କଟକ ସଦର ଥାନାର ଆଇଆଇସି ଜଗନ୍ନାଥ ମଲ୍ଲିକ , ସ୍ଥାନୀୟ କର୍ପୋରେଟର ମମତା ମହାନ୍ତି, ଶିକ୍ଷାବିତ ଶରତ କୁମାର ରଥ, ସମାଜ ସେବୀ ତଥା ସ୍ତମ୍ବକାର ଶ୍ରୀ ସନ୍ୟାସ ଜୀ , କଟକ ନଗର ବିଜେପି ଉପ ସଭାପତି ସ୍ୱାଧୀନ ଚେତା ମହାନ୍ତି, ଏସ ଆଇ ଭାସ୍କର ପ୍ରଧାନ, ହିନ୍ଦୁସ୍ତାନ ହେଲପିଙ୍ଗ ହ୍ୟାଣ୍ଡସ ଅରଗାନାଇଜେସନର ସଭାପତି ବାସୁଦେବ ପାତ୍ର ପ୍ରମୁଖ ଯୋଗଦେଇ କହିଲେ ଯେ , ପୃଥିବୀ ବକ୍ଷରୁ ଗଛ ସବୁ କାଟି ଦିଆ ଯାଉଥିବାରୁ ଅନେକ ସମୟରେ ପାକୃତିକ ବିପଦ ସୃଷ୍ଟି ହେଉଛି ।
ପୃଥିବୀ ପୃଷ୍ଠରୁ ଭୁତଳ ଜଳ ଧାର ଧିରେ ଧିରେ କମିବାରେ ଲାଗିଛି । ଏଣୁ ସୁସ୍ଥ ସମାଜ ଗଠନ ସହିତ ସବୁଜ ପୃଥିବୀ କରିବା ପାଇଁ ପ୍ରତ୍ୟେକ ବ୍ୟକ୍ତି ନିଜ ନିଜର ବାଡ଼ି ବଗିଚାରେ ଗଛ ଲଗାଇ ଏହାର ଜତ୍ନ ନେବାକୁ ଅତିଥି ମାନେ ପରାମର୍ଶ ଦେଇଥିଲେ । କଟକ ସଦର ଅଞ୍ଚଳର ହିନ୍ଦୁସ୍ତାନ ହେଲପିଙ୍ଗ ହ୍ୟାଣ୍ଡସ ଅନୁଷ୍ଠାନ ପ୍ରତିବର୍ଷ ଖାଲି ପଡିଥିବା ପଡିଆ , ନଦୀବନ୍ଧ ଆଦି ସ୍ଥାନରେ ବୃକ୍ଷ ରୋପଣ କରି ନୂତନ ସବୁଜ ଜଙ୍ଗଲ ସୃଷ୍ଟି କରିପାରିଛି ।
ଏହି ଅନୁଷ୍ଠାନ ଶ୍ରୀଗୁଣ୍ଡିଚା ଦିନ ଦଶ ଏକର ସରକାରୀ ଜମିରେ ୧୦ ହଜାର ବୃକ୍ଷ ରୋପଣ କରି ସାରିଛି । ଏହି ଅନୁଷ୍ଠାନ ଆଗକୁ ଏକ ଲକ୍ଷ ବୃକ୍ଷ ରୋପଣ କରିବା ପାଇଁ ଲକ୍ଷ ରଖିଛି । ଆୟୋଜିତ ବୃକ୍ଷରୋପଣ କାର୍ଯ୍ୟରେ ତେଲଙ୍ଗାପେଣ୍ଠ ବଜାର ବ୍ୟବସାୟୟୀ କମିଟିର ସଭାପତି ବିଭୁତି ଭୁଷଣ ପ୍ରଧାନ, ପବିତ୍ର ମୋହନ ଶତପଥୀ, ପ୍ରଦିପ ନାୟକ,ଅନିରୁଦ୍ଧ ନାୟକ , ଅରକ୍ଷିତ ବେହେରା ପ୍ରମୁଖ ସହଯୋଗ କରିଥିଲେ ।
