୧୪ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଲୁଗାଁ :-> ଜଣେ ମହିଳାଙ୍କୁ ଏକାକୀ ଦେଖି ତାଙ୍କ ସହ ଅସଦାଚରଣ କରିବା ଏବଂ ପ୍ରତିବାଦ କରିବାରୁ ତାଙ୍କୁ ଅଟୋରୁ ଠେଲିଦେବା ଅଭିଯୋଗ କ୍ରମେ ବାଲୁଗାଁ ପୋଲିସ ସମ୍ପୃକ୍ତ ଚାଳକକୁ ଗିରଫ କରି କୋର୍ଟ ଚାଲାଣ କରିଛନ୍ତି l ଅଭିଯୁକ୍ତ ହେଲେ ବାଲୁଗାଁ ଅଞ୍ଚଳର ଅନନ୍ତ ବେହେରା (୩୦) l ପୋଲିସ ସୂଚନା ମୁତାବକ, ଗତ ୩ ତାରିଖ ଦିନ ସ୍ଥାନୀୟ ଅଞ୍ଚଳର ଶିବାନୀ ବେହେରା ନାମ୍ନୀ ମହିଳାଙ୍କୁ ଭଡା ସୂତ୍ରରେ ଅନନ୍ତ ଅଟୋ ରେ ବସାଇ ନାଭାଲ ଛକ ଅଭିମୁଖେ ନେଇଥିଲେ l
ତେବେ ବଡକୁଳ ରେଲୱେ ଗେଟ ଅତିକ୍ରମ କରିବା ପରେ ଚାଳକ ଉକ୍ତ ମହିଳାଙ୍କୁ ଅସଦବ୍ୟବହାର ପ୍ରଦର୍ଶନ କରିବାରୁ ସେ ଏହାର ପ୍ରତିବାଦ ଜଣାଇଥିଲେ l ଏଥିରେ ଉତକ୍ଷିପ୍ତ ହୋଇ ଚାଳକ ଅନନ୍ତ ମହିଳାଙ୍କୁ ଅଟୋରୁ ଭିଡି ବାହାରକୁ ଠେଲି ଦେଇଥିଲେ l ଫଳରେ ମହିଳା ଜଣକ ଆହତ ହୋଇଥିଲେ l ଏ ସମ୍ପର୍କରେ ମହିଳା ଜଣକ ବାଲୁଗାଁ ଥାନାରେ ଅଭିଯୋଗ କରିବା ପରେ ପୋଲିସ ୨୭୬/୨୪ ରେ ମାମଲା ରୁଜୁ କରିତଦନ୍ତ ଚଳାଇଥିବା ବେଳେ ଅଭିଯୁକ୍ତ ଫେରାର ଥିଲା l ଶନିବାର କୌଣସି ସୂତ୍ରରୁ ଖବର ପାଇ ପୋଲିସ ତାକୁ ଗିରଫ କରିଥିଲା l
