୦୩ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପାରଳାଖେମୁଣ୍ଡି :-> ଗଜପତି ଜିଲ୍ଲାର ପାଞ୍ଚ ଗୋଟି ପଞ୍ଚାୟତରେ ଜନ ଯୋଜନା ଅଭିଯାନ ଅନ୍ତର୍ଗତ ସ୍ୱତନ୍ତ୍ର ଗ୍ରାମ ସଭା ଓ ପ୍ରଶିକ୍ଷଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି I ବିକଶିତ ଭାରତ ବିକଶିତ ପଞ୍ଚାୟତ ରୂପେ ଗଢି ତୋଳିବା ପାଇଁ ସବୁ କ୍ଷେତ୍ରରେ ପ୍ରୟାସ ଜାରିରହିଛି Iଏହି ଅବସରରେ ୨ ଅକ୍ଟୋବର ୨୦୨୪ ରେ ଗଜପତି ଜିଲ୍ଲାର ଗୁମ୍ମା ବ୍ଲକର ଉଖୁରା , ବଡକଳାକୋଟ, ଭୁବନୀ ଗ୍ରାମ ପଞ୍ଚାୟତ ଓ ରା.ଉଦୟଗିରି ବ୍ଲକର ମହେନ୍ଦ୍ରଗଡ, ଛେଲାଗଡ ଗ୍ରାମ ପଞ୍ଚାୟତରେ ବିଶେଷ ଗ୍ରାମ ସଭା ସହ ପ୍ରଶିକ୍ଷଣ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମ ପିପୁଲ୍ସ ପ୍ଲାନ୍ କ୍ୟାମ୍ପେନ୍ (୨୦୨୪-୨୫) ର ଅଂଶ ଭାବରେ ଆୟୋଜନ କରାଯାଇଥିଲା, ଯାହା ଗ୍ରାମ ସ୍ତରରେ ଅଧିକ ସମାବେଶୀ ଏବଂ ଜନ ଭାଗିଦାରୀ ଯୋଜନା ନିର୍ମାଣ ପାଇଁ ସମାଜକୁ ଅଂଶଗ୍ରହଣ କରାଇବା ଉଦ୍ଦେଶ୍ୟ ନେଇ ହୋଇଥିଲା।
ଗଜପତି ଜିଲ୍ଲାକୁ କିପରି ଆକାଂକ୍ଷୀ ଜିଲ୍ଲାରୁ ପ୍ରେରଣାଦାୟୀ ଜିଲ୍ଲା ରେ ପରିଣତ କରିବାର ଲକ୍ଷ୍ୟକୁ ସାକାର କରିବା ପ୍ରତି ଗୁରୁତ୍ବ ଦିଆଯାଇଛି।ଗୁମ୍ମା ବ୍ଲକ ଅନ୍ତର୍ଗତ ବଡକଳା କୋଟ, ଭୁବନୀ , ଉଖୁରା ଓ ମୁନିସିଙ୍ଗ ଗ୍ରାମ ପଞ୍ଚାୟତରେ ଏହି ବିଶେଷ ଗ୍ରାମ ସଭାରେ ମୁଖ୍ୟ ଅତିଥି ଭାବେ ମାନ୍ୟବର ଜିଲ୍ଲା ପଞ୍ଚାୟତ ଅଧିକାରୀ ଶ୍ରୀ ଅଶୋକ କୁମାର ପଟ୍ଟନାୟକ, ରାଷ୍ଟ୍ରୀୟ ଗ୍ରାମ ସ୍ଵରାଜ କାର୍ଯକ୍ରମ ପରିଚାଳକ ତପନ ବାବୁ, ପିରାମଲ୍ ଫାଉଣ୍ଡେସନ୍ର ର ଦେବବ୍ରତ ଆଚାର୍ୟ ଓ ପ୍ରେମ ସଂଗଠନ ର କର୍ମୀ ତଥା ଅନ୍ୟାନ୍ୟ ବ୍ଲକ,ଗ୍ରାମ ପଂଚାୟତ ଅଧିକାରୀ ଗଣ ପ୍ରମୁଖ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମର ମୂଳ ଉଦ୍ଦେଶ୍ୟ ହୋଇଥିଲା ଗ୍ରାମ ପଞ୍ଚାୟତ ପାଇଁ ଅନୁସଙ୍ଗିକ ଯୋଜନା ,ଗ୍ରାମୀଣ ବିକାଶ ଏବଂ ସୁସ୍ଥ ଶାସନ ନେଇ ସମ୍ପୃକ୍ତ ସାମୁଦାୟିକ ଅଂଶଗ୍ରହଣ ନିଶ୍ଚିତ କରିବା, ଏହା ସହିତ ବରିଷ୍ଠ ନାଗରିକଙ୍କ ଓ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସମାଜ ନାୟକମାନଙ୍କୁ ସମ୍ମାନ ଦେବା।
