କାନାରା ବ୍ୟାଙ୍କ ପକ୍ଷରୁ ମେଗା ରିଟେଲ୍ ଋଣ ମେଳା ଆୟୋଜିତ
ବ୍ୟାଙ୍କ ତରଫରୁ ଜିରୋ ଡକ୍ୟୁମେଣ୍ଟେସନ୍ ଓ ଜିରୋ ପ୍ରୋସେସିଂ ଫି ସହିତ ଗୃହ ଋଣ ଉପରେ ୮.୪ ପ୍ରତିଶତରୁ ଆରମ୍ଭ ହୋଇଥିବା ପ୍ରତିଯୋଗିତାମୂଳକ ସୁଧହାର ଉପଲବ୍ଧ ରହିଛି । ଗୃହ ଋଣ କିସ୍ତିରୁ ଆରମ୍ଭ ମାସିକ ବେତନ ୯୬ ଗୁଣ ଅଧିକତମ ଋଣ ମାତ୍ରା ସହିତ ୧ ଲକ୍ଷରେ ୭୬୨ ଟଙ୍କାରେ ଉପଲବ୍ଧ । ଗାଡି ଋଣର ସୁଧ ହାର ଇଲେକ୍ଟ୍ରିକ ଗାଡି ଉପରେ ୮.୭୦ପ୍ରତିଶତରୁ ଆରମ୍ଭ ଏବଂ ଜିରୋ ଡକ୍ୟୁମେଣ୍ଟେସନ୍ ଓ ଜିରୋ ପ୍ରୋସେସିଂ ଫି ସହିତ ପେଟ୍ରୋଲ ଓ ଡିଜେଲ ଗାଡିଗୁଡିକ ପାଇଁ ୮.୭୦ ପ୍ରତିଶତରେ ଉପଲବ୍ଧ ।
ଗାଡି କିସ୍ତି ବୀମା, ଆର୍ସି ଓ ଆସେସୋରିଜ୍ ସହିତ ଗାଡିର ୯୦ ପ୍ରତିଶତ ମୂଲ୍ୟର ସର୍ବାଧିକ ଋଣ ପରିମାଣ ସହିତ ୧ ଲକ୍ଷ ଟଙ୍କାରେ ୧୫୯୪ ଟଙ୍କାରେ ଉପଲବ୍ଧ । ଏହି ଅବସରରେ ବହୁ ପ୍ରତିଷ୍ଠିତ ବିଲ୍ଡର ସେମାନଙ୍କ ପ୍ରୋଜେକ୍ଟଗୁଡିକ ପ୍ରଦର୍ଶିତ କରିବା ସହ ଗାଡି ଡିଲରମାନେ ସେମାନଙ୍କ ସର୍ବୋତ୍ତମ ଗାଡିଗୁଡିକ ପ୍ରଦର୍ଶିତ କରିଥିଲେ । ୩୧ ଜଣ ବିଲ୍ଡର ଏବଂ ଗାଡି ଡିଲର ଏଥିରେ ଅଂଶଗ୍ରହଣ କରିଥିଲେ ।
୩୦୦ରୁ ଉର୍ଦ୍ଧ୍ୱ ଗ୍ରାହକ ଏଥିରେ ଭାଗ ନେଇଥିବା ସହ ଗୋଟିଏ ସ୍ଥାନରେ ବହୁମୂଖୀ ସୁବିଧା ପାଇ ପାରିଥିଲେ । ୮୧ ଜଣ ହିତାଧିକାରୀଙ୍କୁ ଗୃହ ଋଣ, ଗାଡି ଋଣ ଓ ଶିକ୍ଷା ଋଣର ଇନ୍ ପ୍ରିନ୍ସିପାଲ ମଞ୍ଜୁରୀ ପ୍ରଦାନ କରା ଯାଇଥିଲା । ଏହି ଅବସରରେ ଗୃହ ଋଣ, ଗାଡି ଋଣ, ଶିକ୍ଷା ଋଣ ଓ ବିତ୍ତୀୟ ପରିଚାଳନା ଉପରେ ଜ୍ଞାନ ବୃଦ୍ଧି ଅଧିବେସନ ଆୟୋଜିତ ହୋଇଥିଲା । କାର୍ଯ୍ୟକ୍ରମ ସଫଳତାର ସହ ସମାପ୍ତ ହୋଇଥିଲା ।
