୨୯ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> ବିରଳ କ୍ୟାନସର ରୋଗରେ ପୀଡ଼ିତ ରୋଗୀମାନଙ୍କ ମନରେ ରହିଥିବା ଅନିଶ୍ଚିତତା ଓ ଭୟ ଦୂର କରିବା ସହ ସେମାନଙ୍କୁ ସଠିକ୍ ନିଦାନ ଓ ଯତ୍ନ ପ୍ରଦାନ କରିବା ଲାଗି ଆପୋଲୋ ହସ୍ପିଟାଲ୍ସ ନଭି ମୁମ୍ବାଇ ପକ୍ଷରୁ ରେୟାର- କେୟାର କ୍ଲିନିକ୍ର ଶୁଭାରମ୍ଭ କରାଯାଇଛି । ବିରଳ କ୍ୟାନସର ରୋଗୀମାନେ ସାମ୍ନା କରୁଥିବା ଆହ୍ୱାନ ପାଇଁ ଏହା ବ୍ୟାପକ ସମାଧାନ ପ୍ରଦାନ କରିବ । ରେୟାର କ୍ୟାନସର ହେଉଛି ଏକ ବିରଳ ରୋଗ ଯାହା ପ୍ରତି ଏକ ଲକ୍ଷରେ ୬ ଜଣଙ୍କୁ ହୋଇଥାଏ । ମୋଟ କ୍ୟାନସର ମାମଲାର ୨୦ ପ୍ରତିଶତ ରୋଗୀ ଏହି ରୋଗରେ ପୀଡ଼ିତ । ନିଦାନ ଓ ଚିକିତ୍ସାକୁ ନେଇ କୌଣସି ନିର୍ଦ୍ଦିଷ୍ଟ ତଥ୍ୟ ଉପଲବ୍ଧ ନଥିବାରୁ ଏହି ରୋଗୀମାନେ ବେଶ୍ ଅନିଶ୍ଚିତତା ଭିତରେ ରହିଥାନ୍ତି । ଡେସ୍ମଏଡ୍ ଟ୍ୟୁମର୍, ଚର୍ମ କ୍ୟାନସର୍, ଗର୍ଭଧାରଣ ଜନିତ କ୍ୟାନସର, ଏଲ୍ଜିବିଟିକ୍ୟୁ+ ବର୍ଗଙ୍କୁ ହେଉଥିବା କ୍ୟାନସର୍, ନ୍ୟୁରୋ ଏଣ୍ଡୋକ୍ରାଇନ୍ ଟ୍ୟୁମର, ଜନ୍ମଗତ କିମ୍ବା ବଂଶଜ କାନସର୍, କିଶୋରାବସ୍ଥା କ୍ୟାନସର ରେୟାର କ୍ୟାନସର୍ ରୋଗ ମଧ୍ୟରେ ରହିଛି ।
ଆପୋଲୋ ହସ୍ପିଟାଲ୍ସ ନଭି ମୁମ୍ବାଇର ମେଡିକାଲ୍ ଆଣ୍ଡ୍ ପ୍ରେସିସନ୍ ଅଙ୍କୋଲୋଜିର ଲିଡ୍ ଡାକ୍ତର ଜ୍ୟୋତି ବାଜପାୟୀ କହିଛନ୍ତି ଯେ, “ରେୟାର କ୍ୟାନସର୍ ମାମଲାରେ ଆଗୁଆ ନିଦାନ ଜରୁରୀ କାରଣ ତାହାର ଲକ୍ଷଣକୁ ସାଧାରଣରେ ଅନ୍ୟ କିଛି ବୋଲି ଧରି ନିଆଯାଏ । ସୋସାଇଟି ଅଫ୍ ଇମ୍ୟୁନୁ ଥେରାପି ଇନ୍ କ୍ୟାନସର୍ସ (ଏସ୍ଆଇଟିସି), ୟରୋପିଆନ୍ ସୋସାଇଟି ଅଫ୍ ମେଡିକାଲ୍ ଅଙ୍କୋଲୋଜି (ଇଏସ୍ଏମ୍ଓ) ଭଳି ସଂସ୍ଥା ସହିତ ଯୋଡ଼ିହେବା ଏବଂ ସାରକୋମାସ୍ ଓ ଓମେନ୍ ଫର ଅଙ୍କୋଲୋଜିର କୋର୍ କମିଟି ସଦସ୍ୟ ଭାବେ ମୋ’ ପାଖରେ ବିରଳ କ୍ୟାନସର୍ ରୋଗର ନିଦାନ ଓ ଚିକିତ୍ସା ଅଭିଜ୍ଞତା ରହିଛି । ଏହା ଦ୍ୱାରା ଶୀଘ୍ର ସଠିକ୍ ଚିିକିତ୍ସା ଆରମ୍ଭ ହୋଇଥାଏ ଯାହା ଫଳରେ ରୋଗୀଙ୍କୁ ସୁହାଇବା ଭଳି ଫଳାଫଳ ମିଳିଥାଏ । ପ୍ରତିଟି ରୋଗୀଙ୍କୁ ସୁହାଇବା ଭଳି ଚିକିତ୍ସା ପଦ୍ଧତି ବିକାଶ କରିବା ପାଇଁ ଆମ କ୍ଲିନିସିଆନ୍ଙ୍କ ଟିମ୍ ରୋଗୀଙ୍କ ସହ ମିଶି କାର୍ଯ୍ୟ କରୁଛି ଯେଉଁଥିରେ ରୋଗୀଙ୍କ ସ୍ୱତନ୍ତ୍ର ଆବଶ୍ୟକତା ଓ ଚିକିତ୍ସା ବିଚାରକୁ ନିଆଯାଉଛି ।”
