ ସେ ସଂମ୍ପର୍କ ରେ ଗ୍ରାମ ବାସୀ ଙ୍କୁ ସଚେତନ କରାଇଥିଲେ । କଳିଙ୍ଗ ସ୍ମାର୍ଟ ସ୍କୁଲ ର ଚାରି ଜନ ଶିକ୍ଷୟତ୍ରୀ ସାଗରୀକା ପ୍ରଧାନ, ଜ୍ଞାନ ଜ୍ୟୋତି ସିଂ, ପ୍ରିୟଙ୍କା ରଥ ଓ ଗାୟତ୍ରୀ ମହାପାତ୍ର ନିଜର ଜନ୍ମଦିନ କୁ ନିଆରା ଢଙ୍ଗ ରେ ପାଳନ କରି ଏକ ଉଦାହରଣ ସୃଷ୍ଟି କରିଛନ୍ତି ।
ଆଳିକିଆ ଗ୍ରାମବାସୀ ଙ୍କ ଗହଣରେ ବୃକ୍ଷ ରୋପଣରେ ଅଂଶ ଗ୍ରହଣ କରି ନିଜ ଜନ୍ମଦିନ ପାଳନ କରିବା ସହିତ ମାଟି ମା ର ସୁରକ୍ଷା ପାଇଁ ଶପଥ ଗ୍ରହଣ କରିଥିଲେ। ଏହି କାର୍ଯ୍ୟକ୍ରମ ରେ ପଂଚାୟତ ର ସମିତି ସଭ୍ୟ ଶ୍ରୀ ପ୍ରଦୀପ୍ତ ଭାନୁ ଘଟୁଆରୀ, ଦି ମିରର ର ସଭାପତି ସଞ୍ଜୟ କୁମାର ପ୍ରଧାନ, ଗୋପବନ୍ଧୁ ସେବା ପରିଷଦ ର ଅଧକ୍ଷ ପ୍ରଦୀପ କୁମାର ମହାରଣା, କଳିଙ୍ଗ ସ୍ମାର୍ଟ ସ୍କୁଲ ର ଅଧକ୍ଷା ପ୍ରଜ୍ଞା ଶୁଭମିତା ପ୍ରତିହାରୀ, ସନ୍ଧ୍ୟାରାଣୀ ବାରିକ, ବିଶ୍ୱଜିତା ମିଶ୍ର, ଦେବେନ୍ଦ୍ର ପ୍ରଧାନ ସନ୍ତୋଷ ପୃଷ୍ଟି ଯୋଗ ଦେଇ କାର୍ଯ୍ୟକ୍ରମ କୁ ପରିଚାଳନା କରିଥିଲେ ।