ସେହିପରି ରା.ଉଦୟଗିରି ବ୍ଲକର ମହେନ୍ଦ୍ରଗଡ,ଛେଲାଗଡ ଗ୍ରାମ ପଞ୍ଚାୟତରେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଲାରିମେନ୍ ଖର୍ସେଲ ସମେତ ବ୍ଲକ୍ କର୍ମଚାରୀ ,ଗ୍ରାମ ପଂଚାୟତର ଅଧିକାରୀ ଗଣ ଅଂଶଗ୍ରହଣ କରିଥିଲେ।ଏହି କାର୍ଯ୍ୟକ୍ରମ ରେ ସାମୁଦାୟିକ ଭାଗୀଦାରିକୁ ସୁନିଶ୍ଚିତ କରିବା ପାଇଁ ଜନସାଧାରଣଙ୍କୁ ସଚେତନତା କରାଯାଇଥିଲା ଓ ବିଦ୍ୟାଳୟର ଛାତ୍ରଛାତ୍ରୀଙ୍କୁ ନେଇ ସଚେତନତା ରାଲି ସହିତ ବିଭିନ୍ନ କାର୍ଯ୍ୟକ୍ରମ କରାଯାଇଥିଲା ଏହି ସ୍ୱତନ୍ତ୍ର ଗ୍ରାମ ସଭା ପାଇଁ ରାଲି, ସ୍ୱାସ୍ଥ୍ୟ ଶିବିର ଏବଂ ସ୍ୱଚ୍ଛତା ହି ସେବା ଅଭିଯାନ ସହିତ ଅନ୍ୟାନ୍ୟ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହା ସହିତ ବୃକ୍ଷରୋପଣ କାର୍ଯ୍ୟକ୍ରମ “ମା ନାମରେ ଗୋଟିଏ ଗଛ’ ପରିବେଶ ସୁରକ୍ଷା ପାଇଁ ଆୟୋଜିତ ହୋଇଥିଲା।ସ୍ଥାନୀୟ ସରପଞ୍ଚମାନଙ୍କ ଦ୍ବାରା ସ୍ୱାଗତ ଭାଷଣ ସହ କାର୍ଯ୍ୟକ୍ରମର ଆରମ୍ଭ ହୋଇଥିଲା, ଯାହା ଏକ ସଫଳ ଓ ନିମନ୍ତ୍ରଣୀୟ ଅନୁଭବର ଅଂଶ ହୋଇଥିଲା।
ବିକାଶ ଲକ୍ଷ୍ୟ ସମ୍ପର୍କରେ ପ୍ରମୁଖ ଅଧିକାରୀମାନେ ସ୍ଥାନୀୟ ବିକାଶ ଲକ୍ଷ, ପଞ୍ଚାୟତ ଉନ୍ନୟନ ସୂଚକ, ଗ୍ରାମ ପଞ୍ଚାୟତ ବିକାଶ ଯୋଜନା ୨୦୨୪-୨୫ ଏବଂ ଗ୍ରାମ ପଞ୍ଚାୟତ ଯୋଜନା ସହଯୋଗୀ ଦଳ ଗଠନ ଏବଂ ଏହାର ନିୟମିତ ବୈଠକ ବିଷୟରେ ଚର୍ଚ୍ଚା କରାଯାଇଥିଲା | ପିରାମଲ୍ ଫାଉଣ୍ଡେସନ୍ର ପ୍ରୋଗ୍ରାମ୍ ମୁଖ୍ୟ ମାନସ ପ୍ରଧାନଙ୍କ ଦ୍ଵାରା ଗ୍ରାମ ପଞ୍ଚାୟତ କିପରି ଶିକ୍ଷା, ସ୍ୱାସ୍ଥ୍ୟ, ପୋଷଣ, କୃଷି, ସହିତ କିପରି ନଅ ଗୋଟି ସ୍ଥାନୀୟ ସତତ ବିକାଶ ଲକ୍ଷ ଆଧାରିତ ଯୋଜନା ପ୍ରସ୍ତୁତ କରି ପଞ୍ଚାୟତର ସମସ୍ତ ଗ୍ରାମ ଏବଂ ବ୍ୟକ୍ତିଙ୍କ ବିକାଶ କରିପାରିବ ଏହା ଉପରେ ବିଶେଷ ଧ୍ୟାନ ଦେଇଥିଲେ | ସଭାରେ ଉପସ୍ଥିତ ସମସ୍ତ ବରିଷ୍ଠ ନାଗରିକ ମାନଙ୍କୁ ସନ୍ନମାନିତ କରାଯିବା ସହିତ ପଞ୍ଚାୟତରେ ଶ୍ରେଷ୍ଠ କାର୍ଯ୍ୟ କରୁଥିବା ଆଶା, ଅଙ୍ଗନବାଡି କର୍ମୀ, ଏ.ଏନ.ଏମ, ଶିକ୍ଷକ, ସାମାଜିକ କର୍ମୀମାନଙ୍କୁ ସନ୍ନମାନିତ କରାଯାଇ ଥିଲା |
