ପ୍ରତିବର୍ଷ,ପୂର୍ବ ତଟ ରେଳବାଇର ଖୋର୍ଦ୍ଧାରୋଡ଼ ମଣ୍ଡଳ,ରଥ ଯାତ୍ରା ସମୟରେ ପୁରୀକୁ ଭକ୍ତଙ୍କ ବିପୁଳ ସଂଖ୍ୟାରେ ଆଗମନ ପାଇଁ ବ୍ୟବସ୍ଥା କରିବାରେ ସର୍ବଦା ଆଗରେ ରହିଆସିଛି। ଚଳିତ ବର୍ଷ ମଧ୍ୟ,ଖୋର୍ଦ୍ଧା ରୋଡ଼ ମଣ୍ଡଳ, ରଥଯାତ୍ରା ପାଇଁ ପୁରୀ ରେଳ ଷ୍ଟେସନରେ ଉନ୍ନତ ଭିତ୍ତିଭୂମି ଏବଂ ସୁବିଧା ସ୍ଥାପନ କରିଛି। ରଥଯାତ୍ରା ସମୟର ପ୍ରଥମ ଦୁଇ ଦିନରେ ପୁରୀ ରେଳ ଷ୍ଟେସନରୁ ଦୁଇ ଲକ୍ଷରୁ ଅଧିକ ଯାତ୍ରୀ ଯାତ୍ରା କରିଛନ୍ତି।
ପୁରୀ ରେଳ ଷ୍ଟେସନରେ ଭକ୍ତଙ୍କ ରହିବା ପାଇଁ ୧୦,୦୦୦ ବର୍ଗ ମିଟର ଅଞ୍ଚଳର ଏକ ଜେମାନ୍ ହ୍ୟାଙ୍ଗର୍ ର ଅସ୍ଥାୟୀ ମେଳା ସେଡ୍ ନିର୍ମାଣ କରାଯାଇଛି। ଶୌଚାଳୟ ଏବଂ ବାଥରୁମ ସୁବିଧା ସହିତ ସ୍ଥାୟୀ ମେଳା ଶେଡ୍ ଏବଂ ଅସ୍ଥାୟୀ ମେଳା ଶେଡ୍ ଏକ ସମୟରେ ୧୫,୦୦୦ ତୀର୍ଥଯାତ୍ରୀଙ୍କୁ ସ୍ଥାନିତ କରିପାରିବ। ଭିଡ଼ ସମୟ ରେ,ଟିକେଟ୍ ବ୍ୟବସ୍ଥାକୁ ତ୍ୱରାନ୍ୱିତ କରିବା ପାଇଁ ଅସ୍ଥାୟୀ ମେଳା ସେଡ୍ ଏବଂ ଟୁରିଷ୍ଟ କମ୍ପ୍ଲେକ୍ସରେ ଅତିରିକ୍ତ ୨୮ଟି ବୁକିଂ କାଉଣ୍ଟର ସ୍ଥାପନ କରାଯାଇଛି।
ଯାତ୍ରୀ ମାନଙ୍କ ଟିକେଟ୍ କାଉଣ୍ଟରରେ ଲମ୍ବା ଧାଡିରୁ ଏଡାଇବା ପାଇ,୩୦ଟି ମୋବାଇଲ୍ ଅଣ-ସଂରକ୍ଷିତ ଟିକେଟ୍ ସିଷ୍ଟମ୍, ୮ଟି ଅଟୋମେଟିକ୍ ଟିକେଟ୍ ଭେଣ୍ଡିଂ ମେସିନ୍, ସ୍ଥାପନ କରାଯାଇଛିI ୟୁ ଟି ଏସ୍ ଆପ୍ ମାଧ୍ୟମରେ ଟିକେଟ୍ ପାଇଁ ସଚେତନତା ମଧ୍ୟ ସୃଷ୍ଟି କରାଯାଇଛି। ଅନଧିକୃତ ଯାତ୍ରୀଙ୍କୁ ରୋକିବା ପାଇଁ ପର୍ଯ୍ୟାପ୍ତ ସଂଖ୍ୟକ ଟିକେଟ୍ ଯାଞ୍ଚ କର୍ମଚାରୀ ନିୟୋଜିତ ହୋଇଛନ୍ତି।
ପୁରୀ ରେଳ ଷ୍ଟେସନରେ ମୋବାଇଲ୍ ଏଟିଏମ୍, ରିଜର୍ଭଡ ଲଞ୍ଜ, ଡିଜିଟାଲ୍ ଡିସପ୍ଲେ ବୋର୍ଡ, ଏୟାର ବ୍ଲୋୟର, ବରିଷ୍ଠ ନାଗରିକ ଏବଂ ଦିବ୍ୟାଙ୍ଗଜନ ଯାତ୍ରୀଙ୍କ ପାଇଁ ମାଗଣା ବ୍ୟାଟେରୀ ଚାଳିତ ଯାନ ଭଳି ଅନେକ ନୂତନ ଆଧୁନିକ ସୁବିଧା ଯୋଗାଇ ଦିଆଯାଇଛି। ପର୍ଯ୍ୟାପ୍ତ ଥଣ୍ଡା ପାନୀୟ ଜଳ ଟ୍ୟାପ୍, ମୋବାଇଲ୍ ଚାର୍ଜିଂ ପଏଣ୍ଟ, ସହଯୋଗ କେନ୍ଦ୍ର, ଅତିରିକ୍ତ କ୍ୟାଟରିଂ ଷ୍ଟଲ୍, ଆମ୍ବୁଲାନ୍ସ ସେବା ସହିତ ଚିକିତ୍ସା ସହାୟତା ବୁଥ୍ ଉପଲବ୍ଧ ଅଛି।
