ଏହି ସମୟରେ ସାନ ପୁଅକୁ ହଷ୍ଟେଲର ରଖି ପାଠ ପଢାଇବା, ଦୁଇ ଝିଅଙ୍କ କଲେଜ ରେ ଆଡମିଶନ, ବିଧାୟକଙ୍କ ମୃତ୍ୟୁ ପ୍ରମାଣ ପତ୍ର, ପେନସନ ବ୍ୟବସ୍ଥା ସହ ପରିବାରକୁ ଥଇଥାନ ନେଇ ମନ୍ତ୍ରୀ ଶ୍ରୀ ଗଣ୍ଡ ଆଲୋଚନା କରିଥିଲେ। ଏହାପରେ ବିଧାୟକଙ୍କ ଘର ସମ୍ମୁଖରେ ଅନୁଷ୍ଠିତ ଶୋକଶୋଭାରେ ଯୋଗ ଦେଇ ନୀରବ ପ୍ରାର୍ଥନା ସହ ମନ୍ତ୍ରୀଙ୍କ ଦିବଂଗତ ବିଧାୟକ ଶ୍ରୀ ମାଡ଼ି ଙ୍କ ସହ ରହିଥିବା ବ୍ୟକ୍ତିଗତ ସମ୍ପର୍କ ବାବଦରେ ମତ ପ୍ରଦାନ କରିଥିଲେ। ପୂର୍ବତନ ବିଧାୟକ ଶ୍ରୀ ମାଡ଼ି ବିଧାନସଭା ବେଳେ ନିଜର ଜିଲ୍ଲାର ହକ୍ ପାଇଁ ସବୁବେଳେ ତତ୍ପରତା ଦେଖାଉଥିଲେ ଯାହା ସବୁବେଳେ ତାଙ୍କ ପାଇଁ ପ୍ରେରଣାଦାୟୀ ହେବ ବୋଲି ମନ୍ତ୍ରୀ ଶ୍ରୀ ଗଣ୍ଡ କହିଥିଲେ।
ବିଧାୟକଙ୍କ ଏହି ଗ୍ରସ୍ତ ବେଳେ ତାଙ୍କ ସହ ମାଲକାନଗିରି ବିଧାୟକ ନରସିଂହ ମାଡକାମି, ଜିଲ୍ଲା ବିଜେପି ସଭାପତି ନିମାଇଁ ଚଂଦ୍ର ପାଲ, ଅଶୋକ ପରିଡା ରହିଥିବା ଦେଖିବାକୁ ମିଳିଥିଲା। ଏହି ଅବସରରେ ପଡିଆ ଗୋଷ୍ଠୀ ଉନ୍ନୟନ ଅଧିକାରୀ ଅଭିମନ୍ୟୁ କବି ସତପଥି, ଜିଲ୍ଲା ମଙ୍ଗଳ ଅଧିକାରୀ ଶ୍ରୀନିବାସ ଆଚାରୀ, ପଡିଆ ଗୋଷ୍ଠୀ ଶିକ୍ଷା ଅଧିକାରୀ ରମେଶ ଚନ୍ଦ୍ର ବାରୋଇ, ବ୍ଲକ ମଙ୍ଗଳ ଅଧିକାରୀ ଜ୍ୟୋତିରଞ୍ଜନ ବେହେରା ପ୍ରମୁଖ ଉପସ୍ଥିତ ଥିଲେ।
