୨୭ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) କଟକ :-> କଟକ ସଦର ଥାନା ଅନ୍ତର୍ଗତ ସଇଁନ୍ଧା ନଚ୍ଛିପୁର ଅଞ୍ଚଳରେ ଅନୁଷ୍ଠିତ ହୋଇଆସୁଥିବା ମା’ ଗଜଲକ୍ଷ୍ମୀ ପୂଜା ଅକ୍ଟୋବର ମାସ ୧୬ ତାରିଖ ଠାରୁ ଆରମ୍ଭ ହୋଇ ୨୨ ତାରିଖ ମଙ୍ଗଳବାର ଦିନ ଭଷାଣୀ କରାଯିବ । ଏନେଇ ଶୁକ୍ରବାର ରିତିରେ ଆଞ୍ଚଳିକ ଶାନ୍ତି କମିଟି ପକ୍ଷରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ସଭାପତି ନୟନ କିଶୋର ପରିଡ଼ାଙ୍କ ସଭାପତିତ୍ବରେ ଆୟୋଜିତ ସଭାକାର୍ଯ୍ୟକୁ ଶାନ୍ତି କମିଟିର ସଂପାଦକ ଜ୍ୟୋତିରମୟ ବେଉରା ସଂଚାଳନ କରିଥିଲେ ।
ଆୟୋଜିତ ପ୍ରସ୍ତୁତି ବୈଠକରେ କମିଶରେଟ ପୋଲିସ ଯୋନ -୪ ଏସିପି ଉମାକାନ୍ତ ପ୍ରଧାନ , କଟକ ସଦର ଥାନା ଆଇଆଇସି ଜଗନ୍ନାଥ ମଲ୍ଲିକ, କଟକ ଜିଲ୍ଲା ୪ନମ୍ବର ଯୋନର ଜିଲ୍ଲା ପରିଷଦ ସଭ୍ୟା ଆଶାଲତା ବେହେରା , ସମିତି ସଭ୍ୟ ଶୁକଦେବ ମଲ୍ଲିକ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଚଳିତ ବର୍ଷ ନିଶାମୁକ୍ତ ଗଜଲକ୍ଷ୍ମୀ ଭଷାଣୀ , ଡିଜେ ଓ ପଲିଥିନ ମୁକ୍ତ ରୋଷଣୀ କରାଯିବ ବୋଲି ବୈଠକରେ ନିଷ୍ପତ୍ତି ହୋଇଥିଲା ।
ଏହା ସହିତ ପ୍ରତ୍ୟେକ ମେଢ଼ର ଭଷାଣୀ ଶୋଭାଯାତ୍ରାରେ ସମୁଦାୟ ୬ ଗୋଟି ସାଉଣ୍ଡ ବକ୍ସ ବ୍ୟବହାର କରାଯିବ । ଏହାଠାରୁ ଅଧିକ ସାଉଣ୍ଡ ବକ୍ସ ବ୍ୟବହାର କରାଯାଇ ପାରିବ ନାହିଁ । ଭଷାଣୀ ଶୋଭାଯାତ୍ରାରେ ପାରମ୍ପାରିକ ବାଜା ବ୍ୟବହାର କରାଯିବା ଦିଗରେ ଏସିପି ଉମାକାନ୍ତ ପ୍ରଧାନ ଉପସ୍ଥିତ ସମସ୍ତ ପୂଜା କମିଟିର ସଭାପତି ,
ସଂପାଦକ ଏବଂ ସଭ୍ୟମାନଙ୍କୁ ସୂଚନା ଦେଇଥିଲେ । ଏହି ପ୍ରସ୍ତୁତି ବୈଠକରେ ଉପସଭାପତି ସଞ୍ଚୟ କୁମାର ସ୍ଵାଇଁ,ସହ ସମ୍ପାଦକ ସଞ୍ଚୟ କୁମାର ଦାଶ, କୋଷାଧ୍ଯକ୍ଷ ଭାବଗ୍ରାହୀ ସାହୁ ଉପସ୍ଥିତ ଥିଲେ । ଉକ୍ତ ପ୍ରସ୍ତୁତି ବୈଠକରେ ସମସ୍ତ ପୂଜା କମିଟି ସଭାପତି, ସମ୍ପାଦକ ଓ କର୍ମକର୍ତ୍ତା ମାନେ ଯୋଗ ଦେଇଥିଲେ ।
