୦୮ ସେପ୍ଟେମ୍ବର,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> ଚଳିତ ସପ୍ତାହାନ୍ତରେ ମାଡ୍ରାସ୍ ଇଂଟରନ୍ୟାସନାଲ୍ ସର୍କିଟ୍ରେ ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ୍ ଏନ୍ଏସ୍ଏଫ୍୨୫୦ଆର୍ର ୨୦୨୪ ସିଜନର ଚତୁର୍ଥ ପର୍ଯ୍ୟାୟ ରେସ୍ ଅନୁଷ୍ଠିତ ହେବାକୁ ଯାଉଛି । ତୃତୀୟ ପର୍ଯ୍ୟାୟ ରେସ୍ରେ ରାଇଡର୍ଙ୍କ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳିଥିଲା । ଏହି ପ୍ରତିଯୋଗିତା ଶେଷ ପର୍ଯ୍ୟାୟରେ ପହଂଚିଥିବା ବେଳେ ଯୁବ ରାଇଡର୍ମାନେ ରେସ୍ ଟ୍ରାକ୍ରେ ସେମାନଙ୍କ ଦକ୍ଷତା ଓ ନିଷ୍ଠା ପ୍ରଦର୍ଶନ କରିବାକୁ ପ୍ରସ୍ତୁତ ରହିଛନ୍ତି । ପୂର୍ବ ପର୍ଯ୍ୟାୟ ରେସ୍ଗୁଡ଼ିକରେ ଏନ୍ଏସ୍ଏଫ୍୨୫୦ଆର୍ର ଓପନ୍ କ୍ଲାସ୍ରେ ଶ୍ରେଷ୍ଠ ପ୍ରଦର୍ଶନ ଦେଖିବାକୁ ମିଳିଥିଲା । ରେସ୍-୨ରେ ରାଇଡର୍ ସିଦ୍ଦେଶ ସାୱନ୍ତ ପ୍ରଥମ ସ୍ଥାନ ହାସଲ କରିଥିବା ବେଳେ ସେ ରେସ୍ ଉପରେ ନିୟନ୍ତ୍ରଣ ଓ ସ୍ଥିରତା ବଜାୟ ରଖିଛନ୍ତି । ଦ୍ୱିତୀୟରେ ରହିଥିଲେ ସାବିଆନ୍ ସାବୁ ବେଳେ ତୃତୀୟ ସ୍ଥାନରେ ରହିଥିଲେ ବିଦାନି ରାଜିନ୍ଦର । ଚେନ୍ନାଇରେ ହେବାକୁ ଥିବା ଆଗାମୀ ରେସ୍ରେ ଆକର୍ଷଣୀୟ ରୋମାଂଚ ଦେଖିବାକୁ ମିଳିବ ।
ସେଥିରେ ୧୧ ଜଣ ଯୁବ ରାଇଡର୍ ଅଂଶଗ୍ରହଣ କରି ସେମାନଙ୍କ ମୋଟୋ ୩ ରେସ୍ ମେସିନ୍ ଜରିଆରେ ରେସ୍ କରିବେ । ସେଥିରେ ହୋଣ୍ଡା ରେସିଂ ଇଣ୍ଡିଆର ଜଣେ ମହିଳା ରାଇଡର୍ ଜଗତଶ୍ରୀ କୁମାରେସନ ରହିଛନ୍ତି । ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ୍ ହେଉଛି ଏକ ସମ୍ମାନଜନକ ପ୍ଲାଟଫର୍ମ ଯାହାକୁ ଉଭୟ ଜାତୀୟ ଓ ଅନ୍ତର୍ଜାତୀୟ ଚାମ୍ପିଅନ୍ସିପ୍ ପାଇଁ ପରବର୍ତୀ ପିଢ଼ିର ଚାଳକ ବିକାଶ ଓ ସମୃଦ୍ଧ କରିବାକୁ ପ୍ରସ୍ତୁତ କରାଯାଇଛି । ରେସିଂର ବିଭିନ୍ନ ସ୍ତର ଅତିକ୍ରମ କରିବା ଲାଗି ଯୁବ ରାଇଡରମାନଙ୍କ ନିମନ୍ତେ ଏକ ସୋପାନ ଭାବେ ଏହାକୁ ବିକାଶ କରାଯାଇଛି ।
ଏହି ଚାମ୍ପିଅନ୍ସିପ୍ରେ ରାଇଡର୍ମାନେ ହୋଣ୍ଡା ଏନ୍ଏସ୍ଏଫ୍୨୫୦ଆର୍ ମେସିନ୍କୁ ବ୍ୟବହାର କରୁଛନ୍ତି ଯାହାକୁ ମୋଟୋ ୩ ରେସିଂ ପାଇଁ ବିକାଶ କରାଯାଇଛି । ଏହି ଚାମ୍ପିଅନ୍ସିପ୍ର ପ୍ରମୁଖ ଉଦ୍ଦେଶ୍ୟ ହେଉଛି ପ୍ରତିଭାବାନ ରାଇଡର୍ମାନଙ୍କୁ ଚିହ୍ନଟ କରିବା ଓ ତାଲିମ ଦେଇ ସେମାନଙ୍କୁ ସମୃଦ୍ଧ କରିବା । ଏହା ଜରିଆରେ ଭାରତୀୟ ରାଇଡର୍ମାନେ ପ୍ରଫେସନାଲ୍ ମୋଟର ରେସିଂ ଦୁନିଆରେ ପ୍ରବେଶ କରିପାରୁଛନ୍ତି । ଆଇଡେମିସୁ ହୋଣ୍ଡା ଇଣ୍ଡିଆ ଟ୍ୟାଲେଂଟ୍ କପ୍ରେ ପାଂଚଟି ରାଉଣ୍ଡ ରହିଛି ଯାହାର ପ୍ରଥମ ରାଉଣ୍ଡ ୨୦୨୪ ଜୁନ୍ ୧୪-୧୬ ପର୍ଯ୍ୟନ୍ତ ମାଡ୍ରାସ ଇଂଟରନ୍ୟାସନାଲ୍ ସର୍କିଟ୍ରେ ହୋଇଥିଲା । ଚତୁର୍ଥ ରାଉଣ୍ଡ ୨୦୨୪ ସେପ୍ଟେମ୍ବର ସେହି ରାଉଣ୍ଡରେ ଅନୁଷ୍ଠିତ ହେବ । ପଂଚମ ରାଉଣ୍ଡକୁ ସମାନ ଟ୍ରାକ୍ରେ ଅକ୍ଟୋବରରେ ଆୟୋଜନ କରାଯିବ ।
