୦୩ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଫୁଲବାଣୀ :-> ମୋହନଦାସ କରମଚାନ୍ଦ ସାଂସ୍କୃତିକ ପରିଷଦ ଫୁଲବାଣୀ ଆନୁକୁଲ୍ୟରେ 155 ତମ ଗାନ୍ଧୀ ଜୟନ୍ତୀ, 119 ତମ ଶାସ୍ତ୍ରୀ ଜୟନ୍ତୀ ଓ ଏହାର 63 ତମ ବାର୍ଷିକ ଉତ୍ସବ ପାଳନ ହୋଇଯାଇଅଛି । ସକାଳ ସାତଟାରେ ଏମ୍ କେ ଏସ୍ ପି ସଭାପତି ବିଜୟକୃଷ୍ଣ ପଟ୍ଟନାୟକଙ୍କ ଦ୍ବାରା ପରିଷଦର ପତାକା ଉତ୍ତୋଳନ କରାଯାଇ କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା ଓ ସମସ୍ତ ସଭ୍ୟ ସଭ୍ୟା ମାନଙ୍କ ଦ୍ଵାରା ପରିଷଦର ପରିସର ସଫେଇ କରାଯାଇଥିଲା । ଏହାପରେ କନ୍ଧମାଳ ଜିଲ୍ଲା ପ୍ରଶାସନର ମିଳିତ ଉଦ୍ୟମରେ ଗାନ୍ଧିଜୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା ।କନ୍ଧମାଳ ଅତିରିକ୍ତ ଜିଲ୍ଲାପାଳ ଅଶୋକ କୁମାର ଭୋଇ ମୁଖ୍ୟ ଅତିଥି ରୂପେ ,
ଜିଲ୍ଲା ପରିଷଦ କନ୍ଧମାଳର ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ରତ୍ନାକର ଭୋଇ ଓ ଆଦିବାସୀ ଉନ୍ନୟନ ସଂସ୍ଥା ଫୁଲବାଣୀର ପ୍ରକଳ୍ପ ପ୍ରଶାସିକା ଦେବଯାନୀ ଭୂୟାଁ ସମ୍ମାନିତ ଅତିଥି ରୂପେ ଯୋଗଦେଇଥିଲେ । ଏହି ଉପଲକ୍ଷେ ଗୁରୁ ମନୋଜ ନାୟକ, ଅସିତ୍ ନନ୍ଦ , ରମାକାନ୍ତ ମାଝୀ ଓ ଗୋପୀନାଥ ରାଉତ ଙ୍କ ଦ୍ଵାରା ଗାନ୍ଧୀଙ୍କ ପ୍ରିୟ ଭକନ ଗାନ ଓ ବିଭିନ୍ନ ଧର୍ମ ସମ୍ପ୍ରଦାୟ ଦ୍ଵାରା ସର୍ବ ଧର୍ମ ପ୍ରାର୍ଥନା ସଭାର ଆୟୋଜନ କରାଯାଇଥିଲା । ପୂର୍ବାହ୍ନ ଦଶ ଘଣ୍ଟା ତିରିଶି ମିନିଟ ସମୟରେ କମଳା ପ୍ରକାଶନୀ ସାହିତ୍ୟ ସଂସଦର ମିଳିତ ଆନୁକୁଲ୍ୟରେ ବିଜୟ କୃଷ୍ଣ ପଟ୍ଟନାୟକଙ୍କ ସଭାପତିତ୍ବରେ “ଅଳ୍ପ ଗଳ୍ପ” ଆଲୋଚନା ଚକ୍ର ଓ ବନବିହାରୀ ନନ୍ଦ ଙ୍କ ସଭାପତିତ୍ବରେ କବିତା ପାଠୋତ୍ସବର ଆୟୋଜନ କରାଯାଇଥିଲା ।
