୦୩ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) କଟକ :-> ଗଣେଶ ପୂଜା ଠାରୁ ଆରମ୍ଭ ହୋଇଛି ପାର୍ବଣ ରୁତୁ । ଏହି ଶାରଦୀୟ ଦୂର୍ଗାପୂଜା ଆସନ୍ତା ୯ ତାରିଖ ଷଷ୍ଠୀରୁ ଆରମ୍ଭ ହୋଇ ୧୩ ତାରିଖ ଦଶମୀ ପର୍ଯ୍ୟନ୍ତ ଅନୁଷ୍ଠିତ ହେବ । ୧୪ ତାରିଖରେ କଟକ ସହରରେ ଭଷାଣୀ ଉତ୍ସବ ଅନୁଷ୍ଠିତ ହେଉଥିବାରୁ । କଟକ ସଦର , ବାରଙ୍ଗ ଏବଂ ୪୨ ମୌଜା ଥାନା ଅଞ୍ଚଳରେ ହୋଇଥିବା ହରପାର୍ବତୀ, ଦୂର୍ଗା ମେଢ଼ ଗୁଡିକ ୧୫ ତାରିଖ ମଙ୍ଗଳବାର ଦିନ ଭଷାଣୀ କରାଯିବ । ଏନେଇ ଗୁରୁବାର ସନ୍ଧ୍ୟାର କଟକ ଭୁବନେଶ୍ୱର କମିଶନରେଟ ପୋଲିସ ପକ୍ଷରୁ ,
କଟକ ସଦର ଥାନା ଅନ୍ତର୍ଗତ ପ୍ରତାପନଗରୀ ସ୍ଥିତ ମା’ ଧାକୁଲେଇଙ୍କ ପୀଠ ସ୍ଥଳରେ ଶାରଦୀୟ ଦୂର୍ଗା ପୂଜା ଉପଲକ୍ଷେ ଏକ ପ୍ରସ୍ତୁତି ବୈଠକ କଟକ ସଦର ଥାନା ଆଇଆଇସି ଜଗନ୍ନାଥ ମଲ୍ଲିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏହି ପ୍ରସ୍ତୁତି ବୈଠକରେ କଟକ ସଦର ଥାନା,ବାରଙ୍ଗ ଥାନା ଓ ବୟାଳିଶ ମୌଜା ଥାନା ଅଞ୍ଚଳର ସମସ୍ତ ପୂଜା କମିଟି ସଭାପତି, ସମ୍ପାଦକ ଓ କର୍ମକର୍ତ୍ତା ମାନେ ଯୋଗଦେଇ ନିଜ ନିଜର ପୂଜା କମିଟିର ସମସ୍ୟା ବିଷୟରେ ଉପସ୍ଥିତ ପୋଲିସ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରିଥିଲେ।
ଚଳିତ ବର୍ଷ ନିଶା ମୁକ୍ତ ଭଷାଣୀ ଡିଜେ ମୁକ୍ତ ଭଷାଣୀ ସାଙ୍ଗକୁ ପଲିଥିନ ମୁକ୍ତ ପୂଜା କରିବା ପାଇଁ ନିଷ୍ପତ୍ତି କରାଯାଇଥିଲା । ଦୂର୍ଗା ପୂଜା ସମୟରେ କିଭଳି ଶାନ୍ତି ଶୃଙ୍ଖଳା ରକ୍ଷା କରିବା ସହିତ ସୁରକ୍ଷା ବ୍ୟବସ୍ଥା ଓ ଟ୍ରାଫିକ ସମସ୍ୟା ଦୂର ହେବ ସେନେଇ ଆଲୋଚନା କରାଯାଇଥିଲା । ଯେଉଁ ସବୁ ପୂଜା ମଣ୍ଡପରେ ମାଙ୍କର ଚାନ୍ଦି ଅଳଙ୍କାର କରାଯାଇଛି । ସେଠାରେ ସୁରକ୍ଷା କର୍ମଚାରୀ ମୁତୟନ କରାଯିବା ସହିତ ସିସିଟିଭି ଲାଗାଇବା ପାଇଁ ପୋଲିସ ପ୍ରଶାସନ ପକ୍ଷରୁ ପରାମର୍ଶ ଦିଆଯାଇଥିଲା ।
ପ୍ରତ୍ୟେକ ପୂଜା ମଣ୍ଡପରେ ଶ୍ରଦ୍ଧାଳୁଙ୍କ ଭିଡ଼କୁ ଆଖିଆଗରେ ରଖି ପୂଜା ମଣ୍ଡପରେ ୫ ଜଣ ଲେଖାଏଁ ଭଲ୍ୟୁଣ୍ଟରଙ୍କ ସହିତ ପୋଲିସ ଫୋର୍ସ ମୁତୟନ କରାଯିବ । ଏହି ପ୍ରସ୍ତୁତି ବୈଠକରେ ମୁଖ୍ୟ ଅତିଥି ଭାବେ କଟକ ଜୋନ୍ -୪ -ଏସିପି ଉମାକାନ୍ତ ପ୍ରଧାନ,ବୟାଳିଶ ମୌଜା ଥାନା ଅଧିକାରୀ ଗିରିଶ ଚନ୍ଦ୍ର ମହାରଣା,ବାରଙ୍ଗ ଥାନା ଅଧିକାରୀ ବିଶ୍ବରଂଜନ ନାୟକ, ଅତିରିକ୍ତ ଆଇଆଇସି ଆର କେ ସେଠୀ , କର୍ପୋରେଟର ଜନାର୍ଦ୍ଦନ ପରିଡ଼ା,
କର୍ପୋରେଟର ଲିପସା ନାୟକ, କର୍ପୋରେଟର ପୂର୍ଣ୍ଣିମା ସ୍ବାଇଁ ପ୍ରମୁଖ ଯୋଗଦେଇ ଚଳିତବର୍ଷ ଶାନ୍ତି ଶୃଙ୍ଖଳାର ସହିତ ଦୂର୍ଗାପୂଜା ପାଳନ କରିବାକୁ ପରାମର୍ଶ ଦେଇଥିଲେ । ଏହି ପ୍ରସ୍ତୁତି ବୈଠକରେ କଟକ ସଦର ଥାନାର ସବ୍ ଇନିସପେକ୍ଟର ବିକ୍ରମ ବେହେରା, ସୁଶାନ୍ତ କୁମାର ସାହୁ, ଚିତ୍ତରଞ୍ଜନ ସାହୁ, କ୍ରୀଷ୍ଣାମୟୀ ବରାଳ, ଏ ଏସ ଆଇ ପ୍ରଶାନ୍ତ ପରିଡ଼ା , ଦାଶରଥି ଦଳାଇ , ସୁକାନ୍ତ ଦାସ,ରଞ୍ଜନ ଭୋଳ, ଜୟନ୍ତୀ ରାଉତ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।
