ଏହାପୂର୍ବରୁ ପଦ୍ମଚରଣ ଏହି ଲାଞ୍ଚ ମାଗୁଥିବା ନେଇ ଅନୁଗୋଳ ଭିଜିଲାନ୍ସ ବିଭାଗ ପାଖରେ ଅଭିଯୋଗ କରିଥିଲେ । ତେଣୁ ପଦ୍ମ ଚରଣ ଲାଞ୍ଚ ଦେଇଥିବା ୨୦ ହଜାର ଟଙ୍କାରେ ପୂର୍ବରୁ ବିଭାଗ ପକ୍ଷରୁ କେମିକାଲ ରଙ୍ଗ ବୋଳା ଯାଇଥିଲା । ଡ଼ିଏସପି ଶ୍ରୀ ସାମଲଙ୍କ ନେତୃତ୍ୱରେ ଆଜି କଟକ ଡିଭିଜନ ଓ ଅନୁଗୋଳ କାର୍ଯ୍ୟାଳୟ ପକ୍ଷରୁ ପୂର୍ବରୁ ଯୋଜନା କରି ଛପି ରହିହିଲେ । ପଞ୍ଚାୟତ କାର୍ଯ୍ୟାଳୟରେ ସରପଞ୍ଚ ମାମାଲିଙ୍କ ନିର୍ଦେଶରେ ତାଙ୍କ ସ୍ୱାମୀ ଶିଶିର ଟଙ୍କା ନେଇ ପକେଟରେ ରହିଥିବା ବେଳେ ବିଭାଗ ପକ୍ଷରୁ ମାଡି ବସିଥିଲେ ।
ଏହାପରେ ତାଙ୍କ ପାଖରୁ ଜବତ ହୋଇଥିବା କେମିକାଲ ବୋଳା ଟଙ୍କାକୁ ଜବତ କରି ତାଙ୍କ ପ୍ୟାଣ୍ଟ ପକେଟ ଓ ଟଙ୍କାରୁ ନାଲିପାଣି ବାହାରି ଥିଲା । ଏହାପରେ ପଞ୍ଚାୟତ କାର୍ଯ୍ୟାଳୟର କାଗଜ ପତ୍ର ଭିଜିଲାନ୍ସ ବିଭାଗ ପକ୍ଷରୁ ଯାଞ୍ଚ କରାଯିବା ସହ ଉଭୟଙ୍କୁ ଗିରଫ କରି ଅନୁଗୋଳ ଭିଜିଲାନ୍ସ କାର୍ଯ୍ୟାଳୟକୁ ଅଣାଯାଇଛି । ସୁସବା ପଞ୍ଚାୟତରେ ଆଉ କଣ କଣ ଦୁର୍ନୀତି ହୋଇଛି ତାର ତଦନ୍ତ ବିଭାଗ ପକ୍ଷରୁ ଆରମ୍ଭ କରାଯାଇଛି ।
