୧୬ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଗୋପ :-> ତୁଳସୀ ଦୁଇପତ୍ର ରୁ ବାସେ ଓ ବିଛୁଆତି ଦୁଇପତ୍ର ରୁ କୁଣ୍ଡାଏ l ଠିକ ସେହିପରି ପୁରୀ ଜିଲ୍ଲାର ଗୋପ ବ୍ଲକ ଅଧିନସ୍ତ ଗଣେଶ୍ୱରପୁର ପଞ୍ଚାୟତ ର ଗଳଦାରୀ ଗ୍ରାମରେ ଆଜି ଭଳି ପବିତ୍ର ଦିବସ ଅବସରରେ ଶତାଧିକ ବୃକ୍ଷ ରୋପଣ କରାଯିବା ସହିତ ପ୍ରାୟ 20 ଜଣ ଶିକ୍ଷିତ ଯୁବକ ଓ ଯୁବତୀ ମାନେ ସ୍ୱେଚ୍ଛାକୃତ ଭାବେ ଅଙ୍ଗଦାନ ଭଳି ମହତ୍ୱପୂର୍ଣ୍ଣ କାର୍ଯ୍ୟ କରିବା ପାଇଁ ସଂକଳ୍ପ କରିଛନ୍ତି l
ଉକ୍ତ ଗ୍ରାମ ର ରମେଶ ବେହେରା ନାମକ ଜଣେ ଶିକ୍ଷିତ ଯୁବକ କିଛି ସାଙ୍ଗ ସାଥୀ ଙ୍କୁ ସାଙ୍ଗରେ ଧରି ଗ୍ରାମରେ ଥିବା ଖାଲି ସ୍ଥାନ ରେ ବୃକ୍ଷ ରୋପଣ କରିଥିଲେ l ତାହା କାଳକ୍ରମେ ଅନ୍ୟ ଗ୍ରାମର ଯୁବକ ଓ ଯୁବତୀ ଙ୍କୁ ପ୍ରଭାବିତ କରିବା ସହିତ ରମେଶ ଙ୍କ କାର୍ଯ୍ୟକଳାପ ପ୍ରତି ଆକୃଷ୍ଟ ହୋଇଥିଲେ lଉକ୍ତ ଅଞ୍ଚଳ ଟି ସଦାସର୍ବଦା ବନ୍ୟା ପ୍ରପଡ଼ିତ ଅଞ୍ଚଳ ହୋଇଥିବରୁ ପ୍ରତିବର୍ଷ ବନ୍ୟା ଜଳ ରେ ଅନେକ ଧନଜୀବନ ହାନୀ ହୋଇଥାଏ l
ତା ସତ୍ତ୍ୱେ ଉକ୍ତ ଅଞ୍ଚଳ ଟି ବର୍ତମାନ ସବୁଜ ସବୁଜିମା ରେ ଭରପୁର ହୋଇଛି l କେବଳ ସବୁଜ ସକଳ୍ପ ସଂଗଠନ ର ସଦସ୍ୟ ଓ ସଦସ୍ୟାମାନଙ୍କ ପାଇଁ ଆଜି ଏହା ସମ୍ଭବ ହୋଇପାରିଛି l ଖାଲି ଯେ ବୃକ୍ଷ ରୋପଣ କରନ୍ତି ତାହା ନୁହେଁ ବରଂ ବର୍ଷକ ବାରମାସ ବୃକ୍ଷ ର ସୁରକ୍ଷା ସହିତ ଯତ୍ନ ମଧ୍ୟ ନେଇଥାନ୍ତି l ବର୍ତମାନ ସୁଦ୍ଧା 5 ହଜାର ରୁ ଉର୍ଦ୍ଧ ବିଭିର୍ନ୍ନ କିସମର ବୃକ୍ଷ ରୋପଣ କରିସାରିଲେଣି l
ଦୁଇବର୍ଷ ଭିତରେ ଅନେକ ସଂସ୍ଥା ପକ୍ଷରୁ ସମ୍ମାନିତ ହେଵା ସହିତ ଉଚ୍ଚ ପ୍ରଶଂସିତ ମଧ୍ୟ ହୋଇସାରିଲେଣି l ଆଜି ସବୁଜ ସଂକଳ୍ପ ସଂଗଠନ ପକ୍ଷରୁ ବିଶ୍ୱ ଓଜନ ଦିବସ ସହିତ ଅଙ୍ଗଦାନ ର ଶିବିର ଅନୁଷ୍ଠିତ ମଧ୍ୟ କରାଯାଇଥିଲା l ତତସହିତ ସଂଗଠନ ପକ୍ଷରୁ 5 ଶହ ନାନାଦି ବୃକ୍ଷ ରୋପଣ କରିଥିଲେ l ଉକ୍ତ କାର୍ଯ୍ୟକ୍ରମ ଟି ନିକଟସ୍ତ ଗଳଦାରୀ ଗ୍ରାମ ଠାରେ ଥିବା ବାତ୍ୟାଶ୍ରୟ ସ୍ଥଳୀ ରେ ଅନୁଷ୍ଠିତ ହୋଇଯାଇଛି l
ଏଥିରେ ମୁଖ୍ୟ ଅତିଥି ଭାବେ ସ୍ତମ୍ଭକାର, ଲେଖକ ତଥା ସମାଜ ସେବୀ ଶ୍ରୀଯୁତ୍କ ବଦ୍ରି ମିଶ୍ର ମୁଖ୍ୟ ବ୍ୟକ୍ତା ଭାବେ ଦୁଇ ଥର ପ୍ରକୃତି ବନ୍ଧୁ ପୁରସ୍କାର ପ୍ରାପ୍ତ ଶ୍ରୀଯୁକ୍ତ ଅମରେଶ ନରେଶ ସାମନ୍ତ ସମ୍ମାନୀୟ ଅତିଥିଭାବେ ଶିକ୍ଷାବିତ୍ ତଥା ପରିବେଶବିତ୍ ଶ୍ରୀଯୁକ୍ତ ରାମକୃଷ୍ଣ ମହାନ୍ତି, ପରିବେଶବିତ୍ ପ୍ରସନ୍ନ ମହାପାତ୍ର, ଶ୍ରୀଯୁକ୍ତ ତାପସ ସାହୁ , ଫରେଷ୍ଟର ଶ୍ରୀମତୀ ବିଜୟଲକ୍ଷ୍ମୀ ଦାସ ବ୍ୟକ୍ତି ବିଶେଷ ଯୋଗ ଦେଇଥିଲେ l
