୨୬ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଗୋପ :-> ରାଜଧାନୀ ଭୁବନେଶ୍ଵରସ୍ଥ ଗୀତ ଗୋବିନ୍ଦ ସଦନଠାରେ “ ଆଶାପ୍ରଦୀପ” ସମ୍ବାଦପତ୍ରର ୨୦ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି । ସମ୍ପାଦିକା ବ୍ରାହ୍ମୀପ୍ରିୟା ସାମନ୍ତରାୟଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମାରୋହରେ ମୁଖ୍ୟ ଅତିଥି ଭାବରେ ମାନ୍ୟବର ସାଂସଦ ଡ଼. ରବିନାରାୟଣ ବେହେରା ଯୋଗଦେଇଥିବା ସ୍ଥଳେ ଉଦ୍ଘାଟକ ତଥା ବିଶିଷ୍ଟ ଅତିଥି ଭାବରେ ଡ଼. ପ୍ରସନ୍ନ କୁମାର ପାଟ୍ଟଶାଣୀ ଯୋଗଦେଇ ସମ୍ବାଦପତ୍ରର ଭବିଷ୍ୟତ ଉଜ୍ଜ୍ବଳ ବୋଲି ଦର୍ଶାଇଥିଲେ ।
ସମ୍ମାନିତ ଅତିଥିଭାବେ ପୂର୍ବତନ ମନ୍ତ୍ରୀ ଅରବିନ୍ଦ ଢ଼ାଲି, ଡ଼.ସରୋଜ ମହାପାତ୍ର, ସ୍ଵାରାଜ ହସ୍ପିଟାଲ ପରିଚାଳକ ଡ଼. ସ୍ଵାଧୀନ ମିଶ୍ର, ସିଦ୍ଧାର୍ଥ ପଣ୍ଡା ପ୍ରମୁଖ ଯୋଗଦେଇ ସାରବର୍ଦ୍ଧକ ଉପଯୋଗୀ ମତାମତ ମାନ ଉପସ୍ଥାପନ କରିଥିଲେ । “ ଆଶାପ୍ରଦୀପ ”ର ସ୍ଵତନ୍ତ୍ର ସଂଖ୍ୟା ଓ ଆଶା ସ୍ରୋତସ୍ଵିନୀ ପତ୍ରିକାର ପୂଜା ସଂଖ୍ୟା ସହିତ ଡ଼. ପ୍ରସନ୍ନ ପାଟ୍ଟଶାଣୀଙ୍କ ର ଡ଼ିଜିଟାଲ ପୁସ୍ତକର ଏଇଠୁ ଆରମ୍ଭ ଏବଂ ଶ୍ରୀମଦ୍ ଭଗବତ୍ ଗୀତାର ଡି଼ଜିଟାଲ ପରିବେଷଣ ଲୋର୍କାପିତ ହୋଇଥୁଲା ଓ କବି ମନ୍ଦରଧର ସାହୁ ଏବଂ ଦୟାନିଧୁ ବେହେରାଙ୍କ ପୁସ୍ତକ ଉନ୍ମୋଚନ ଉନ୍ମୋଚନ ହୋଇଥିଲା ।
ମାନ୍ୟବର ସାଂସଦ ରବି ନାରାୟଣ ବେହେରାଙ୍କୁ ସର୍ବଶ୍ରେଷ୍ଠ ସାଂସଦ ଭାବେ ଆଶାପ୍ରଦୀପ ର ସ୍ଵତନ୍ତ୍ର ସମ୍ମାନ ପ୍ରଦାନ କରାଯାଇଥିଲା । ବଲାଙ୍ଗୀର ସ୍ଵାରାଜ ମେଡ଼ିକାଲ ଚେୟାରମ୍ଯାନ ସୁଜ୍ଞାନେନ୍ଦ୍ର ମିଶ୍ରଙ୍କୁ । ଆଶାପ୍ରଦୀପ ସ୍ଵତନ୍ତ୍ର ସମ୍ମାନ ପ୍ରଦାନ କରାଯାଇଥିଲା । ଡ଼. ସରୋଜ ମହାପାତ୍ର (ଇଂରାଜୀ ବିଭାଗ ବିଜେବି କଲେଜ) ସେହିପରି ସାମ୍ବାଦିକତା କ୍ଷେତ୍ରରେ ଓଡିଶା ଏକ୍ସପ୍ରେସ ଖବର କାଗଜର ସାମ୍ବାଦିକ ସଚ୍ଚିଦାନନ୍ଦ ଗୋଛାୟତ ଙ୍କୁ ଶ୍ରେଷ୍ଠ ସାମ୍ବାଦିକ ସମ୍ମାନ ରେ ସମ୍ମାନିତ କରିବା ସହିତ ଗୋପ ବ୍ଲକ ର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଉତ୍ସର୍ଗ ପରିବାର ଓ ସବୁଜ ସଂକଳ୍ପ ସଂଗଠନ କୁ ବୃକ୍ଷରୋପଣ ପରିବେଶ ସୁରକ୍ଷା ଏବଂ ସ୍ବଚ୍ଛତା କ୍ଷେତ୍ରରେ ଅତୁଳନୀୟ ଅବଦାନ ପାଇଁ ଆଶାପ୍ରଦୀପ ସମ୍ବାଦପତ୍ର ପକ୍ଷରୁ ଶ୍ରେଷ୍ଠ ସ୍ୱେଚ୍ଛାସେବୀ ସମ୍ମାନ 2024 ପ୍ରଦାନ କରାଯାଥିଲା l ମଞ୍ଚ ପରିଚାଳନା କରିଥିଲେ ଆନି ଶତପଥୀ ଆଉ ଧନ୍ୟବାଦ ଅର୍ପଣ କରିଥିଲେ ସଂଜୀବ ଦାଶ l
