୨୯ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ନିଆଳି :-> ମାଟି ତଳୁ ଗବଗଵ ହୋଇ ଫୁଟୁଥିବା ଗରମ ପାଣି ବାହାରୁଛି, ଫଳରେ ସ୍ଥାନୀୟ ଲୋକେ ଏବେ ଭୟ ଭିତ୍ ହୋଇ ପଡିଛନ୍ତି , ଏପରି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ନିଆଳି ଥାନା ଅନ୍ତର୍ଗତ ଜଲାରପୁର ପଞ୍ଚାୟତ ସାରୁହାସାହି ଗ୍ରାମରେ । ପାଣିର ତାପମାତ୍ରା ଏତେ ଯେ ପାଣିରେ ହାତ ବୁଡାଇ ହେଉ ନାହିଁ ,
ଗତ କାଲି ଠାରୁ ଗରମ ପାଣି ବାହାରୁ ଥିଲେ ମଧ୍ଯ ଏପର୍ଯ୍ୟନ୍ତ ପ୍ରଶାସନିକ ଅଧିକାରୀ କିମ୍ବା ଭୂତତ୍ତ୍ଵ ବିଭାଗର କୌଣସି ଅଧିକାରୀମାନେ ପହଞ୍ଚି ନାହାନ୍ତି , ସେଥି ନେଇ ଗ୍ରାମବାସୀ ମାନେ ଏବେ ଭୟଭିତ ଅବସ୍ଥାରେ ରହିଛନ୍ତି, ଏହି ଘଟଣା ସ୍ଥଳ ନିକଟରେ ଏକ ଏଲେକ୍ଟ୍ରି ଖୁଣ୍ଟ ଏବଂ ପୁରୁଣା ବୋରୀଙ୍ଗି ରହିଛି, ଏହି ଗରମ ପାଣି କାହିଁକି ବାହାରୁଛି ଘଟଣା ସମ୍ପର୍କରେ କେହି କିଛି କହିପାରୁ ନାହାଁନ୍ତି ।
ଖୋର୍ଦ୍ଧାର ଅଟ୍ରି ଏବଂ ଗଞ୍ଜାମର ତପ୍ତପାଣି ପରି ଏଠାରେ ଫୁଟୁ ଥିବା ଗରମ ପାଣି ମାଟି ତଳୁ ବାହାରୁ ଥିବାର ଦେଖିବାକୁ ମିଳୁଛି । ଭୃତତ୍ତ୍ଵ ବିଭାଗ ପକ୍ଷରୁ ଏହାର ପରୀକ୍ଷା ନିରୀକ୍ଷା କରାଗଲେ ପ୍ରକୃତ ରହସ୍ୟ ଜଣା ପଡିବ ବୋଲି ସ୍ଥାନୀୟରେ କୁହାଯାଉଛି। ଏହି ଦୃଶ୍ୟ ଦେଖିବାକୁ ଲୋକମାନଙ୍କର ଭିଡ ଲାଗି ରହିଛି । ପ୍ରଥମେ ଏହି ସ୍ଥାନକୁ ସେହି ଗ୍ରାମର ଜଣେ ମହିଳା ଗୋବର ପକାଇବାକୁ ଗଲାବେଳେ ସେହି ସ୍ଥାନରେ ଥିବା ଏକ ଇଲେକ୍ଟ୍ରି ଖୁଣ୍ଟ ମୂଳ ନିକଟରେ ଧୂଆଁ ବାହାରୁଥିବାର ଦେଖି
ଲୋକମାନଙ୍କୁ ଡାକ ପକାଇଥିଲେ ଲୋକେ ସେଠାରେ ପହଞ୍ଚି ସେହି ସ୍ଥାନ ଦେଖି ଖୋଳିଵାରୁ ଗବ ଗଵ ହୋଇ ଫୁଟୁଥିବା ଗରମ ପାଣି ସେଠାରୁ ବାହାରୁ ଥିଲା । ଖବର ଶୁଣି ସେଠାରେ ସ୍ଥାନୀୟ ବ୍ଲକ ପ୍ରଶାସନ ପହଞ୍ଚିଥିଲେ ଏବଂ ବିଭାଗୀୟ ଅଧିକାରୀଙ୍କୁ ଏହାର ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ । ଏହି ଘଟଣାର ତଦନ୍ତ କରିବା ପରେ କଣ ରିପୋର୍ଟ ମିଲୁଛି ଦେଖିବାର ଅଛି ।
