୧୬ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ନୂଆଗାଁ :-> ନୟାଗଡ ଜିଲ୍ଲା ନୂଆଗାଁ ବ୍ଲକ୍ ର ବିଭିନ୍ନ ନିର୍ମାଣ ଶ୍ରମିକ ସଂଘ ,ଗ୍ୟାରେଜ,ବିଦ୍ୟୁତ୍ କାର୍ଯ୍ୟାଳୟ ଆଦି ସ୍ଥାନରେ ବିଶ୍ଵକର୍ମା ଙ୍କ ପୂଜା ମହା ସମାରୋହ ରେ ପାଳିତ ହୋଇଯାଇଛି। ପ୍ରତ୍ୟେକ ଅନୁଷ୍ଠାନ ରେ ବିଶ୍ୱକର୍ମା ମୂର୍ତ୍ତି ସ୍ଥାପନ କରି ରୀତି ନୀତି ଅନୁଯାୟୀ ହୋମ ଯଜ୍ଞ, ନାମ, ସଂକୀର୍ତ୍ତନ କରାଯାଇ ପୂଜର୍ଚ୍ଚନା କରଯାଇଥିଲା ।
ମାଳିସାହି ଗ୍ରାମ ପଞ୍ଚାୟତ ଅନ୍ତର୍ଗତ ସଂପଡା ଗ୍ରାମ କାରିଗର ସଂଘ, ମାଇଛେଳି ପଞ୍ଚାୟତ ସଂପଡା ଗ୍ରାମ ଭାରତ ନିର୍ମାଣ ସଂଘ ,ନୂଆଗାଁ ବିରୁପାଖେଶ୍ୱର୍ ନିର୍ମାଣ ଶ୍ରମିକ ସଂଘ ତରଫରୁ ଅନୁଷ୍ଠିତ ବିଶ୍ଵକର୍ମା ପୂଜା ରେ ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇ ବିଶ୍ଵ ବିନ୍ଧାଣୀ ପ୍ରଭୂ ବିଶ୍ଵକର୍ମା ଙ୍କୁ ଦର୍ଶନ କରିବା ସହ ଆଶ୍ରିବାଦ ଭିକ୍ଷା କରିଥିଲେ ।
ଅନ୍ୟ ମାନଙ୍କ ମଧ୍ୟରେ ବ୍ଲକ୍ ଅଧ୍ୟକ୍ଷା ଙ୍କ ପ୍ରତିନିଧି ଶଙ୍କର୍ଷଣ ବେହେରା,ଜିଲ୍ଲା ପରିଷଦ ଙ୍କ ପ୍ରତିନିଧି ଦିଲ୍ଲୀପ କୁମାର ଦଳ ବେହେରା,ନୂଆଗାଁ ସରପଞ୍ଚ ଙ୍କ ପ୍ରତିନିଧି ପଦ୍ମଲୋଚନ ପରିଡା, ଛାତ୍ର ବିଜେଡ଼ି ସଭାପତି ସୁବ୍ରତ ପରିଡ଼ା,ସମାଜ ସେବୀ ଦାଶରଥି ପ୍ରଧାନ, ବରିଷ୍ଠ ବ୍ୟକ୍ତି ଭିକାରୀ ସାସମଲ ପ୍ରମୁଖ ଯୋଗ ଦେଇଥିଲେ । ସଂନ୍ଧ୍ୟାରେ ପୂଜା ମଣ୍ଡପ ଗୁଡ଼ିକ ରେ ସାଜସଜ୍ଜା ସହ ତୋରଣ ଏବଂ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ।
