ଅଗ୍ନିକାଣ୍ଡ ଘଟିବା ମାତ୍ରେ ଉଦ୍ଧାରକାରୀ ଦଳ ହସପିଟାଲରେ ଥିବା ରୋଗୀମାନଙ୍କୁ ବାହାରକୁ ଆଣି ଚିକିତ୍ସା ନିମନ୍ତେ ଏସିବିକୁ ଏବଂ ଅନ୍ୟ ଘରୋଇ ହସ୍ପିଟାଲକୁ ଆମ୍ବୁଲାନ୍ସ ଯୋଗେ ପଠାଇଥିଲେ । ଅଗ୍ନିକାଣ୍ଡ ଘଟିଥିବା ହସ୍ପିଟାଲରେ ଅଗ୍ନି ନିରାପାତା ବ୍ୟବସସ୍ଥା ଅଛି କି ନାହିଁ ଏବଂ ଏହି ହସ୍ପିଟାଲର କେତେଜଣ ମାଲିକ ଅଛନ୍ତି । ଏହାର ଅନ୍ୟାନ୍ୟ ସମସ୍ତ କାଗଜପତ୍ର ଠିକ ଅଛକି ନାହିଁ ତାହା ଯାଞ୍ଚ କରାଯିବ ବୋଲି ସୂଚନା ମିଳିଛି ।
ଅନ୍ୟ ପଟେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଉକ୍ତ ଘରୋଇ ହସ୍ପିଟାଲରେ ଅଗ୍ନିକାଣ୍ଡ ଘଟିବା ଖବର ପାଇ ସମବେଦନା ଜଣାଇବା ସହିତ ରୋଗୀମାନଙ୍କୁ ତୁରନ୍ତ ଚିକିତ୍ସା ପାଇଁ ମେଡ଼ିକାଲକୁ ନେବା ପାଇଁ କହିଛନ୍ତି । ଏହି ଘଟଣାର ଖବର ପ୍ରଚାରିତ ହେବା ମାତ୍ରେ ଘଟଣା ସ୍ଥଳରେ ଶହ ଶହ ଲୋକଙ୍କ ଭିଡ଼ ଲାଗିଥିବା ଦେଖିବାକୁ ମିଳିଥିଲା ।
