୧୩ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) କଟକ :-> କଟକ ମହାନଗର ନିଗମ ୫୯ ନମ୍ବର ୱ।ର୍ଡ଼ ଫୁଲନଖରା ଛକ ନିକଟସ୍ଥ ବମ୍ଫକୁଦ ଗ୍ରାମର ଜଣେ ସ୍ନେହୀ , ମିଷ୍ଠଭାସୀ ,ପରୋପକାରୀ, ରାଜନୈତିକ ବ୍ୟକ୍ତି ତଥା ସମାଜସେବୀ ସ୍ୱର୍ଗତ ଧୃବ ଚରଣ ଜେନାଙ୍କ ପ୍ରଥମ ଶ୍ରାଦ୍ଧବାର୍ଷିକ ମଙ୍ଗଳବାର ଅନୁଷ୍ଠିତ ହୋଇଥିଲା ।
ଏହି ଉପଲକ୍ଷେ ଆୟୋଜିତ ଉତ୍ସବରେ କଟକ ସଦରର ବରିଷ୍ଠ ବିଜେପି ନେତା ତଥା ପୂର୍ବତନ ବିଜେପି ବିଧାୟକ ପ୍ରାର୍ଥୀ ଦିଲିପ କୁମାର ମଲ୍ଲିକ,କଟକ ନଗର ବିଜେପି ଉପ ସଭାପତି ସ୍ୱାଧୀନ ଚେତା ମହାନ୍ତି , ସାମ୍ବାଦିକ ଅମୂଲ୍ୟ କୁମାର ବାରିକ, ପ୍ରଦୀପ କୁମାର ଦାସ, ଦିପ୍ତି ରଞ୍ଜନ ଜେନା , ଟୁନା ଜେନା, ସୁଷିଲ କୁମାର ଜେନା,
କରିମ ସା, ପ୍ରମୁଖ ଯୋଗ ଦେଇ ସ୍ୱର୍ଗତ ଧୃବ ଚରଣ ଜେନାଙ୍କ ଫଟୋ ଚିତ୍ରରେ ପୁଷ୍ପ ମାଲ୍ୟ ଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଧୃବ ଚରଣ ଜେନା ଗୋଟିଏ ନିର୍ଦ୍ଧିଷ୍ଟ ଦଳରେ ରହିଥିଲେ ମଧ୍ୟ ବିଜେପି ରାଜନୈତିକ ଦଳର ନେତାଙ୍କ ପ୍ରତି ତାଙ୍କର ଯଥେଷ୍ଟ ସମ୍ମାନ ରହିଥିଲା ଵୋଲି ଦିଲ୍ଲୀପ କୁମାର ମଲ୍ଲିକ ନିଜର ମତବ୍ୟକ୍ତ ପ୍ରକାଶ କରିଥିଲେ ।
ଉକ୍ତ ଶ୍ରାଦ୍ଧବାର୍ଷିକ ଉତ୍ସବରେ ଆଖପାଖ ଅଞ୍ଚଳର ବିଭିନ୍ନ ରାଜନୈତିକ କର୍ମକର୍ତ୍ତା, ବୁଦ୍ଧିଜୀବୀ ଯୋଗ ଦେଇ ଶ୍ରଦ୍ଧାଞ୍ଜଳି ଅର୍ପଣକରିଥିଲେ । ସ୍ୱର୍ଗତ ଧୃବ ଚରଣ ଜେନାଙ୍କ ବଡ଼ ପୁଅ ଦିଲିପ କୁମାର ଜେନା , ସାନପୁଅ ସନ୍ଧିପ ଜେନା ଅତିଥି ମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ ।
ଧୃବ ଚରଣ ଜେନାଙ୍କ ସ୍ମୃତି ଉଦ୍ଦେଶ୍ୟରେ ଏକ ଭଜନ ସାରୋହ ଅନୁଷ୍ଠିତ ହୋଇଥିଲା । ଆଖପାଖ ଅଞ୍ଚଳର ଗ୍ରାମ୍ୟ କମିଟିର ସଭାପତି, ସଂପାଦକ ଏବଂ ଜନସାଧାରଣ ଯୋଗ ଦେଇଥିଲେ । ଏଥିରେ ବମ୍ଫକୁଦ ଗ୍ରାମର ଯୁବକ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିବାରେ ସହଯୋଗ କରିଥିଲେ ।
