୦୭ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ବାଙ୍କୀ କଚେରୀ ପଡିଆ ଠାରେ ବାଙ୍କୀ ମହୋତ୍ସବ ଉପଲକ୍ଷେ ବାଙ୍କୀ ପ୍ରଶାସନ ଏକାଦଶ ଓ ବାଙ୍କୀ ମହୋତ୍ସବ ଏକାଦଶଙ୍କ ମଧ୍ୟରେ ବନ୍ଧୁତ୍ୱପୂର୍ଣ୍ଣ ଫୁଟବଲ୍ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ବାଙ୍କୀ ମହୋତ୍ସବ ଏକାଦଶ ଦଳ ବାଙ୍କୀ ପ୍ରଶାସନ ଏକାଦଶ ଦଳକୁ ୩-୧ ଗୋଲରେ ପରାଜିତ କରି ମହୋତ୍ସବରେ ପୁରସ୍କୃତ ହେବା ପାଇଁ ମନୋନୀତ ହୋଇଛନ୍ତି । ବାଙ୍କୀ ପ୍ରଶାସନ ଏକାଦଶ ପକ୍ଷରୁ ଉପଜିଲ୍ଲାପାଳ ଦେବୀ ପ୍ରସାଦ ମହାନ୍ତିଙ୍କ ନେତୃତ୍ୱରେ ଦୁର୍ଯ୍ୟୋଧନ ବେହେରା,
ଅନୀଲ୍ କୁମାର ପ୍ରଧାନ, ବିଶ୍ୱନାଥ ସୋରେନ୍, ଶଙ୍କର ସିଂହ, ସିଦ୍ଧାର୍ଥ ସାହୁ, ଦେବପ୍ରିୟ ନାୟକ, ବିଜୁ ବେହେରା, ହରେକୃଷ୍ଣ ମୁର୍ମୁ, ପୁନେଶ୍ୱର ମାଝୀ, ଧୂର୍ବଚରଣ ତାଡୁଆ ଓ ବାଙ୍କୀ ମହୋତ୍ସବ ଏକାଦଶ ପକ୍ଷରୁ ବିଧାୟକ ଦେବୀରଞ୍ଜନ ତ୍ରିପାଠୀଙ୍କ ନେତୃତ୍ୱରେ ପପୁନ୍ ଜେନା, ବାଦଲ ନାୟକ, ନିତିଆ ପ୍ର୍ରଧାନ, ସନ୍ତୋଷ କୁମାର ରଣା, ଶୁଭେନ୍ଦୁ ବେହେରା, ଆଦିତ୍ୟ ସାମଲ, ଚନ୍ଦନ ବେହେରା, ତନ୍ମୟ ସାହୁ, ମନୋଜ ପ୍ରଧାନ, ରାଜା ହେମ୍ବ୍ରମ୍ ପ୍ରମୁଖ ଏହି ପ୍ରତିଯୋଗିତାରେ ଭାଗନେଇଥିଲେ ।
ତପନ ନାୟକ ରେଫରୀ ଭାବରେ ଖେଳ ପରିଚାଳନା କରିଥିବା ବେଳେ ଆଦର୍ଶ ମହାପାତ୍ର ଓ ଜଗନ୍ନାଥ ସେଠୀ ଲାଇନ୍ସ୍ ମ୍ୟାନ୍ ଭାବରେ କାର୍ଯ୍ୟ କରିଥିଲେ । ବାଙ୍କୀ ମହୋତ୍ସବ ସଂପାଦକ ସନ୍ତୋଷ କୁମାର ରଣାଙ୍କ ତତ୍ତ୍ୱାବଧାନରେ ଆୟୋଜିତ ଏହି ଖେଳକୁ ବରିଷ୍ଠ ସମାଜସେବୀ ଶ୍ୟାମ ସୁନ୍ଦର ସାହୁ ମୁଖ୍ୟଅତିଥି ଭାବରେ ଯୋଗଦେଇ ଖେଳ ଶୁଭାରମ୍ଭ କରିଥିଲେ । ବାଙ୍କୀ କେନ୍ଦ୍ର ସମବାୟ ବ୍ୟାଙ୍କ ସଭାପତି ସୁବାସ ଚନ୍ଦ୍ର ପାଢୀ, ମହୋତ୍ସବ ସଂପାଦକ ଡକ୍ଟର ଗଣେଶ୍ୱର ସ୍ୱାଇଁ, ମହୋତ୍ସବ କୋଷାଧ୍ୟକ୍ଷ ସମରେନ୍ଦ୍ର ମହାପାତ୍ର, ଭାଗୀରଥି ବିଶ୍ୱାଳ, ଆଇନଜୀବୀ ପ୍ରଦୀପ କୁମାର ପୃଷ୍ଟି, ସୌମେନ୍ଦ୍ର ମିଶ୍ର ଅତିଥି ଭାବରେ ଯୋଗଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ ।
