ଦଶପଲ୍ଲାରେ ଜଳସେଚନ ବିଭାଗ ପକ୍ଷରୁ ବୃତ୍ତଙ୍ଗ ପ୍ରକଳ୍ପ ପାଇଁ ନିର୍ବାହୀ ଯନ୍ତ୍ରୀଙ୍କ କାର୍ଯ୍ୟାଳୟ ଖୋଲା ଯାଇ ଆନୁସଙ୍ଗିକ କାର୍ଯ୍ୟ ଆରମ୍ଭ ହୋଇଛି । ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରୟାସ ଓ ପ୍ରଚେଷ୍ଟାରେ ବୃତ୍ତଙ୍ଗ ପ୍ରକଳ୍ପ କାର୍ଯ୍ୟକାରୀ ହେବାକୁ ଯାଉଥିବାରୁ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ ଜିଲ୍ଲାବାସୀଙ୍କ ପକ୍ଷରୁ କୃତଜ୍ଞତା ଜ୍ଞାପନ କରିଛନ୍ତି ।
ଏହା ସହିତ ଜିଲ୍ଲାର ବିକାଶ କ୍ଷେତ୍ରରେ ବୃତ୍ତଙ୍ଗ ପ୍ରକଳ୍ପ ମୁଖ୍ୟ ଭୂମିକା ନିର୍ବାହ କରିବ ବୋଲି ଡ. ସାହୁ କହିଛନ୍ତି । ବର୍ତ୍ତମାନର ରାଜ୍ୟ ସରକାର ବୃତ୍ତଙ୍ଗ ଜଳସେଚନ ଯୋଜନାକୁ ଆଗକୁ ବଢ଼ାଇବାକୁ ସେ ନିବେଦନ କରିଛନ୍ତି । ତ୍ୱରିତ ବେଗରେ ନିର୍ମାଣ କାର୍ଯ୍ୟ ଆରମ୍ଭ କରାଯାଉ ବୋଲି କହିଛନ୍ତି ।
