୨୪ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ନିଆଳି :-> ଭୋର ୪ଟା ସମୟରେ ଛତିସଗଡ, ଭାତପଡ଼ା ରାୟପୁରରୁ କୋଣାର୍କ ଅଭିମୁଖେ ଆସୁଥିବା ଏକ ଡାଲି ବୋଝେଇ ଟାଟାର ଓଡି ୪୩ ପି ୩୬୪୭ ନମ୍ୱର ଟ୍ରକଟି ଫୁଲନଖରା – ନିଆଳି ମାଧବ ୬୦ ନମ୍ୱର ରାଜ୍ୟ ରାଜପଥର ଅପୂଜା ଛକ ନିକଟବର୍ତ୍ତି ରାମଚଣ୍ଡୀ ଢ଼ାବା ଠାରେ ହଟାତ ଜଳିବାକୁ ଲାଗିଥିଲା । ସ୍ଥାନୀୟ ଲୋକେ ଟ୍ରକଟି ଜଳୁଥିବାର ଦେଖି ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ,
ଦୁର୍ଘଟଣା ସ୍ଥଳରେ ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ସୁଦ୍ଧା ଡାଲିବସ୍ତା ଗୁଡିକ ଜଳି ଯାଇଥିଲା , ଏହି ଟ୍ରକରେ ୨୮ ଟନ ରୁ ୩୦ ଟନ ପରିମାଣର ହରଡ, ଏବଂ ମୁଗ ଡ଼ାଲି ବସ୍ତା ଵୋଝେଇ ହୋଇଥିଲା ବୋଲି କୁହାଯାଉଛି, ଟ୍ରକରେ ଥିବା ଡ୍ରାଇଭର ଏବଂ ହେଲପର ନିଆଁର ଦୁର୍ଘଟଣାରୁ ଅଳ୍ପକେ ମୃତ୍ୟୁମୁଖରୁ ବର୍ତ୍ତି ଯାଇଛନ୍ତି ।
ଦୁର୍ଘଟଣା ସ୍ଥଳ ରାସ୍ତା ଉପରେ କିଛି ଘଣ୍ଟା ଗାଡି ,ମଟର ଚଳାଚଳ ବନ୍ଦ ରହିଥିଲା,ବନମାଳୀପୁର ଫାଣ୍ଡି ଅଧିକାରୀ ଯୁଗଳ ସ୍ଵାଇଁ ପହଞ୍ଚି ରାସ୍ତାରୁ ଯାନବାହାନ ଚଳାଚଳ ନିୟନ୍ତ୍ରଣ କରିଥଲେ । ଏହି ଦୁର୍ଘଟଣାଗ୍ରସ୍ତ ଟ୍ରକଟି ଦୀର୍ଘ ବାଟ ଅତିକ୍ରମ କରିଥିବାରୁ ଟ୍ରକର ଚକଗୁଡିକ ଘର୍ଷଣ ହୋଇ ସେଥିରୁ ଏପରି ନିଆଁ ବ୍ୟାପି ଟ୍ରକଟି ଜଳିବାକୁ ଲାଗିଥିଲା ବୋଲି କୁହାଯାଉଛ ।
