କାର୍ଯ୍ୟକ୍ରମ ରେ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ମୁଖ୍ୟ ଅତିଥି ରୁପେ ଯୋଗ ଦେଇଥିଲେ,ଏଥି ସହିତ ରାଜ୍ୟ ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଧେଶକ ଦିଲ୍ଲୀପ ରାଉତରାୟ ସମ୍ମାନୀତ ଅତିଥି ଯୋଗଦେଇ ପାରମ୍ପରିକ ପ୍ରଦୀପ ପ୍ରଜ୍ବଳନ କରିଥଲେ । ପ୍ରାରମ୍ଭରେ ଗୋଆ ସାଧାରଣ ସମ୍ପାଦକ ପ୍ୟାରୀମୋହନ ମଲ୍ଲିକ ଆଗନ୍ତୁକ ପ୍ରତିନିଧି ମାନଙ୍କୁ ସ୍ଵାଗତ ସମ୍ଭାଷଣ ଜଣାଯାଇଥିଲେ। ସମାବେଶକୁ ସମ୍ବୋଧନ କରି ଗଲ୍ଫ ଓଡ଼ିଆ ସମାଜର କାର୍ଯ୍ୟକାରୀ ସଭାପତି ତଥା ସାଂସ୍କୃତିକ କାର୍ଯ୍ୟକ୍ରମ ମୁଖ୍ୟ ବନ ବିହାରୀ ମହାନ୍ତି ମାତୃ ପ୍ରଦେଶ ଓଡ଼ିଶାର ସାମଗ୍ରିକ ବିକାଶ ନେଇ ଗୋଆ ର ମହତ୍ ଉଦ୍ଦେଶ୍ୟ ଓ ସ୍ଥିରିକୃତ ଭବିଷ୍ୟତ ମାର୍ଗପନ୍ଥା ସଂପର୍କରେ ସୂଚନା ଦେଇଥିଲେ।
‘ ସେବା ହିଁ ସର୍ବୋପରି ‘ ଶୀର୍ଷକ ଲକ୍ଷ୍ୟକୁ ଆଧାରକରି ଗୋଆ ଗତ ସାତ ବର୍ଷ ଧରି ମଧ୍ୟପ୍ରାଚ୍ୟର ରାଷ୍ଟ୍ର ଗୁଡିକରେ ଓଡ଼ିଶାର ମହାନ ସାମାଜିକ ଓ ସାଂସ୍କୃତିକ ଐତିହ୍ୟକୁ ପ୍ରଚାର ଓ ପ୍ରସାର କରିଆସୁଥିବା ସେ ଦର୍ଶାଇଥିଲେ। କାର୍ଯ୍ୟକ୍ରମ ରେ ଆନ୍ତର୍ଜାତୀୟ କଣ୍ଠଶିଳ୍ପୀ ଅନିନ୍ଦିତା ଦାସ୍ ଙ୍କୁ ଗୋଆ ର ବ୍ରାଣ୍ଡ ଆମ୍ବାସଡର ଭାବେ ଚୟନ କରାଯାଇଥିଲା, କାର୍ଯ୍ୟକ୍ରମରେ ଇଭେଣ୍ଟ ପାର୍ଟନର ଭାବେ ଆଇ ଡି ଏଫ ସି ବ୍ୟାଙ୍କ୍ ତାରଫରୁ ସୌରଭ ଦାସ୍, ଅର୍ବାନ ମାଜେଷ୍ଟିକ ତରଫରୁ ଦୀନେଶ, ଏଡିଲ୍ୱିଶ ତରଫରୁ ଦେବାଶିଷ ନାୟକ ଏବଂ ଇଉନିୟନ ବ୍ୟାଙ୍କ୍ ଅଫ ଇଣ୍ଡିଆ ତରଫରୁ ପାର୍ଥସାରଥି ମହାପାତ୍ର ଯୋଗ ଦେଇଥିଲେ। ସଭାରେ ଭାଷଣ ପ୍ରଦାନ କରି ମୁଖ୍ୟ ଅତିଥି ତଥା ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଗଲ୍ଫ ଇଲାକାରେ ବ୍ରାଣ୍ଡ ଓଡ଼ିଶାକୁ ଲୋକପ୍ରିୟ କରିବାରେ ଗୋଆ ର ସାଧୁଉଦ୍ୟମକୁ ଭୂରୀଭୂରୀ ପ୍ରଶଂସା କରିଥିଲେ।
ମୁଖ୍ୟତଃ କୋଭିଡ୍ କାଳରେ ଓଡ଼ିଶାର ସ୍ୱାସ୍ଥ୍ୟ, ଶିକ୍ଷା ଏବଂ ପରିମଳ କ୍ଷେତ୍ରରେ ସହାୟତା ଯୋଗାଇ ଦେବା ନେଇ ସଭାପତି ଅଜୟ କୁମାର ଦାସଙ୍କର ସକ୍ରୀୟ ନେତୃତ୍ୱରେ ଗୋଆ ଟିମର ଉଲ୍ଲେଖନୀୟ ଯୋଗଦାନ କୁ ପଟ୍ଟନାୟକ ପ୍ରଶଂସା କରିଥିଲେ। ଶେଷରେ ସମ୍ମାନନୀୟ ଅତିଥି ତଥା ରାଜ୍ୟ ସାହିତ୍ୟ ଓ ସଂସ୍କୃତି ବିଭାଗ ନିର୍ଦେଶକ ଦିଲ୍ଲୀପ ରାଉତରାୟ ଗୋଆ ର ଏଭଳି ସୁନ୍ଦର ପଦକ୍ଷେପ ଓ ଲୋକ କଲ୍ୟାଣ କର୍ଯ୍ୟକ୍ରମ ପାଇଁ ଗୋଆ ର ସମସ୍ତ ସଦସ୍ୟଙ୍କୁ ଧନ୍ୟବାଦ୍ ଜଣାଇଥିଲେ। ଗୋଆ ର ସମ୍ପାଦକ ପ୍ୟାରୀ ମୋହନ ମଲ୍ଲିକ ସ୍ଵତନ୍ତ୍ର ଉପସ୍ଥାପନ ଜରିଆରେ ସଂଘର ବହୁବିଧ ସାମାଜିକ ସେବା କାର୍ଯ୍ୟ ସଂକ୍ରାନ୍ତରେ ବିବରଣୀ ପ୍ରଦାନ କରିଥିଲେ।
ଗୋଆ ର ବାର୍ଷିକ ସମାରୋହ ପାଳନ ଅବସରରେ ଓଡ଼ିଶାର ତାରକା ମାନଙ୍କୁ ନେଇ ଏକ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଉତ୍ସବର ମୁଖ୍ୟ ଆକର୍ଷଣ ପ୍ରଖ୍ୟାତ କଣ୍ଠଶିଳ୍ପୀ ମୌସୁମୀ ଦାସ୍ , ଏସ ଜିତୁ ଓ ମାମୁନ ଙ୍କର ସୁମଧୁର ଓ ସୁଲଳିତ ସଙ୍ଗୀତ ଗାୟନ ଥିଲା। ଉଦୀୟମାନ ଓଡ଼ିଶୀ ନୃତ୍ୟଶିଳ୍ପୀ ବେଦାଂଶି ଦାସଙ୍କ ଦ୍ଵାରା ପ୍ରସ୍ତୁତ ଉଚ୍ଚକୋଟୀର ନୃତ୍ୟ ତାଙ୍କର ସୃଜନଶୀଳ କଳାଚାତୁର୍ଯ୍ୟର ସ୍ୱାକ୍ଷର ବହନ କରୁଥିଲା। ବାର୍ଷିକ ଉତ୍ସବର ସମଗ୍ର ଆୟୋଜନକୁ ଦକ୍ଷତାର ସହିତ ପରିଚାଳନା ଓ ସଫଳ କାର୍ଯ୍ୟାନ୍ଵୟନ କରିବାରେ ଗୋଆର ଅଗ୍ରଣୀ ସଂଗଠକ ମଣ୍ଡଳୀ ଯଥା ବିଦ୍ୟା ଭୁଷଣ ମହାନ୍ତି,ଅଜୟ କୁମାର ଦାସ, ପ୍ୟାରୀ ମୋହନ ମଲ୍ଲିକ, ବନବିହାରୀ ମହାନ୍ତି, ମୁସ୍ତାଫା ବେଗ ,ବିନୋଦ ବେହେରା, ଆଯିମା ଖାନ୍, ଉମାକାନ୍ତ ପାଢ଼ୀ, ଉମେଶ ପଣ୍ଡା,
ମୌସୁମୀ ମହାନ୍ତି,ସମେତ ଗୋଆ ର ବରିଷ୍ଠ ସଦସ୍ୟ ସରୋଜ ପାତ୍ର, ବି ବି ସାହୁ, ଉମାକାନ୍ତ ପାଢ଼ୀ,କିଶୋର ଦାସ୍ ଓ ଅକ୍ଷୟ ପରିଜା ପ୍ରମୁଖ ଭୂମିକା ନିର୍ବାହ କରିଥିଲେ। ଏଥି ସହିତ ଆରବ ଦେଶ ଗୁଡ଼ିକର ବିଭିନ୍ନ ଓଡ଼ିଆ ସଂଗଠନର ସଭାପତି ଡ. ବସନ୍ତ କବି,ମାନସ ଉଦଗତ, ସରୋଜପାଣିଗ୍ରାହୀ, ରାକେଶ ରାଉତ, ବଦ୍ରିନାରୟଣ, ଅମିୟ ମିଶ୍ର ଏବଂ ବିଷ୍ଣୁ ମହାନ୍ତି ସମସ୍ତେ ସହଯୋଗର ହାତବଢାଇଥିଲେ। କାର୍ଯ୍ୟ କ୍ରମ ରେ ଉପସ୍ଥିତ ଥିବା ବରିଷ୍ଠ ନାଗରିକ ମାନଙ୍କୁ ମୂଖ୍ୟ ଅତିଥୀକଂ ଦ୍ଵାରା ସମ୍ମାନୀତ କରାଯାଇଥିଲା । ସମ୍ପୂର୍ଣ କାର୍ଯ୍ୟକ୍ରମ କୁ କାଜଲ ମହାନ୍ତି ଉପସ୍ଥାପକ ଭାବରେ ତୁଲାଇଥିଲେ।ସର୍ବଶେଷରେ ଗୋଆ ତରଫରୁ ଆସନ୍ତା ଅଗଷ୍ଟ ୧୧ ତାରିଖରେ ଭୁବେଶ୍ୱର ସ୍ଥିତ ଓମ୍ ହେଲ୍ଥ କେୟାର,କଳିଙ୍ଗ ହସ୍ପିଟାଲ ସ୍କ୍ୱାର ଠାରେ ମେଗା ରକ୍ତ ଦାନ ଶିବିର ଅୟୋଜନ କରାଯିବ ବୋଲି ଅନୁଷ୍ଠାନ ର ସମ୍ପାଦକ ପ୍ୟାରୀମୋହନ ମଲ୍ଲିକ ଘୋଷଣା କରିଥିଲେ ।
