୧୬ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର -> ରାଜଭବନରେ ୭୮ତମ ସ୍ୱାଧୀନତା ଦିବସ ମହାସମାରୋହରେ ପାଳିତ ହୋଇଯାଇଛି । ତା୧୫.୦୮.୨୦୨୪ରିଖ ସକାଳ ୯ଘଟିକା ସମୟରେ ରାଜ୍ୟପାଳ ରଘୁବର ଦାସ ଜାତୀୟ ପତାକା ଉତ୍ତୋଳନ କରିଥିଲେ । ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ଭୀମଭୋଇ ଦୃଷ୍ଟି ବାଧିତ ବିଦ୍ୟାଳୟର ଛାତ୍ରଛାତ୍ରୀ,
ଆଦୃତ ହୋମ୍ର ଅନ୍ତେବାସୀ, ଆୱାକେନ୍ କ୍ୟାନ୍ସର୍ କେୟାର ଟ୍ରଷ୍ଟ ଓ ନୀଳାଦ୍ରୀ ସେବା ଟ୍ରଷ୍ଟ ତତ୍ତ୍ୱାବଧାନରେ ରହୁଥିବା କ୍ୟାନ୍ସର ସହ ଲଢେଇ କରୁଥିବା ପିଲାମାନେ ଆନନ୍ଦ ଉଲ୍ଲାସର ସହ ଯୋଗଦେଇଥିଲେ ଏବଂ ସ୍ୱାଧୀନତା ଦିବସ ପାଳନ ଉପଭୋଗ କରିଥିଲେ ।
ରାଜ୍ୟପାଳଙ୍କ ମୁଖ୍ୟ ପରାମର୍ଶ ଦାତା ସନ୍ତୋଷ କୁମାର ଶତପଥି, ଏକାଡେମୀକ୍ ପରାମର୍ଶଦାତା ଡ଼ ଶୁକ୍ଲା ମହାନ୍ତି, ରାଜ୍ୟପାଳଙ୍କ ପ୍ରମୁଖ ଶାସନ ସଚିବ ଏନ୍.ବି.ଏସ୍. ରାଜପୁତ୍ଙ୍କ ସମେତ ରାଜଭବନର ଅଧିକାରୀ ଓ କର୍ମଚାରୀମାନେ ଯୋଗଦେଇଥିଲେ ।
ପରେପରେ ଅଭିଷେକ୍ ହଲ୍ଠାରେ ଆୟୋଜିତ କାର୍ଯ୍ୟକ୍ରମରେ ରାଜ୍ୟପାଳ ଶ୍ରୀ ଦାସ ଉତ୍ସବରେ ଯୋଗଦେଇଥିବା ପିଲାମାନଙ୍କ ସହ ବାର୍ତ୍ତାଳାପ କରିଥିଲେ । ରାଜ୍ୟପାଳ ପିଲାମାନଙ୍କୁ ଉପହାର ପ୍ରଦନା କରିବା ସହ ସେମାନଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ । ଏହି ଅବସରରେ ରାଜ୍ୟପାଳ ଆଦୃଦ ହୋମ୍ର ଅନ୍ତେବାସୀ ଅମ୍ରିତାଙ୍କୁ ୨୫ହଜାର ଟଙ୍କାର ଆର୍ଥିକ ସହାୟତା ରାଶି ପ୍ରଦାନ କରିଥିଲେ ।