ଉଭୟ କାର୍ଯ୍ୟକ୍ରମକୁ ଡ: ନୃସିଂହାନନ୍ଦ ମହାପାତ୍ର ପରିଚାଳନା କରିଥିଲେ । ମୁଖ୍ୟ ଅତିଥି ରୂପେ ରବୀନ୍ଦ୍ର ନାଥ ମିଶ୍ର, ସମ୍ମାନୀତ ଅତିଥି ରୂପେ ଡ. ଅରୂପ ଜେନା ଏବଂ ଗାଳ୍ପିକ ସୁଜିତ୍ କୁମାର ପଣ୍ଡା ଓ ରାମକୃଷ୍ଣ ମହାନ୍ତି ଯୋଗ ଦେଇ ଗଳ୍ପ ସାହିତ୍ୟ ଉପରେ ଆଲୋଚନା କରିଥିଲେ । କମଳା ପ୍ରକାଶିନୀର ସଭାପତି ରାମକୃଷ୍ଣ ବେହେରା ଧନ୍ୟବାଦ ଅର୍ପଣ କରିଥିଲେ । ବିଦେଶୀ ନାୟକ, ପ୍ରଣତି ତ୍ରିପାଠୀ ଓ ପ୍ରତିଭା ଦାଶ ଙ୍କ ସଂଯୋଜନାରେ କବିତା ପାଠୋତ୍ସବ ଆୟୋଜନ କରାଯାଇଥିଲା । ଏଥିରେ 53 ଜଣ କବି ଓ କବୟତ୍ରୀ ଯୋଗଦେଇ ସ୍ବରଚିତ କବିତା ପାଠ କରିଥିଲେ । ପ୍ରସନ୍ନ କୁମାର ପଣ୍ଡା ଓ ହରପ୍ରିୟା ମିଶ୍ର ଏହାକୁ ପରିଚାଳନା କରିଥିବାବେଳେ କିଶୋର ଚନ୍ଦ୍ର ମିଶ୍ର ଧନ୍ୟବାଦ ଅର୍ପଣ କରିଥିଲେ ।ଅପରାହ୍ନ ଚାରିଟା ସମୟରେ ଦୁଇଦିନ ଧରି ଚାଲୁଥିବା ଭଲିବଲଟୁର୍ଣ୍ଣାମେଣ୍ଟ ପ୍ରତିଯୋଗିତାର ଉଦଯାପନୀ ଉତ୍ସବ ଅନୁଷ୍ଠିତ ହୋଇଥିଲା ।
ଏହି ଟୁର୍ଣ୍ଣାମେଣ୍ଟକୁ ଜିଲ୍ଲା କ୍ରୀଡା ସଂଘର ସଂପାଦକ ଶିବ ପ୍ରସାଦ ତ୍ରିପାଠୀ ଉଦଘାଟନ କରିଥିଲେ । ଆଇନଜୀବୀ ତଥା ପାଞ୍ଚ ନମ୍ୱର କାଉନସିଲର ରମେଶ ଚନ୍ଦ୍ର ମହାନ୍ତି ସମ୍ମାନିତ ଅତିଥି ରୂପେ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଉଦଯାପନୀ ଉତ୍ସବରେ ପୌରପରିଷଦର ଭାରପ୍ରାପ୍ତ ଅଧକ୍ଷା ପାୟଲ ବେହେରା ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ସନ୍ଧ୍ୟାରେ ପରିଷଦର ଉପଦେଷ୍ଟା ପ୍ରତାପ ପାତ୍ରଙ୍କ ନେତୃତ୍ତ୍ୱରେ ଦିବଙ୍ଗତ ନେତୃସ୍ଥାନୀୟ ଷୋହଳ ଜଣ ସଭ୍ୟ ମାନଙ୍କ ଫଟୋଚିତ୍ର ସମ୍ମୁଖରେ ଦୀପଦାନ କରି ଓ ପରେ ଗାନ୍ଧିଜୀ, ଶାସ୍ତ୍ରୀଜୀଙ୍କ ଫଟୋଚିତ୍ର ରେ ପୁଷ୍ପ, ଧୂପ ,ଦୀପ ଅର୍ପଣ ପୂର୍ବକ ପରିଷଦର ସଭାପତି ବିଜୟକୃଷ୍ଣ ପଟ୍ଟନାୟକଙ୍କ ସଭାପତିତ୍ବରେ ସାଧାରଣ ସଭା ଓ ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା ।
