ଏହି ଉପଲକ୍ଷେ ଶୁକ୍ରବାର ସନ୍ଧ୍ୟାରେ ପାହାଳ ଠାରେ ବିଶ୍ୱ ରସଗୋଲା ଦିବସ ପାଳନ କରାଯାଇଥିଲା । ବ୍ୟବସାୟୀ ସଂଘ ପକ୍ଷରୁ ସମସ୍ତ ଜନ ସାଧାରଣଙ୍କୁ ମିଠା ଦିବସରେ ପାହାଳ ରସଗୋଲା ଖାଇବାକୁ ଦେଇଥିଲେ । ବିଶ୍ୱ ରସଗୋଲା ଦିବସ ଉପଲକ୍ଷେ ପାହାଳ ମିଠା ବ୍ୟବସାୟୀ ସଂଘର ସଭାପତି ଅକ୍ଷୟ କୁମାର ଲେଙ୍କାଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ ମୁଖ୍ୟ ଅତିଥି,
ଭୁବନେଶ୍ୱର ମେୟର ସୁଲୋଚନା ଦାସ, ଉପ ନଗରପାଳ ମଞ୍ଜୁଲତା କହଁର , ସ୍ତମ୍ଭକାର ଅସିତ ମହାନ୍ତି, ସ୍ଥାନୀୟ କର୍ପୋରେଟର ସୁକୁମାର ସାହୁ , ଆଧ୍ୟାତ୍ମିକ ପ୍ରବଚକ ବାବା ଦିବାକର ଦାସ ମହାରାଜ , ଏମ ଏସ ଏମ ଇ ର ଓଡ଼ିଶା ପ୍ରଭାରୀ ତଥା ନିର୍ଦ୍ଦେଶକ ପି କେ ଗୁପ୍ତା, ମଦନମୋହନ ଦୁଗ୍ଧଜାତ ଦ୍ରବ୍ଯ ବ୍ୟବସାୟୀ ସଂଘର ସଭାପତି ସୁବାସ ଚନ୍ଦ୍ରବେହେରା, ସଂପାଦକ ବିପ୍ଳବ ଯାଦବ , ବଂଶଧର ଭୋଳ,
ପଦ୍ମନାଭ ପଟ୍ଟନାୟକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ବିଶ୍ୱ ରସଗୋଲା ଦିବସ ଅବସରରେ ଅତିଥିମାନେ କହିଲେ ଯେ , ପାହାଳ ରସଗୋଲା ଜି ଆଇ ଟ୍ୟାଗର ମାନ୍ୟତା ପାଇସାରିଛି । ଏହାକୁ ବିଶ୍ୱ ଦରବାରରେ ପହଞ୍ଚାଇବା ପାଇଁ ସମସ୍ତଙ୍କର ସହଯୋଗ ରହିଲେ ଏହା ଆହୁରି ଆଗକୁ ଯାଇପାରିବ ବୋଲି କହିଥିଲେ ।
ମଞ୍ଚପରିଚାଳନା କରିଥିଲେ ରେଡ଼ିଓ ଚକଲେଟର ଉଦ ଘୋଷକ ନିରଦ ଚନ୍ଦ୍ର ଆର୍ଯ୍ୟ । ଆୟୋଜିତ କାର୍ଯ୍ୟକ୍ରମକୁ ପରିଚାଳନା କରିଥିଲେ ସଂପାଦକ ନିରଞ୍ଜନ ବେହେରା, ଉପସଭାପତି ରାଜ କିଶୋର ସାହୁ, ,ସହ ସଂପାଦକ ଦୁଃଶାସନ ପ୍ରଧାନ,କୋଷାଧ୍ୟକ୍ଷ ଶରତ ବେହେରା , ନବୀନ ସାହୁ ପ୍ରମୁଖ ସମସ୍ତ ବ୍ୟବସାୟୀ । ଶେଷରେ ଭଜନ ପରିବେଷଣ କରାଯାଇଥିଲା ।
