ମଧୁବାବୁ ପେନସନ ସହିତ ଭିନ୍ନକ୍ଷମାନଙ୍କୁ ଉପକରଣ ବଣ୍ଟନରେ ଫଳକ ରାଜନୀତି
୩୦ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଗୋପ :-> ନିମାପଡା ବିଧାୟିକା ତଥା ଉପ ମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା ଙ୍କ ନିର୍ଦ୍ଧାରିତ କାର୍ଯ୍ୟ ସୂଚୀ ଅନୁଯାୟୀ ଗୋପ ବ୍ଲକରେ କାର୍ଯ୍ୟକ୍ରମ ଥିଲା । ଶ୍ରୀମତୀ ପରିଡ଼ାଙ୍କ ଗ୍ରସ୍ତ ପୂର୍ବରୁ ଫଳକ ରାଜନୀତିର ହାଇ ଭୋଲ୍ଟେଜ ଡ୍ରାମା ଗୋପ ବ୍ଲକ ପରିସରରେ ଖୁବ ଜମିଥିଲ। ଅଧ୍ୟକ୍ଷା ଓ ଉପାଧ୍ୟକ୍ଷ ମଧ୍ୟରେ ତୁ ତୁ ମେଁ ମେଁ ଉପସ୍ଥିତ ସମର୍ଥକ ଙ୍କ ପାଇଁ ରାଜନୀତିର ବେଶ ଖୋରାକ ଯୋଗାଇଥିଲା ।
ସ୍ମରଣ ଥାଉକି ଏ ଫଳକ ରାଜନୀତି ଟି ବହୁ ପୁରୁଣା । ପୂର୍ବ ସରକାର ଠୁ ବର୍ତ୍ତମାନ ସରକାର ପର୍ଯ୍ୟନ୍ତ ଫଳକ ରାଜନୀତି ଗୋପ ବ୍ଲକର ପିଛା ଛାଡୁନି।ବେଶ କିଛି ସମୟ ହଟ୍ଟଗୋଳ ଓ ଆରୋପ ପ୍ରତ୍ୟାରୋପ ପରେ ଉପମୁଖ୍ୟ ମନ୍ତ୍ରୀଙ୍କ ଦ୍ୱାରା କାର୍ଯ୍ୟକ୍ରମ ଆରମ୍ଭ ହୋଇଥିଲା । ବ୍ଲକ ପରିସରରେ ଏକ ଭିଡିଓ କନଫରେନ୍ସ ହଲର ଉଦ୍ଘାଟନ ସହିତ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଓଡ଼ିଶା ସରକାରଙ୍କ ପକ୍ଷରୁ ମଧୁବାବୁ ପେନସନ ଯୋଜନାରେ ନୂତନ ଭତ୍ତା ବଣ୍ଟନ ତଥା ଭିନ୍ନକ୍ଷମ ମାନଙ୍କୁ ଉପକରଣ ମାନ ବଣ୍ଟନ କରାଯାଇଥିଲା ।
ଉକ୍ତ କାର୍ଯ୍ୟକ୍ରମରେ 265 ଜଣଙ୍କୁ ଭତ୍ତା ଦିଆଯାଇଥିବା ସ୍ଥଳେ ବାକି ଥିବା ବ୍ୟକ୍ତି ପଞ୍ଚାୟତ ପି ଇ ଓ ଙ୍କ ଠାରୁ ନେବାକୁ ଶ୍ରୀମତୀ ପରିଡ଼ା କହିଥିଲେ । ତତସହିତ ପାଞ୍ଚ ଜଣ ଭିନ୍ନକ୍ଷମ ବ୍ୟକ୍ତିଙ୍କ ମଧ୍ୟରୁ ଦୁଇ ଜଣଙ୍କୁ ହୁୱିଲ ଚେୟାର ,ଦୁଇ ଜଣଙ୍କୁ ଆଶାବାଡ଼ି ଜଣଙ୍କୁ ଶ୍ରବଣ ଯନ୍ତ୍ର ପ୍ରଦାନ କରାଯାଇଥିଲା । ପରେ ଗୋପ ନିଗମାନନ୍ଦ ସରକାରୀ ହାଇ ସ୍କୁଲର ଭିର୍ଣ୍ଣ ଭିର୍ଣ୍ଣ ବିଭାଗରେ କୃତୀ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା ।
ଫଳକ ରାଜନୀତି ସମ୍ପର୍କରେ ସାମ୍ବାଦିକଙ୍କ ପ୍ରଶ୍ନର ଉତ୍ତରରେ ଶ୍ରୀମତୀ ପରିଡ଼ା କହିଥିଲେ କି ବିଜେପି ସରକାର ହେଉଛି ଉତ୍ତରଦାୟୀ ସରକାର ଠିକ୍ ଲୋକଙ୍କ ପାଖେ ଠିକି ଜିନିଷ ପହଞ୍ଚିବା ପାଇଁ ସମସ୍ତ ଚେଷ୍ଟା ଓ ପ୍ରଯତ୍ନ କରାଯିବ କହି ଫଳକ ରାଜନୀତିର ପ୍ରଶ୍ନକୁ ଏଡାଇ ଯାଇଥିଲେ । ଏହି କାର୍ଯ୍ୟକ୍ରମରେ କାକଟପୁର ବିଧାୟକ ତୁଷାରକାନ୍ତି ବେହେରା,ଗୋପ ବ୍ଲକ ଅଧ୍ୟକ୍ଷା ଝୂନୁ ମଲ୍ଲିକ, ଉପାଧ୍ୟକ୍ଷ ବାନରଞ୍ଜମ ପଟ୍ଟନାୟକ, ବି ଡି ଓ ଛବିରାଣୀ ସାହୁ, ଏ ବି ଡି ଓ ଦୀପକ କୁମାର ଜେନାଙ୍କ ସମେତ ଗୋପ ବ୍ଲକର ସମସ୍ତ ସରପଞ୍ଚ ,ସମିତିସଭ୍ୟ ଆଦି ଉପସ୍ଥିତ ଥିଲେ ।
