୧୨ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଅନୁଗୋଳ :-> ସମଗ୍ର ଭାରତରୁ ସୁଲଭ ମୂଲ୍ୟରେ ଶାଢୀର ବ୍ୟାପକ ସମ୍ଭାର ରଖିବା ପାଇଁ ସୁପରିଚିତ ବେଙ୍ଗଲର ଅଗ୍ରଣୀ ରିଟେଲ ଚେନ୍ ଇଣ୍ଡିଆନ ସିଲ୍କ ହାଉସ ଏଜେନ୍ସିଜ ଓଡ଼ିଶାର ଅନୁଗୋଳରେ ତାହାର ନୂଆ ଷ୍ଟୋର ଉଦ୍ଘାଟନ କରିଛି । ଷ୍ଟୋରକୁ ଇଣ୍ଡିଆନ ସିଲ୍କ ଏଜେନ୍ସିଜର ପ୍ରତିଷ୍ଠାତା ପ୍ରତିଭା ଦୁଧୋରିଆ ଫିତା କାଟି ଉଦ୍ଘାଟନ କରିଥିଲେ । ଏହି ଅବସରରେ ପ୍ରତିଭା ଦୁଧୋରିଆ ଉଲ୍ଲେଖ କରିଥିଲେ ଯେ, ପ୍ରାୟ ଅର୍ଦ୍ଧ ଶତାବ୍ଦୀରୁ ଅଧିକ କାଳର ପୃଷ୍ଠଭୂମିକୁ ନେଇ ଇଣ୍ଡିଆନ ସିଲ୍କ ହାଉସ ଏଜେନ୍ସିଜ ପୂର୍ବ ଭାରତରେ ସର୍ବବୃହତ ସିଲ୍କ ଶାଢୀର ରିଟେଲ ଚେନ୍ ହୋଇଛି ।
ଏହି ବ୍ରାଣ୍ଡ୍ ନିଜର ମାନ, କାରିଗରୀ ଏବଂ ଗ୍ରାହକ ସେବା ନିମନ୍ତେ ପ୍ରତିବଦ୍ଧତା ପାଇଁ ସୁପରିଚିତ । ଇଣ୍ଡିଆନ ସିଲ୍କ ହାଉସ ଏଜେନ୍ସିଜର ଲକ୍ଷ୍ୟ ହେଉଛି ସୁଲଭ ମୂଲ୍ୟରେ ଗୁଣାତ୍ମକ ଉତ୍ପାଦ ଯୋଗାଇଦେବା । ଏକ ଦ୍ରୁତ ସମ୍ପ୍ରସାରଣଶୀଳ ରିଟେଲ ଚେନ୍ ଭାବରେ ଆମେ ଆମର ଗ୍ରାହକଙ୍କୁ ସର୍ବୋତମ ଉତ୍ପାଦ ଏବଂ ସେବା ଯୋଗାଇଦେବାକୁ ପ୍ରତିବଦ୍ଧ ରହିଛୁ । ସମଗ୍ର ଦେଶରେ ରିଟେଲ ଉପସ୍ଥିତି ସ୍ଥାପନ ପ୍ରତିବଦ୍ଧତା ନେଇ ଆମେ ଆମର ଗ୍ରାହକଙ୍କ ଆଶୀର୍ବାଦ ସହିତ ଆଗକୁ ବଢିବା ଏବଂ ସମ୍ପ୍ରସାରଣ କରିବାକୁ ଯାଉଛୁ ।
ସେ କହିଥିଲେ ଯେ ପ୍ରତ୍ୟେକଟି ଶାଢୀ ସହିତ ଆମେ ଦଶନ୍ଧି ଦଶନ୍ଧି ଧରି ରହିଆସିଥିବା ଆମର ପରମ୍ପରାକୁ ଆଗକୁ ନେଉଛୁ ।
ଏହା କାରିଗରୀ, ସୃଜନଶୀଳତା ଏବଂ ସାଂସ୍କୃତିକ ଗୌରବର ପରମ୍ପରା । ଆମେ ଅନୁଗୋଳରେ ଆମର ଯାତ୍ରା ଆରମ୍ଭ କରୁଥିବାବେଳେ ନୂତନ ସ୍ମୃତି ସୃଷ୍ଟି କରିବା ଏବଂ ନୂତନ ସଫଳତା ହାସଲ ନିମନ୍ତେ ଆଶା ରଖୁଛୁ । ଇଣ୍ଡିଆନ ସିଲ୍କ ହାଉସ ଏଜେନ୍ସିଜର ଡାଇରେକ୍ଟରବୃନ୍ଦ ଦର୍ଶନ ଦୁଧୋରିଆ ଏବଂ ଲିପିକା ଦୁଧୋରିଆ କହିଥିଲେ ଯେ, ମାନ ଓ କାରିଗରୀ ଉପରେ ଆମର ଦୃଷ୍ଟିନିବଦ୍ଧ ରହିଥିବାରୁ ଆମେ ଅତି ସୁନ୍ଦର କପଡା ଏବଂ ବୟନସାମଗ୍ରୀ ସମଗ୍ର ଭାରତର ବୁଣାକାର ସମୁଦାୟଙ୍କ ସହିତ ନିବିଡ ଭାବରେ ଯୋଡି ହୋଇଛୁ ।
ବାରଣାସୀର ମନୋରମ ସିଲ୍କ ଶାଢୀ ଠାରୁ ନେଇ ପଶ୍ଚିମ ବଙ୍ଗର ଆକର୍ଷଣୀୟ ବାଲୁଚରି ଶାଢୀ ପର୍ଯ୍ୟନ୍ତ ପ୍ରତ୍ୟେକଟି ଆମ ସୋ ରୁମ୍ ଥାକରେ ରହିଛି ଯାହା ଏକ ଅନନ୍ୟ ଗାଥାକୁ ବର୍ଣ୍ଣନା କରୁଛି ଏବଂ ଉକ୍ତ ଅଂଚଳର ସାଂସ୍କୃତିକ ଐତିହ୍ୟକୁ ପ୍ରତିନିଧିତ୍ୱ କରୁଛି । ଇଣ୍ଡିଆନ ସିଲ୍କ ହାଉସ ଏଜେନ୍ସିଜ ଏଭଳି ଏକ ମଂଚ ଯାହା ଭାରତୀୟ ନିଜସ୍ୱ ମୂଳ ପରିଧାନ ନିମନ୍ତେ ଏକକ ସ୍ଥାନ ଭାବରେ ସେବା ଯୋଗାଉଛି ।
