ବାରିପଦା ରଥଯାତ୍ରା ର ବାହୁଡା଼ ଯାତ୍ରା ଦିନ ହଜାର ହଜାର ଲୋକ ଙ୍କ ସମାଗମ ହୋଇଥିଲା ଆଉ ଏହାରି ସୁଯୋଗ ଦେଖି ଲୋକଙ୍କ ମୋବାଇଲ କୁ ଝାମ୍ପିନେଉଥିଲେ ଲୁଟେରା । ବାରିପଦା ଟାଉନ୍ ଥାନା ଏବଂ ବାରିପଦା ଭଂଜପୁର ଥାନା ରେ ଏହି ପରି ଶତାଧିକ ମୋବାଇଲ ଚୋରି ହୋଇଥିବା ନେଇ ଅଭିଯୋଗ ହୋଇଥିଲା । ବାହୁଡ଼ା ଯାତ୍ରା ରେ ଏହି ପରି ମୋବାଇଲ ଚୋରି ହେଉଥିବା ନେଇ ଲୋକଙ୍କ ମନରେ ଚାଞ୍ଚଲ୍ୟ ଖେଳି ଯାଇଥିଲା । କିଛି କିଛି ଲୋକ ଥାନା ର ଦ୍ଵାରସ୍ଥ ହୋଇଥିଲେ ଆଉ କିଛି ନିରାଶ ହୋଇ ଥାନା ରେ ନ ଜଣାଇ ଘରକୁ ଫେରି ଯାଇଥିଲା,ହେଲେ ଏଇ ଭିତରେ ଯାଗି ଉଠିଥିଲା ବାରିପଦା ସାଇବର ଥାନା,ତଳେ ରାସ୍ତାରେ ଚୋର ମାନେ ଚୋରି କରୁଥିଲେ ,ଆଉ ଆକାଶ ରୁ ସେଟଲାଇଟ ଚୋର ଙ୍କ ଗତିବିଧି କୁ ଲକ୍ଷ ରଖିଥିଲା ।
ମୟୁରଭଞ୍ଜ ଏସପି ଙ୍କ ନିର୍ଦ୍ଦେଶରେ ବେତନଟୀ,ବୈଶିଙ୍ଗା ପୋଲିସ କୁ ଦାଇତ୍ୱ ଦିଆଯାଇଥିଲା ଚୋର ମାନେ ବାରିପଦା ରୁ ଚୋରି କରି ଏକ ଅଟୋରେ ବାଲେଶ୍ଵର ଆଡ଼କୁ ଖସି ଯାଉଥିବା ବେଳେ ,ସାରିବାର ସେଲ୍ ର ସହାୟତା ରେ ଚୋର ଟିମ୍ କୁ ମାଡି ବସିଥିଲେ ପୋଲିସ ଦୁଇ ନାବାଳକ ଚୋର ସହ ମୋଟ ଛଅ ଜଣ ଗିରଫ ଚୋର ମାନେ ହେଲେ ପଶ୍ଚିମବଙ୍ଗର ବର୍ଦ୍ଧମାନ ଇଲାକାର । ପ୍ରଥମେ ମୟୁରଭଞ୍ଜ ପୋଲିସ ଦୁଇ ଜଣଙ୍କୁ ଗିରଫ କରିବା ପରେ ଅନ୍ୟ ମାନଙ୍କୁ ମଧ୍ୟ ଗିରଫ କରିବାକୁ ସଫଳ ହୋଇଥିଲା , ସେମାନଙ୍କ ଠାରୁ ୫୬ ଟି ଚୋରି ହୋଇଥିବା ବିଭିନ୍ନ ନାମି ଦାମୀ କମ୍ପାନୀର ମୋବାଇଲ, ଯାହାର ଆନୁମାନିକ ମୂଲ୍ୟ ତେର ଲକ୍ଷ ଟଙ୍କା ସହ ନଗଦ ତିନି ହଜାର ଛଅ ଶହ ଟଙ୍କା ଜବତ କରିଛି ମୟୁରଭଞ୍ଜ ପୋଲିସ । ମୟୁରଭଞ୍ଜ ଏସପି ଆଜି ମୋବାଇଲ ଫେରସ୍ତ ର ଏକ ମେଳା କରି କିଛି ବରିଷ୍ଠ ନାଗରିକ ଙ୍କୁ ମୋବାଇଲ ଫେରାଇ ଥିବା ବେଳେ ଅନ୍ୟ ମାନେ ଆବଶ୍ୟକ କାଗଜପତ୍ର ଦେଖାଇ ନିଜ ମୋବାଇଲ ନେଇ ପାରିବେ ବୋଲି କହିଛନ୍ତି ।
ରିପୋର୍ଟ-ମୟୂରଭଞ୍ଜ, ବାରିପଦାରୁ -ଗୌର ଦାସ ଗିରି
