ବୃତ୍ତଙ୍ଗ ପ୍ରକଳ୍ପ କୁ ମିଳିଲା ଜଙ୍ଗଲ ଓ ପରିବେଶ ମନ୍ତ୍ରଣାଳୟ ର ଅନୁମୋଦନ ପୂର୍ବତନ ମୁଖ୍ୟମନ୍ତ୍ରୀ ଏବଂ ଦଶପଲ୍ଲା ବିଧାୟକ ଙ୍କୁ କୃତଜ୍ଞତା ଜଣାଇଲେ ଜନ ସାଧାରଣ

୮ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ନୂଆଗାଁ :-> ନୟାଗଡ ଜିଲ୍ଲା ଦଶପଲ୍ଲା ର ବହୁ ପ୍ରତିକ୍ଷୀତ ବୃତ୍ତଙ୍ଗ ଜଳସେଚନ ପ୍ରକଳ୍ପ କାର୍ଯ୍ୟ ତ୍ବରାନ୍ବିତ ହେବା ପାଇଁ କେନ୍ଦ୍ର ସରକାରଙ୍କ ଜଙ୍ଗଲ ଓ ପରିବେଶ ମନ୍ତ୍ରଣାଳୟ ର ଅନୁମୋଦନ ମିଳିଛି।ସୂଚନା ଅନୁଯାୟୀ ଦୀର୍ଘ ବର୍ଷ ଧରି ଦଶପଲ୍ଲା ରେ ପଡ଼ି ରହିଥିବା ବୃତଙ୍ଗ ଜଳ ସେଚନ ପ୍ରକଳ୍ପ ପାଇଁ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଙ୍କ ଅକ୍ଲାନ୍ତ ପରିଶ୍ରମ ର ଫଳ ଆଜି ଦେଖିବାକୁ ମିଳିଛି । ବୃତ୍ତଙ୍ଗ ପ୍ରକଳ୍ପ କୁ ଅନୁମୋଦନ ନିମନ୍ତେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସରକାରଙ୍କୁ ସୁପାରିଶ କରିଥିଲେ ।

ଉକ୍ତ ପ୍ରକଳ୍ପ ହେବା ଦ୍ଵାରା ୨୩ ହଜାର ହେକ୍ଟର ଚାଷ ଜମି ଜଳ ସେଚିତ ହେବ , ଚାଷୀ ମାନେ ଉପକୃତ ହେବେ ଏବଂ ବୃତ୍ତଙ୍ଗ ପ୍ରକଳ୍ପ ଚାଷୀ ମାନଙ୍କ ପାଇଁ କେତେ ଆବଶ୍ୟକତା ରହିଛି ଏ ସମ୍ପର୍କରେ ବିଧାନସଭାରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ବାରମ୍ବାର ପ୍ରସ୍ତାବ ଉତଥାନ କରିଥିଲେ।ଆଜି କେନ୍ଦ୍ର ସରକାରଙ୍କ ଠାରୁ ଉକ୍ତ ପ୍ରକଳ୍ପ ର ଅନୁମୋଦନ ମିଳିବା ଖବର ଶୁଣି ଦଶପଲ୍ଲା ଏବଂ ନୟାଗଡ ନିର୍ବାଚନ ମଣ୍ଡଳୀ ର ଚାଷୀ କୂଳ ଏବଂ ଜନସାଧାରଣ ମଧ୍ୟରେ ଖୁସିର ଲହରୀ ଖେଳିଯାଇଛି । ଦୀର୍ଘବର୍ଷ ର ଅପେକ୍ଷା ର ଅନ୍ତ ହୋଇଥିବାରୁ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଙ୍କୁ କୃତଜ୍ଞତା ଜଣାଇଛନ୍ତି ଜନ ସାଧାରଣ ଏବଂ ଚାଷୀକୂଳ l