ଫୁଲବାଣୀ ଉପଜିଲ୍ଲାପାଳ ଚିତ୍ତରଞ୍ଜନ ମହନ୍ତ ମୁଖ୍ୟ ଅତିଥି , ଫିରିଙ୍ଗିଆ ମହାବିଦ୍ୟାଳୟର ଅଧକ୍ଷ ଡ: ଚିତ୍ତରଞ୍ଜନ ମିଶ୍ର ମୁଖ୍ୟ ବକ୍ତା, ଜିଲ୍ଲା ସଂସ୍କୃତି ଅଧିକାରୀ ଅକ୍ଷୟ କୁମାର ସେଠୀ ଓ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ପ୍ରଭାକର ମହାରଣା ସମ୍ମାନୀତ ଅତିଥି ରୂପେ ଯୋଗ ଦେଇ ଗାନ୍ଧିଜୀ ଓ ଶାସ୍ତ୍ରିଜୀ ଙ୍କ ଜୀବନୀ ଉପରେ ଆଲୋକପାତ କରିଥିଲେ। ପ୍ରାରମ୍ଭରେ ବର୍ଷୀୟାନ ସଭ୍ୟ ନାରାୟଣ ସାହୁ ପରିଷଦ ସହ ଥିବା ତାଙ୍କର ଷାଠିଏ ବର୍ଷର ଅନୁଭୂତି କୁ ସ୍ମୃତିଚାରଣ କରିଥିଲେ । ଏହି ଅବସରରେ କ୍ରୀଡାବିତ୍ ନାରାୟଣ ସାହୁଙ୍କୁ ଏମ କେ ଏସ ପି କ୍ରୀଡାସମ୍ମାନ, ବିଷ୍ଣୁ ଚରଣ ସାହୁଙ୍କୁ କୁମୁଦଚନ୍ଦ୍ର ମଲ୍ଲିକ କଳା ସମ୍ମାନ,
ଇଂ ହରି ଶଙ୍କର ରାଉତ ଙ୍କୁ ଉମେଶ ଚନ୍ଦ୍ର ପାତ୍ର ସମାଜ ସେବା ସମ୍ମାନ ରେ ସମ୍ମାନିତ କରାଯାଇଥିଲା। ଶେଷରେ ଏମ କେ ଏସ ପି ର କଳାକାର ମାନଙ୍କ ଦ୍ଵାରା ନୃତ୍ୟ ପରିବେଷିତ ହୋଇଥିଲା । ସମସ୍ତ କାର୍ଯ୍ୟକ୍ରମକୁ ଅଶୋକ କୁମାର ମିଶ୍ର, ଜ୍ୟୋତିର୍ମୟୀ କହଁର, ହରପ୍ରିୟା ମିଶ୍ର,ପ୍ରସନ୍ନ ପଣ୍ଡା, ସତ୍ୟବ୍ରତ ପାତ୍ର ପରିଚାଳନା କରିଥିବା ବେଳେ ସଚ୍ଚିଦାନନ୍ଦ ମହାପାତ୍ର, ବିପିନ ପଟ୍ଟନାୟକ, କାଳୁ ପ୍ରଧାନ ,ସରୋଜିନୀ ପଟ୍ଟନାୟକ, ପ୍ରମୋଦିନୀ ପାଣିଗ୍ରାହୀ, ମଧୁସ୍ମିତା କୁଦେଇ , ରଶ୍ମିତା ଭୋଇ ପ୍ରଭୃତି ସହାୟତା କରିଥିଲେ । ଶେଷରେ ବିଭିନ୍ନ ପ୍ରତିଯୋଗିତାରେ ଯୋଗ୍ୟ ବିବେଚିତ ହୋଇଥିବା ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରିବା ସହ ସାଧାରଣ ସମ୍ପାଦକ ଶରତ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ ।
