୨୬ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଆର, ଉଦୟଗିରି :-> ଗଜପତି ଜିଲ୍ଲା ଅଡବା ଥାନା ବିରିକୋଟ ସ୍ୱାସ୍ଥ୍ୟକେନ୍ଦ୍ର ସମ୍ମୁଖରେ ଶୁକ୍ରବାର ରାତି ରେ ଏକ କାର୍ ଏବଂ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ବାଇକ ଚାଳକ ଙ୍କ ମୃତ୍ୟୁ ହୋଇଛି l ମୃତକ ବିରିକୋଟ ଗ୍ରାମର ଶିଶିର କନ୍ଧ l ଶୁକ୍ରବାର ବିଳମ୍ବିତ ରାତିରେ ଏକ କାର ବ୍ରହ୍ମପୁର ରୁ ରାୟଗଡା ଜ଼ିଲ୍ଲା ପଦ୍ମପୁର ଅଭିମୁଖେ ଯାଉଥିଲା,ଏହି ସମୟରେ ବିପରୀତ ଦିଗରୁ ଶିଶିର ଏକ ବାଇକ ରେ ଘରକୁ ଫେରୁଥିବା ବେଳେ କାର ସହ ମୁହାଁ ମୁହିଁ ଧକ୍କା ହୋଇଥିଲା l
ଫଳରେ ଶିଶିର ବାଇକ ସହ ଛିଟିକି ହୋଇ ରାସ୍ତା କଡରେ ପଡ଼ିଥିଲେ l ଗୁରୁତର ଅବସ୍ଥା ରେ ସ୍ଥାନୀୟ ଲୋକେ ଶିଶିର ଙ୍କୁ ଉଦ୍ଧାର କରି ପ୍ରଥମେ ବିରିକୋଟ ଏବଂ ପରେ ଆମ୍ବୁଲାନ୍ସ ଯୋଗେ ମୋହନା ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିଥିଲେ l ତେବେ ସେଠାରେ ଡାକ୍ତର ଶିଶିର କୁ ମୃତ ଘୋଷଣା କରିଥିଲେ l ଅଡବା ପୋଲିସ ମୃତଦେହ ଜବତ କରିବା ସହ ଦୁର୍ଘଟଣା ଗ୍ରସ୍ତ ଗାଡି ଦୁଇଟିକୁ ଜବତ କରି ଘଟଣା ର ତଦନ୍ତ ଆରମ୍ଭ କରିଛି l ଅନ୍ୟପଟେ ଦୁର୍ଘଟଣା ଘଟାଇଥିବା କାର୍ ର ଡ୍ରାଇଭର ଫେରାର୍ ଥିବା ଅଡବା ଥାନା ଅଧିକାରୀ ଶୁଭ୍ରାନ୍ତ କୁମାର ପଣ୍ଡା ସୂଚନା ଦେଇଛନ୍ତି l
