୨ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଧା-ଜଟଣୀ :-> ଆମ ଦେଶର ପିତା ମହାତ୍ମା ଗାନ୍ଧୀଜୀଙ୍କୁ ଏବଂ ଏକ ସ୍ୱଚ୍ଛ ଭାରତ ପ୍ରତି ତାଙ୍କର ଦୃଷ୍ଟିକୁ ମନେ ପକାଇ, ଖୋର୍ଦ୍ଧାରୋଡ଼ ରେଳ ମଣ୍ଡଳ ଦ୍ଵାରା ଖୋର୍ଦ୍ଧା ରୋଡ଼ ରେଳ ଷ୍ଟେସନରେ“ସ୍ୱଚ୍ଛ ଭାରତ ଦିବସ” ପାଳନ କରାଯାଇଛି । ଶ୍ରୀ ଏଚ୍.ଏସ୍.ବାଜୱା, ମଣ୍ଡଳ ରେଳ ପ୍ରବନ୍ଧକ, ଶ୍ରୀମତୀ ଗୁର୍ ସିମ୍ରନ୍ କୌର୍, ମହିଳା କଲ୍ୟାଣ ସଂଗଠନ(ଇକ୍ରୋ)ର ସଭାନେତ୍ରୀ,ଶାଖା ଅଧିକାରୀ ତଥା ଇକ୍ରୋର ସଦସ୍ୟା ମାନେ, ମହାତ୍ମା ଗାନ୍ଧୀଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରିଥିଲେ।
ସ୍ୱଚ୍ଛ ଭାରତ ଦିବସ ପାଳନ ହେଉଛି ଚାଲୁଥିବା “ସ୍ୱଚ୍ଛତା ପକ୍ଷ” ର ଏକ ଅଂଶ, ଯାହାକି ମଣ୍ଡଳ ଅଧୀନରେ ଥିବା ଷ୍ଟେସନ୍, ପରିସର, ଟ୍ରେନ୍, ଅଫିସ୍, କ୍ୟାଣ୍ଟିନ, ଖାଦ୍ୟ ଷ୍ଟଲ୍ ଏବଂ ରେଳବାଇ ଆବାସିକ ଅଞ୍ଚଳରେ ସ୍ୱଚ୍ଛତା ଉପରେ ଧ୍ୟାନ ଦେଇ, ୧ ଅକ୍ଟୋବରରୁ ୧୫ ଅକ୍ଟୋବର ୨୦୨୪ ପର୍ଯ୍ୟନ୍ତ ଏକ ୧୫ ଦିନର ସ୍ଵଚ୍ଛତା ପଖୱଡା । ଏହାପୂର୍ବରୁ,୧୪ ସେପ୍ଟେମ୍ବରରୁ ୧ ଅକ୍ଟୋବର ୨୦୨୪ ପର୍ଯ୍ୟନ୍ତ, ଖୋର୍ଦ୍ଧା ରୋଡ଼ ମଣ୍ଡଳ , “ସ୍ଵଭାଵ ସ୍ୱଚ୍ଛତା, ସଂସ୍କାର ସ୍ୱଚ୍ଛତା” ବିଷୟ ବସ୍ତୁ ଆଧାରରେ ସ୍ୱଚ୍ଛତା ହିଁ ସେବା ପାଳନ କରିଥିଲା।
ଏହି ଅବସରରେ, ଶ୍ରୀ ଏଚ୍.ଏସ୍.ବାଜୱା, ମଣ୍ଡଳ ରେଳ ପ୍ରବନ୍ଧକ, ଶ୍ରୀମତୀ ଗୁର୍ ସିମ୍ରନ୍ କୌର୍, ମହିଳା କଲ୍ୟାଣ ସଂଗଠନ (ଇକ୍ରୋ)ର ସଭାନେତ୍ରୀ, ସ୍ୱଚ୍ଛତା ହିଁ ସେବା ଅଭିଯାନ ସମୟରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିବା ବିଦ୍ୟାଳୟର ପିଲାମାନଙ୍କୁ ପୁରସ୍କାର ବଣ୍ଟନ କରିଥିଲେ । ତାଙ୍କର ଅମୂଲ୍ୟ କାର୍ଯ୍ୟ ପାଇଁ, ହାଉସ କିପିଙ୍ଗ କର୍ମଚାରୀଙ୍କୁ ମଧ୍ୟ ପୁରସ୍କୃତ କରାଯାଇଥିଲା। ପରେ ଶ୍ରୀ ଏଚ୍.ଏସ୍.ବାଜୱା, ଶ୍ରୀମତୀ ଗୁର୍ ସିମ୍ରନ୍ କୌର୍, ଇକ୍ରୋ ସଦସ୍ୟା,ଅଧିକାରୀ, କର୍ମଚାରୀ ଏବଂ ସ୍କାଉଟ୍ ଗାଇଡ୍ ପିଲାମାନେ,ସ୍ୱଚ୍ଛତା ସ୍ଲୋଗାନ ଦେଇ ଖୋର୍ଦ୍ଧାରୋଡ଼ ରେଳ ଷ୍ଟେସନରେ ଏକ ସଚେତନତା ରାଲି ରେ ଅଂଶଗ୍ରହଣ କରିଥିଲେ।
ପ୍ଲାଷ୍ଟିକ ବ୍ୟାଗ ବ୍ୟବହାରକୁ ବନ୍ଦ କରିବା ପାଇଁ, ଖୋର୍ଦ୍ଧା ରୋଡ଼ ରେଳ ଷ୍ଟେସନରେ ବିକ୍ରେତା ଏବଂ ଯାତ୍ରୀଙ୍କୁ ସୂତା ବ୍ୟାଗ ବଣ୍ଟନ କରାଯାଇଥିଲା । ଖୋର୍ଦ୍ଧାରୋଡ଼ ରେଳ ଷ୍ଟେସନ ପାର୍କିଂ ଅଞ୍ଚଳରେ ସମସ୍ତ ଅଧିକାରୀ ଏବଂ ଇକ୍ରୋ ସଦସ୍ୟାଙ୍କ ଦ୍ଵାରା,ସ୍ୱଚ୍ଛତାରେ, ଜନ ଭାଗିଦାରୀ ବାର୍ତ୍ତା ପଠାଇ,ଏକ ସ୍ୱଚ୍ଛତା ଅଭିଯାନ କରିଛନ୍ତି, ଯାହାକି, ଜନସାଧାରଣଙ୍କ କଲ୍ୟାଣ ତଥା ପରିବେଶ ସ୍ୱଚ୍ଛତା ପାଇଁ ମଣ୍ଡଳର ପ୍ରତିବଦ୍ଧତାକୁ ପ୍ରତିଫଳିତ କରୁଛି । ସ୍ୱଚ୍ଛ ଭାରତ ଦିବସର ସମସ୍ତ କାର୍ଯ୍ୟକ୍ରମକୁ ଶ୍ରୀ ଲିଙ୍ଗରାଜ ତ୍ରିପାଠୀ ସିନିୟର୍ ଡିଭିଜନାଲ ମେକାନିକାଲ୍ ଇଞ୍ଜିନିୟର ଏବଂ ଶ୍ରୀମତୀ ସ୍ବାଧୀନତା ଦାସ, ଡିଭିଜନାଲ ମେକାନିକାଲ୍ ଇଞ୍ଜିନିୟର (କୋଚିଂ ଏବଂ ହାଉସ କିପିଙ୍ଗ) ସଞ୍ଚାଳିତ କରିଥିଲେ ।
