୧୦ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ନୟାଗଡ :-> ଜିଲ୍ଲା ଓ ଦୌରାଜଜ ତଥା ଅଧ୍ୟକ୍ଷ, ନୟାଗଡ଼ ଜିଲ୍ଲା ଆଇନ ସେବା ପ୍ରାଧିକରଣ ଶ୍ରୀ ଆନନ୍ଦ ନାରାୟଣ ମହାରଣାଙ୍କ ନିର୍ଦ୍ଦେଶ କ୍ରମେ, ସଚିବ ଶ୍ରୀମତୀ ଅଞ୍ଜଳି ମଛଖଣ୍ଡଙ୍କ ତତ୍ୱାବଧାନରେ, “ସେବା”, ନୟାଗଡ ଠାରେ “ବିଶ୍ଵ ମାନସିକ ସ୍ୱାସ୍ଥ୍ୟ ଦିବସ” ପାଳିତ ହୋଇଯାଇଅଛି । ପ୍ରାଧିକରଣର ସଚିବ ତଥା ବରିଷ୍ଠବର୍ଗ ବିଚାରପତି ଶ୍ରୀମତୀ ଅଞ୍ଜଳି ମଛଖଣ୍ଡଙ୍କ ତତ୍ୱାବଧାନରେ ମାନସିକ ଅବସାଦ ଗ୍ରସ୍ତ ଅନ୍ତେବାସୀ ମାନଙ୍କର ଏକ ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଥିଲା । ତତ୍ପରେ ଅନ୍ତେଃବାସୀ ମାନକୁ ନେଇ ଆଇନଗତ ସହାୟତା ସଚେତନତା କାର୍ଯ୍ୟକ୍ରମ ହୋଇଥିଲା ।
ପ୍ରାଧିକରଣ କର୍ମଚାରୀ ଶ୍ରୀ ପବନ କୁମାର ବେହେରା ଅତିଥିମାନଙ୍କ ପରିଚୟ ପ୍ରଦାନ କରିଥିବା ବେଳେ, ଅନ୍ତେବାସୀ ମାନଙ୍କ ସ୍ଵାଗତ ସଙ୍ଗୀତ ସହିତ, ସେବା ଉପସଭାପତି ଶ୍ରୀ ସଞ୍ଜୟ କୁମାର ସୁବୁଦ୍ଧି ଅତିଥି ସମ୍ବର୍ଦ୍ଧନା କରିଥିଲେ । ଆଇନଜୀବି ଶ୍ରୀ ରଣଜୀତ ଦାସ ସେବା ଅନୁଷ୍ଠାନର ସେବା ମନୋବୃତି ଏବଂ ସୋହମ ର ସମ୍ପାଦକ ଶ୍ରୀ କାମାକ୍ଷ୍ୟା ପ୍ରସାଦ ଦାସ ଅନ୍ତେଃବାସୀମାନଙ୍କର ମାନସିକ ଶିକ୍ଷା ଉପରେ ମତ ପ୍ରଦାନ କରିଥିଲେ । ପ୍ରାଧିକରଣର ସଚିବ ଶ୍ରୀମତୀ ଅଞ୍ଜଳି ମଛଖଣ୍ଡ ମାନସିକ ଅବସାଦ ଗ୍ରସ୍ତ ମାନଙ୍କର ଜୀବନଶୈଳୀ,
ପୋସ୍କୋ, ପୋସ ଏବଂ ମାନସିକ ଅବସାଦଗ୍ରସ୍ତ ମାନେ ଯୌନ ଶୋଷଣର କିପରି ଅଭିବ୍ୟକ୍ତ କରିପାରିବେ ତାହା ବର୍ଣନା କରିଥିଲେ । ଜିଲ୍ଲା ଆଇନ ସେବା ପ୍ରାଧିକରଣ ଏ ଦିଗରେ ସର୍ବଦା ସାହାର୍ଯ୍ୟ ପାଇଁ ଜାଗ୍ରତ ବୋଲି ଦର୍ଶାଇଥିଲେ । ବରିଷ୍ଠ ଆଇନଜୀବି ଶ୍ରୀ ରମେଶ ଚନ୍ଦ୍ର ମହାରଣା ଜାତୀୟ ଆଇନ ସେବା ପ୍ରାଧିକରଣଙ୍କ ମାନସିକ ଅବସାଦ ଗ୍ରସ୍ତ ବ୍ୟବସ୍ଥା -୨୦୧୫ ର ବହୁବିଧ ବ୍ୟବସ୍ଥା – ସାମ୍ବିଧାନିକ ସୁରକ୍ଷା, ବାସସ୍ଥାନ, ଚିକିଚ୍ଛା ଓ ଆଇନଗତ ସହାୟତା ଉପରେ ଆଲୋକପାତ କରିଥିଲେ ।
ଅଧକ୍ଷ ଶ୍ରୀ ବୈକୁଣ୍ଠ ନାଥ ମହାପାତ୍ର ସେବା ସଂସ୍ଥା ଦ୍ବାରା ପ୍ରଦାନ କରାଯାଇଥିବା ସୁବିଧା ଦର୍ଶାଇଥିଲେ । ଦୃଷ୍ଟି ବାଧିତ ଶୁଭଶ୍ରୀ, ଲିଟନ ସୁନ୍ଦରା ଏବଂ ଅଧ୍ୟାପକ ଶ୍ରୀ ଅଜିତ କୁମାର ସୁବୁଦ୍ଧି ଏବଂ ଅନ୍ୟାନ୍ୟ ଅନ୍ତେଃବାସୀମାନଙ୍କର ସଙ୍ଗୀତ, ପରିବେଶକୁ ମନ୍ତ୍ରମୁଗ୍ଧ କରିଥିଲା । ସଦସ୍ୟ ମହମ୍ମଦ ଓମାର ମାଲ୍ଲିକ ମାନସିକ ଅବସାଦିତଙ୍କୁ ସେବା ଓ ସହାୟତା ଯୋଗାଇବା ଆମର ପରମ କର୍ତବ୍ୟ ବୋଲି ବର୍ଣ୍ଣନା କରିଥିଲେ । ସେବାର ଅନ୍ତେବାସୀ,
ପ୍ରଶିକ୍ଷକ, ଗ୍ରାମ୍ୟ ସହାୟତା କର୍ମୀ ଓ ପ୍ରାଧିକରଣର କର୍ମଚାରୀ ଶ୍ରୀମତୀ ପ୍ରମିଳା ମଲିକ ଓ ଶ୍ରୀ ପ୍ରଶାନ୍ତ କୁମାର ସାହୁ ପ୍ରମୁଖ ଉପସ୍ଥିତ ଥିଲେ । “ସେବା”ର ସାଧାରଣ ସମ୍ପାଦକ ଶ୍ରୀ ଅମରେନ୍ଦ୍ର କୁମାର ଦାସ ପରିଜା, ମାନସିକ ଅବସାଦିତ ମାନଙ୍କୁ ସାହାର୍ଯ୍ୟ କରିବା ପାଇଁ ପ୍ରଶାସନିକ ଅଧିକାରୀ, ପୋଲିସ କର୍ମଚାରୀ, ଓ ଆଇନଜୀବୀ ମାନଙ୍କୁ ସଚେତନତା କରିବା ଆବଶ୍ୟକ ବୋଲି ମତ୍ତ ପୋଷଣ କରିବା ସହିତ ଧନ୍ୟବାଦ ଜ୍ଞାପନ କରିଥିଲେ ।