ଦେଶର ବିଭିନ୍ନ କୋଣରୁ ଆସୁଥିବା ତୀର୍ଥଯାତ୍ରୀ ମାନଙ୍କ ପାଇଁ, ଅଞ୍ଚଳର ସ୍ଥାନୀୟ ଉତ୍ପାଦଗୁଡିକ ଯଥା ହ୍ୟାଣ୍ଡଲୁମ୍, ହସ୍ତଶିଳ୍ପ, ସ୍ଥାନୀୟ ମିଠା ଇତ୍ୟାଦିର,୧୦ଟି ୱାନ ଷ୍ଟେସନ ୱାନ ପ୍ରଡକ୍ଟ ଷ୍ଟଲ୍ ପ୍ରତିଷ୍ଠା କରାଯାଇଛି। ପୁରୀ ରେଳ ଷ୍ଟେସନରେ, ତୀର୍ଥଯାତ୍ରୀଙ୍କ ସୁରକ୍ଷା ତଥା ନିରାପତ୍ତା ପାଇଁ , ଆରପିଏଫ କଣ୍ଟ୍ରୋଲ ରୁମ, ସିସି ଟିଭି କଣ୍ଟ୍ରୋଲ ରୁମ, ଡ଼ଗ୍ ସ୍କ୍ୱାର୍ଡ,୩ ରୁ ୪ ମୋର୍ଚ୍ଚା ସଶସ୍ତ୍ର ଆରପିଏଫ, ଆରପିଏସଏଫ ଦିନରାତି କାର୍ଯ୍ୟ କରୁଛନ୍ତି।
ଭିଡ଼ ପରିଚାଳନା ଏବଂ ପ୍ରବେଶ ଏବଂ ପ୍ରସ୍ଥାନ ପଏଣ୍ଟରେ ପ୍ରଭାବଶାଳୀ ଯାଞ୍ଚ ପାଇଁ ସିଭିଲ୍ ଡିଫେନ୍ସ ଏବଂ ସ୍କାଉଟ୍-ଗାଇଡ୍ ସ୍ୱେଚ୍ଛାସେବୀ ମାନଙ୍କୁ ନିୟୋଜିତ କରାଯାଉଛି। ନାଲକୋ, ଏମସିଏଲ, ଜିନ୍ଦଲ ଇସ୍ପାତ, ଗୌଡ଼ିଆ ମଠ ଏବଂ ଶିଶୁ ସହାୟତା ଫାଉଣ୍ଡେସନ ସହ ସମନ୍ୱୟ ରେ,ଖୋର୍ଦ୍ଧା ରୋଡ଼ ମଣ୍ଡଳ ଦ୍ଵାରା,ପୁରୀ ରେଳ ଷ୍ଟେସନରେ, ପ୍ରଥମ ଦୁଇ ଦିନରେ, ୭୦,୦୦୦ ରୁ ଅଧିକ ଭକ୍ତଙ୍କୁ ମାଗଣା ଖାଦ୍ୟ ଯୋଗାଇ ଦିଆ ଯାଇଛି। ରଥଯାତ୍ରା ସମୟରେ ଓଡିଶାର ପ୍ରାୟ ସମସ୍ତ ସ୍ଥାନ ତଥା ପଡୋଶୀ ରାଜ୍ୟରୁ ୩୧୫ ରୁ ଅଧିକ ସ୍ୱତନ୍ତ୍ର ଟ୍ରେନ୍ ଚଳାଚଳ କରିବ ।
ଏହି ସ୍ୱତନ୍ତ୍ର ଟ୍ରେନ୍ ଚଲାଇବା ପାଇଁ ବହୁ ସଂଖ୍ୟକ ଅତିରିକ୍ତ କୋଚ୍ ସେବାରେ ରଖାଯିବ। ସ୍ୱତନ୍ତ୍ର ଟ୍ରେନର ସଫା ଏବଂ ଜଳସେଚନ ପାଇଁ ବିସ୍ତୃତ ବ୍ୟବସ୍ଥା କରାଯାଇଛି। ଖୋର୍ଦ୍ଧା ରୋଡ଼ ମଣ୍ଡଳ ରେଳ ପ୍ରବନ୍ଧକ ଶ୍ରୀ ଏଚ୍ ଏସ ବାଜ୍ଵା, ବ୍ୟକ୍ତିଗତ ଭାବେ ପୁରୀ ରେଳ ଷ୍ଟେସନରେ ତୀର୍ଥଯାତ୍ରୀ ମାନଙ୍କ ପାଇଁ ଯୋଗାଇ ଦିଆଯାଉଥିବା ସମସ୍ତ ସୁବିଧା ଉପରେ ନଜର ରଖିଛନ୍ତି ଏବଂ ଚାଲୁଥିବା ରଥଯାତ୍ରା ସମୟରେ ପୁରୀ ରେଳ ଷ୍ଟେସନକୁ ଆସୁଥିବା ଭକ୍ତଙ୍କ ପାଇଁ ଏକ ସୁଖଦ ତଥା ଆରାମଦାୟକ ଅନୁଭୂତି ନିଶ୍ଚିତ କରିବାକୁ ତାଙ୍କ ଅଧିକାରୀ ଏବଂ କର୍ମଚାରୀ ଦଳକୁ ନିର୍ଦ୍ଦେଶ ଦେଇଛନ୍ତି।
