୦୮ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ରାମଚଣ୍ଡୀ :-> କୋଣାର୍କ- ପୁରୀ ବେଳାମାର୍ଗର ଚନ୍ଦ୍ରଭାଗା ନିକଟସ୍ଥ କଇଁଛ ଘର ପାଖରେ ଏକ ସଡ଼କ ଦୁର୍ଘଟଣା ଘଟି ଜଣେ ଯୁବକ ଗୁରୁତର ହୋଇଥିବା ଜଣାପଡିଛି। ବେଳାମାର୍ଗ ରାସ୍ତା ଅନ୍ଧାର ସହିତ ରାସ୍ତା ଉପରେ ପଡି ରହିଥିବା ବାଲି ଯୋଗୁଁ ଦୁର୍ଘଟଣା ଘଟି ଧନ ଜୀବନ କ୍ଷତି ଘଟୁଥିବା ବେଳେ ପ୍ରଶାସନ ଏଥି ପ୍ରତି ନଜର ନଦେବା ସାଧାରଣରେ ଚର୍ଚ୍ଚାର ବିଷୟ ହୋଇଛି । ବାରମ୍ବାର ବିଭିନ୍ନ ସମୟରେ ଗଣମାଧ୍ୟମରେ ଖବର ପ୍ରସାରଣ ହେଉଥିଲେ ମଧ୍ୟ ଏହି ଘଟଣା ପ୍ରତି ପ୍ରଶାସନ ନଜର ନଦେବା ପରିତାପର ବିଷୟ ହୋଇଛି।
ଆଜି ସନ୍ଧ୍ୟା ପ୍ରାୟ ୭.୩୦ମିନିଟ ସମୟରେ ଏହି ରାସ୍ତାର କଇଁଛ ଘର ନିକଟରେ ଏକ ସଡ଼କ ଦୁର୍ଘଟଣା ରେ ଜଣେ ଯୁବକ ଗୁରୁତର ଆହତ ହୋଇ ପଡିଥିବା ବେଳେ ଅଗ୍ନିଶମ ବାହିନୀ ଖବର ପାଇ ଘଟଣା ସ୍ଥଳରେ ପହଞ୍ଚି ଆହତ ଯୁବକଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଗୋପ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ଜଣାପଡିଛି। ଖବର ଲେଖା ହେବା ବେଳକୁ ଆହତ ଯୁବକ ଜଣଙ୍କ ପରିଚୟ ମିଳିପାରିନଥିବା ବେଳେ କିପରି ଦୁର୍ଘଟଣା ଘଟିଲା ତାହା ସଠିକ୍ ଭାବେ ଜଣାପଡିନାହିଁ ।
