୧୪ ବର୍ଷରୁ କମ୍ ପ୍ରତିଯୋଗିତାରେ ବାଳକ ବିଭାଗରୁ ପୁରୀ ଜିଲ୍ଲା ଚାମ୍ପିଅନ ଓ କଟକ ଜିଲ୍ଲା ରନର୍ସପ୍ ତଥା ବାଳିକା ବିଭାଗରୁ ଭୁବନେଶ୍ୱର ଓ ଗଞ୍ଜାମ ଜିଲ୍ଲା ଯଥାକ୍ରମେ ଚାମ୍ପିଅନ ଓ ରନର୍ସପ୍ ହୋଇଥିଲେ । ସେହିପରି ୧୭ ବର୍ଷରୁ କମ୍ ପ୍ରତିଯୋଗିତାରେ ବାଳକ ବିଭାଗରେ ପୁରୀ ଚାମ୍ପିଅନ ଓ କଟକ ଜିଲ୍ଲା ରନର୍ସପ୍ ତଥା ବାଳିକା ବିଭାଗରେ ଭୁବନେଶ୍ୱର ଚାମ୍ପିଅନ ଓ ବାଲେଶ୍ଵର ଜିଲା ରନର୍ସପ୍ ହୋଇଥିଲେ । ଏହି ଉଭୟ ୧୪ ବର୍ଷ ରୁ କମ ଚାମ୍ପିଅନ ଟିମ୍ ଆସନ୍ତା ନଭେମ୍ବର ରେ ମହାରାଷ୍ଟ୍ର ଓ ୧୭ ବର୍ଷରୁ କମ୍ ବାଳକ ବାଳିକା ଟିମ୍ ୫ ରୁ ୮ ଡିସେମ୍ବର ପର୍ଯ୍ୟନ୍ତ ନ୍ୟାସନାଲ ଖେଳିବାକୁ ଅଯୋଧ୍ୟା ଯିବେ ।
ଅନ୍ୟତମ ସମ୍ମାନିତ ଅତିଥି ରୂପେ ଜିଲ୍ଲା କ୍ରୀଡ଼ା ଅଧିକାରୀ ଚନ୍ଦନ କୁମାର ସାହୁ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ସନ୍ତୋଷ କୁମାର ସେଠୀ, ଅତିରିକ୍ତ ଜିଲ୍ଲା ଶିକ୍ଷାଧିକାରୀ ମମତା ମିଶ୍ର ଓ ହିମାଂଶୁ ଭୂଷଣ ସମରଥ, ପୁରୀ ଜିଲ୍ଲା ସ୍କୁଲ୍ ପୁରାତନ ଛାତ୍ର ସଂସଦର ସଭାପତି ରାଜକିଶୋର ପାତ୍ର, ସହକାରୀ ନିର୍ଦେଶକ ଶାରୀରିକ ଶିକ୍ଷା, ମାଧ୍ୟମିକ ନିର୍ଦ୍ଦେଶାଳୟ ଜ୍ୟୋତି ପ୍ରସାଦ ପରିଡ଼ା ଉପସ୍ଥିତ ରହି ଖେଳାଳି ମାନଙ୍କୁ ପ୍ରେରଣା ପ୍ରଦାନ କରିଥିଲେ ।
ଜିଲ୍ଲା ଶିକ୍ଷାଧିକାରୀ, ପୁରୀ ଦୀପକ କୁମାର ପାଢ଼ୀ ଏଥିରେ ସଭାପତିତ୍ବ କରିଥିଲେ ଓ ତାଙ୍କର ପ୍ରତ୍ୟକ୍ଷ ତତ୍ତ୍ଵାବଧାନରେ ସମସ୍ତ କାର୍ଯ୍ୟ ସାମଗ୍ରିକ ରୂପେ ପରିଚାଳନା କରାଯାଇଥିଲା । ଜିଲ୍ଲା ସ୍କୁଲ୍ ପ୍ରଧାନ ଶିକ୍ଷକ ଜ୍ୟୋତିର୍ମୟୀ ମିଶ୍ର ଧନ୍ୟବାଦ ଅର୍ପଣ କରିଥିଲେ ଓ ପୁରୀ ଜିଲ୍ଲା ବିଦ୍ୟାଳୟ ସମୂହ ଶାରୀରିକ କ୍ରୀଡ଼ା ଅଧିକାରୀ ମହେନ୍ଦ୍ର କୁମାର ବିଶ୍ବାଳ ସାମଗ୍ରିକ ରୂପେ କାର୍ଯ୍ୟକ୍ରମ ଗୁଡ଼ିକ ପରିଚାଳନା କରିଥିଲେ ।