ଆପୋଲୋ ହସ୍ପିଟାଲ୍ସର ଅଙ୍କୋଲୋଜି ନିର୍ଦ୍ଦେଶକ ଏବଂ ହେଡ୍ ଓ ନେକ୍ ଅଙ୍କୋଲୋଜିର ବରିଷ୍ଠ କନସଲଟାଂଟ୍ ଡାକ୍ତର ଅନିଲ ଡି’କ୍ରୁଜ୍ କହିଛନ୍ତି ଯେ, “ସାରା ବିଶ୍ୱରେ କ୍ୟାନସର୍ ମାମଲା ସଂଖ୍ୟା ବଢ଼ୁଛି ଯାହା ୨୦୧୨ରେ ୧୨ ନିୟୁତ ମାମଲାରୁ ୨୦୧୮ରେ ୧୮ ନିୟୁତକୁ ଏବଂ ୨୦୨୦ରେ ୧୯.୩ ନିୟୁତକୁ ବୃଦ୍ଧି ପାଇଛି । ଭାରତର କ୍ୟାସନର ରେଜିଷ୍ଟ୍ରିରେ ମଧ୍ୟ ସମାନ ଧାରା ଦେଖିବାକୁ ମିଳିଛି । ଆପୋଲୋ କ୍ୟାନସର ସେଂଟର ରୋଗୀମାନଙ୍କୁ ଅଙ୍ଗ ଅନୁଯାୟୀ ସ୍ୱତନ୍ତ୍ର ସେବା ଏବଂ ଜାତୀୟ ଓ ଅନ୍ତର୍ଜାତୀୟ ମାନର ଉନ୍ନତ ଭିତିଭୂମି ଓ କ୍ଲିନିସିଆନ୍ ପ୍ରଦାନ କରି କ୍ୟାନସର ଚିକିତ୍ସାରେ ସେମାନଙ୍କୁ ବିଶ୍ୱାସ ଦେଉଛି ଯାହା ଆମ ପାଖକୁ ଆସୁଥିବା ରୋଗୀଙ୍କୁ ଶ୍ରେଷ୍ଠ ଫଳାଫଳ ପ୍ରଦାନ କରୁଛି । ସବୁଠୁ ସ୍ୱତନ୍ତ୍ର ଓ ବିରଳ କ୍ୟାନସର ମାମଲାରେ ବ୍ୟକ୍ତିଗତ ସୁହାଇବା ଭଳି, ବିବିଧ ଶୃଙ୍ଖଳାର ଯତ୍ନକୁ ସୁନିଶ୍ଚିତ କରିବା ପାଇଁ ଆମ ସମର୍ପଣ ଭାବର ପ୍ରମାଣ ହେଉଛି ରେୟାରକେୟାର କ୍ଲିନିକ୍ ।
ଆମେ ରୋଗୀ ଓ ସେମାନଙ୍କ ପରିବାର ପାଇଁ କ୍ୟାନସର୍ ରୋଗ ଚିକିତ୍ସାରେ ରୂପାନ୍ତରଣ ଆଣିବାକୁ ଲକ୍ଷ୍ୟ ରଖିଛୁ ।” ଆପୋଲୋ ହସ୍ପିଟାଲ୍ର ଆଂଚଳିକ ସିଇଓ-ୱେଷ୍ଟର୍ଣ୍ଣ ରିଜିଅନ୍ ଶ୍ରୀ ଅରୁଣେଷ ପୁନିତା କହିଛନ୍ତି ଯେ, “ବିରଳ କ୍ୟାନସର୍ ରୋଗରେ ପୀଡ଼ିତ ଲୋକମାନେ ସାମ୍ନା କରୁଥିବା ଭୟ, ଅନିଶ୍ଚିତତା ଓ ଅଧିକାଂଶ ସମୟରେ ଭୋଗୁଥିବା ଏକଲାପଣକୁ ଆମେ ଭଲ ଭାବେ ଜାଣିଛୁ । ସେଥିପାଇଁ ଆମେ ଏହି ରେୟାର-କେୟାର କ୍ଲିନିକ୍ ସ୍ଥାପନ କରିଛୁ ଯେଉଁଠାରେ ସେମାନେ ସ୍ୱତନ୍ତ୍ର ଓ ଉନ୍ନତ ଚିକିତ୍ସା ସୁବିଧା ପାଇବା ସହିତ ସେମାନଙ୍କ ସହିତ ପ୍ରତିଟି ସ୍ତରରେ ଏକ ଦୟାବାନ ଟିମ୍ ରହିବ । ଭାରତରେ କ୍ୟାନସର ବିରୋଧୀ ଲଢ଼େଇ କ୍ଷେତ୍ରର ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଏବଂ ବିଶ୍ୱସ୍ତରୀୟ କ୍ୟାନସର ସେବା ପ୍ରଦାନ କରିବାରେ ଆପୋଲା ହସ୍ପିଟାଲ୍ସର ଅତୁଟ ପ୍ରତିବଦ୍ଧତାକୁ ଏହା ପ୍ରତିଫଳିତ କରୁଛି ଯାହା ମୂଳରେ ରହିଛି ମାନବିକତା ଓ ଦୟା ଭାବ ।”
