୧୦ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଗଜପତି :-> ଗଜପତି ଜିଲ୍ଲାର ରା. ଉଦୟଗିରି ବ୍ଲକରେ ଥିବା କେ. ଏମ. ଭଲିଆସାହି ସରକାରୀ ଉଚ୍ଚ ବିଦ୍ୟାଳୟରେ ବିଦ୍ୟାଦାତl ମହାପ୍ରଭୁ ଶ୍ରୀ ଶ୍ରୀ ଗଣପତି ବାବାଙ୍କର ପୂଜା କାର୍ଯ୍ୟ ସରିବା ପରେ ଆଜି ବିସର୍ଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ ଅବସରରେ ବିଦ୍ୟାଳୟରେ ଛାତ୍ର ଛାତ୍ରୀମାନଙ୍କ ଦ୍ୱାରା ପୂଜା କରାଯାଇଥିବା ପ୍ରଭୁ ଗଣପତି ବାବା ତିନି ଦିନ ପୂଜା ମଣ୍ଡପରେ ରହିଵା ପରେ ଯଥା ନୀତି ଅନୁସାରେ ଜଳରେ ବିସର୍ଜିତ ହୋଇଛନ୍ତି l
ଉକ୍ତ ଅବସରରେ ବିଦ୍ୟାଳୟର ପିଲାମାନେ ଗଣପତି ବାବାଙ୍କର ବନ୍ଦନା ଗାନ କରିବା ସହିତ ଜୟ ଧ୍ଵନି କରି ନିଜ କାନ୍ଦରେ ବସାଇ ବାଜା ବଜାଇ ନାଚି ନାଚି ବିସର୍ଜନ କରିବାକୁ ନେଇଥିଲେ l ଏହି ସମୟରେ ଝିପି ଝିପି ବର୍ଷା ହେବା ଦ୍ୱାରା ପିଲାମାନଙ୍କ ସହିତ ମହାପ୍ରଭୁ ଗଣପତି ବାବା ମଧ୍ୟ ଭିଜିଯାଇଥିଲେ l ତଥାପି ପିଲାମାନେ ବର୍ଷାକୁ ଖାତିର ନକରି ବର୍ଷାରେ ଭିଜି ଭିଜି ବାବାଙ୍କୁ ବିସର୍ଜନ କରାଇଥିଲେ l ଉକ୍ତ ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ରାମଚନ୍ଦ୍ର ଦଳବେହେରା, ଶିକ୍ଷକ ପ୍ରହ୍ଲାଦ ଶିଅଳ ଏବଂ ଶିକ୍ଷୟିତ୍ରୀ ବିରଜା ମାଳିନୀ ନାୟକ ଉପସ୍ଥିତ ରହି ଏ ସମସ୍ତ କାର୍ଯ୍ୟକ୍ରମକୁ ତଦାରଖ କରିଥିଲେ l
