ଭୁବନେଶ୍ୱରର PVR ରେ ଅନିଶ ଏଣ୍ଟେର୍ଟେନମେଣ୍ଟ ପ୍ରସ୍ତୁତ “ଆଶ୍ରମ”-ଏକ ଆଶାର ଆଶ୍ରୟ” ଚଳଚ୍ଚିତ୍ରର ପ୍ରିମିୟର ସୋ ଅନୁଷ୍ଠିତ ହୋଇଯାଇଛି ।
ଓଡିଶୀ ନୃତ୍ୟଙ୍ଗନା, ମର୍ଦ୍ଦଳ ବାଦିକା ଓ ସର୍ବୋପରି ପ୍ରେମିକାର ଅଭିନୟ ପାଇଁ ପରଦାରେ ମହାଶ୍ୱେତା ରାୟ ଙ୍କ ଅତୀତ ହୋଇ ଆସିଛନ୍ତି ନୂଆ ସମୟର ବେଶ ଲୋକପ୍ରିୟ ଅଭିନେତ୍ରୀ ସୂର୍ଯ୍ୟମୟୀ ମହାପାତ୍ର । ପ୍ରଚଣ୍ଡ ପ୍ରତିଭାମୟୀ ସୂର୍ଯ୍ୟମୟୀଙ୍କ ପାଖରେ ପ୍ରଚୁର ଦକ୍ଷତା ଅଛି ଏବଂ ସିନେମାର ଅନେକ ଦୃଶ୍ୟରେ ସେ ତାହା ଖୁବ ଭଲ ଭାବରେ ପ୍ରତିପାଦିତ କରିପାରିଛନ୍ତି । ତାଙ୍କ ଲାସ୍ୟମୟୀ ଚାହାଣୀ ଓ ଲାଳିତ୍ୟ ସାଙ୍ଗକୁ ଓଡିଶୀ ନୃତ୍ୟର ଦକ୍ଷତା ତାଙ୍କୁ ଦର୍ଶକମାନଙ୍କ ପାଖରେ ଅତି ପ୍ରିୟ କରାଇ ପାରିଛି ।
ଅଭିଷେକ ଗିରି ରୋମାଣ୍ଟିକ ଓ ପ୍ରେମିକ ଚରିତ୍ର ପାଇଁ ସବୁବେଳେ ଜଣେ ସଫଳ ଅଭିନେତା । ତାଙ୍କର ଗମ୍ଭୀର ସ୍ୱର ଅଭିୟନୟରେ ଶ୍ରେଷ୍ଠତ୍ୱ ପ୍ରତିପାଦନ କରେ । ସେ’ ସବୁବେଳେ ଚରିତ୍ର ସହିତ ଖାପ ଖୁଆଇ ପାରୁଥିବା ଜଣେ ସୁ-ଅଭିନେତାର ମାନ୍ୟତା ପାଇଛନ୍ତି । ଏହି ସିନେମାରେ ଅଭିଜ୍ଞ ସମ୍ପର୍ଣ୍ଣ ଅଭିନେତ୍ରୀ ମହାଶ୍ୱେତା ରାୟଙ୍କ ସହିତ ତାଳ ଦେଇ ନିଜର ଗମ୍ଭୀର ବ୍ୟକ୍ତିତ୍ୱ କୁ ବେଶ ପରିପୁଷ୍ଟ କରିପାରିଛନ୍ତି ଅଭିଷେକ ।
ନୂତନ ନାୟିକା ତନୁଶ୍ରୀ ଯିଏ ‘ଝୁଲଣ’ ଚରିତ୍ରରେ ଅଛନ୍ତି ଏବଂ ସାଥି ଚରିତ୍ର ରେ ଅଛନ୍ତି ନବାଗତ ଅଭିନେତା ସୌମ୍ୟ । ଏମାନଙ୍କ ସହିତ ଶ୍ଵେତା ଆଚାର୍ଯ୍ୟ ,ବିଜୟିନୀ ମିଶ୍ର ,ତାପସ ଓ ଶଙ୍କରଙ୍କ ପରି କଳାକାର ସେମାନଙ୍କ ନିଖୁଣ ଅଭିନୟରେ ଦର୍ଶକଙ୍କୁ ବେଶ ଆମୋଦିତ କରିଛନ୍ତି । ଆଶ୍ରମର ଆଉ ଏକ ଭିନ୍ନତା ହେଲା ପୁରୀ ସହରକୁ ନେଇ ପ୍ରଯୋଜକ ତପନ କୁମାର ଦାଶ,
ନିର୍ଦ୍ଦେଶକ ସୁଧାଂଶୁ ମୋହନ ସାହୁ ଓ ଓ ଚିତ୍ରୋତ୍ତଳକ ଦୀପକ କୁମାର ଖୁବ ସୁନ୍ଦର ଭାବେ ଶ୍ରୀମନ୍ଦିରର ଆଖପାଖ ,ସାହି ଯାତ,ଚନ୍ଦନ ଯାତ , ସମୁଦ୍ର କୂଳ,ନୋଳିଆ ସାହି,ପୁରୀର ପୁରୁଣା ଘର ଓ ଉଚ୍ଚା ପିଣ୍ଡା ଓ ଦୁର୍ଗା ମୂର୍ତ୍ତି ଇତ୍ୟାଦି ସଫଳତାର ସହ ଚିତ୍ରିତ କରିଛନ୍ତି । ପ୍ରଯୋଜକ ତପନ କୁମାର ଦାଶ ପୂର୍ବରୁ ଫିଲ୍ମ “ଚକ୍ଷୁ ବନ୍ଧନ” ଓ “ମାୟାବୀ” ନିର୍ମାଣ କରିଛନ୍ତି ,
