୦୮ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବେଗୁନିଆ :-> ଚାଷୀ ମାନେ ଜମିରେ ରାସାୟନିକ ସାର ପ୍ରୟୋଗ କରିବା ଫଳରେ ବିଭିନ୍ନ ପ୍ରକାର ରୋଗ ଓ ସମସ୍ୟା ଆଦି ଦେଖା ଦେଇଥାଏ । ଏଥିରୁ ରକ୍ଷା ପାଇବା ପାଇଁ ଜୈବିକ ପଦ୍ଧତିର ସାର କୁ ପ୍ରୟୋଗ କରିବା ପାଇଁ ଝା଼ଡଖଣ୍ଡର ଗୋଡ଼ା ଗ୍ରାମର ଭାନୁ ଅର୍ଗାନିକ ପ୍ରାଇଭେଟ୍ ଲିମିଟେଡ କମ୍ପାନୀ ପକ୍ଷରୁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏହି କମ୍ପାନୀ ପ୍ରଥମେ ଖୋର୍ଦ୍ଧା ଜିଲ୍ଲା ବେଗୁନିଆ ସଦର ମହକୁମାରେ ଅଗ୍ରଣୀ ଚାଷୀଙ୍କୁ ନେଇ ପ୍ରଧାନମନ୍ତ୍ରୀ ଜୈବିକ ପଦ୍ଧତିର ସାର,
ରାସନ ସାମଗ୍ରୀ ଓ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପିଲାଙ୍କୁ ପାଠ ପଢ଼ାଇବା ଆଦି କାର୍ଯ୍ୟକ୍ରମ ହାତକୁ ନେଇ ସ୍ଵଳ୍ପ ମୂଲ୍ୟରେ ଉପଲବ୍ଧ କରିବ ବୋଲି ପ୍ରଶିକ୍ଷାର୍ଥିଙ୍କୁ ସୂଚନା ଦେଇଛନ୍ତି । ଏଥିରେ ଜିଲ୍ଲା ସଂଯୋଜକ ହସିନା ବେଗମଙ୍କ ଅଧ୍ୟକ୍ଷତା ଓ ଅମଜାଦ ଅଲ୍ଲୀ ଖାନଙ୍କ ସଂଯୋଜନାରେ ସ୍ଥାନୀୟ ସରପଂଚ ସତ୍ୟ ନାରାୟଣ ପ୍ରଧାନ, ସମାଜସେବୀ ମଳୟ ରଂଜନ ପଣ୍ଡା,ପରମାନନ୍ଦ ସାହୁ, କମ୍ପାନୀର ନିର୍ଦ୍ଦେଶକ ରିଶବ କୁମାର ଓ ସହକାରୀ ନିର୍ଦେଶକ ରାକେଶ କୁମାର ପ୍ରମୁଖ ଅତିଥି ଭାବେ ଯୋଗ ଦେଇଥିଲେ ।