ଯାହାକି ଓଡ଼ିଶାରେ ହେଉଥିବା ଅନ୍ୟ ସିନେମା ପ୍ରଡକ୍ସନ ଠାରୁ କିଛିଟା ଭିନ୍ନ ଥିଲା.ଏହି ଚଳଚିତ୍ର ର କାହାଣୀ ସମ୍ପୂର୍ଣ୍ଣ ମୌଳିକ ହୋଇଥିବା ବେଳେ ପୁରୀ ରେ ସମୁର୍ଣ୍ଣ ଫିଲ୍ମ ଟିକୁ କରିବାର ଶ୍ରେୟ ହେଉଛି ଏହି ପ୍ରଯୋଜକଙ୍କର ବୋଲି ଅନେକ ମତବ୍ୟକ୍ତ କରିଛନ୍ତି । ସୁପ୍ରସିଦ୍ଧ ନିର୍ଦେଶକ ସୁଧାଂଶୁ ମୋହନ ସାହୁ ତାଙ୍କର ପୂର୍ବ ଫିଲ୍ମ “ମାୟାବୀ” ର ନିର୍ଦେଶନା ମଧ୍ୟ ଦେଇଥିଲେ ।
ଏହାର କାହାଣୀ ନିତ୍ୟାନନ୍ଦ ନନ୍ଦୀ ,ଚିତ୍ରନାଟ୍ୟ ଓ ସଂଳାପକାର ଦିଲୀପ ଚୌଧୁରୀ ଥିବା ବେଳେ କ୍ରିଏଟିଭ ଉପଦେଷ୍ଟା ଅଛନ୍ତି ଶ୍ୟାମା ପ୍ରସାଦ ମିଶ୍ର । ସଂଗୀତ ନିର୍ଦେଶକ ଅଭିଜିତ ମଜୁମଦାର.ଗୀତିକାର ବାପୁ ଗୋସ୍ୱାମୀ.ସୁନାମଧନ୍ୟ କଣ୍ଠଶିଳ୍ପୀ ଅସିତ ତ୍ରିପାଠୀ, ବିଶ୍ୱଜିତ ମହାପାତ୍ର, ରୂପକ ପରିଡା ଓ ସୋହିନୀ ମିଶ୍ର ପ୍ରମୁଖ ଏଥିରେ କଣ୍ଠଦାନ କରିଛନ୍ତି .
ଏହି ସିନେମାରେ ଖୁବ ସୁନ୍ଦର ଗୀତ ଗୁଡିକ ରହିଛି । ଅବର୍ଣ୍ଣନୀୟ ଜଗନ୍ନାଥ ,ସୁ-ପ୍ରଭାତ ,ଅନିନ୍ଦିକା ଗୀତ ରଚନାରେ ନିଶ୍ଚିତ ଭାବରେ ଏକ ଗବେଷଣା ,ବାପୁ ଗୋସ୍ୱାମୀଙ୍କୁ ଗୀତ ରଚନା ପାଇଁ ଏ ସଫଳତାର ଶ୍ରେୟ ଯାଉଛି । ଆଶ୍ରମର ସବୁ ଗୀତ ଏକ ସିନେମା ସଂଗୀତ ଜଗତରେ ଏକ ଉଦାହରଣ ସୃଷ୍ଟି କରିବ । ଏହି ସିନେମାର ପ୍ରତିଟି ସଂଗୀତ ଶ୍ରୋତା ଓ ଦର୍ଶକ ମାନଙ୍କୁ ଓଡ଼ିଆ ମନସ୍କ କରାଇବ ।
ଏହି ଚଳଚିତ୍ରରେ ସମାଜକୁ ଅନେକ ବାର୍ତ୍ତା ଅଛି .ଅନ୍ୟ ମାନଙ୍କ ପାଇଁ ଦେବାରେ ଯେଉଁ ଆନନ୍ଦ ଅଛି ତାହା ପାଇବାରେ ନାହିଁ..ଏପରି କରିବା ପାଇଁ ଏକାନ୍ତ ଇଚ୍ଛା ଶକ୍ତି ଦରକାର .ଯାହା ଏହି ସିନେମାର ମୁଖ୍ୟ ଚରିତ୍ର କରିପାରିଛନ୍ତି । ଅନେକ ଏହି ସିନେମା ଦେଖିବା ପରେ ମତ ଦେଇଛନ୍ତି ସମ୍ପ୍ରତି ସିନେମା ନିର୍ମାଣ କେବଳ ବ୍ୟବସାୟ ହୋଇ ନାହିଁ ,
ବରଂ ଅନୁଭୂତି ,ଅନ୍ୱେଷଣ ଆଉ ଓଡ଼ିଆ ଅଶ୍ମୀତାର ଛବି ପାଲଟି ଯାଇଛି । ଆଶ୍ରମ ଚଳଚିତ୍ର ସେଭଳି ଏକ ନୂଆ ଦିଗନ୍ତର ପରିଚାୟକ ହେବ ଏଥିରେ ସନ୍ଦେହ ନାହିଁ । ଓଡ଼ିଶାର ବିଭିନ୍ନ ବର୍ଗର ସୁପରିଚିତ ବ୍ୟକ୍ତିତ୍ୱ ମାନେ ପ୍ରିମିଏର ସୋ ରେ ଯୋଗଦେଇ ସିନେମାଟିକୁ ଭୁୟସୀ ପ୍ରଶଂସା କରିଥିଲେ ।
