ଜବରଦଖଲ ସ୍ଥାନରେ ବର୍ଷା ଜଳ ଜମିରହୁଛି, ସରପଞ୍ଚ ନିରବ
୦୪ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବୋଲଗଡ଼ :-> ଖୋର୍ଦ୍ଧାଜିଲ୍ଲା ପୂର୍ତ୍ତ ବିଭାଗ ଜନସାଧାରଣମାନଙ୍କ ଯାତାୟାତ ସୁବିଧା ପାଇଁ ୫୭ ନମ୍ବର ଖୋର୍ଦ୍ଧା -ବଲାଙ୍ଗୀର ଜାତୀୟ ରାଜପଥର ବୋଲଗଡ଼ସ୍ଥିତ ଗୋପବନ୍ଧୁ ଛକଠାରୁ ବୋଲଗଡ଼ ବଜାର ମଧ୍ୟଦେଇ ଏକ ପୂର୍ତ୍ତ ବିଭାଗ ରାସ୍ତା ନିର୍ମାଣ କରାଯାଇଅଛି ! ବଜାରର ବର୍ଷାଜଳ ନିଷ୍କlସନ ପାଇଁ ରାଜ୍ୟସରକାରଙ୍କ ପୂର୍ତ୍ତ ବିଭାଗ ରାସ୍ତାର ଉଭୟ ପାର୍ଶ୍ଵରେ ଡ୍ରେନେଜ ନିର୍ମାଣ କରିବା ପାଇଁ ଆର୍ଥିକ ଅନୁଦାନ ଯୋଗାଇ ଦେଇଥିଲେ ମଧ୍ୟ ଆଜି ପର୍ଯ୍ୟନ୍ତ ତାହା ନିର୍ମାଣ କରାଗଲା ନlହିଁ ! ବିଭାଗୀୟ କନିଷ୍ଠ ଯନ୍ତ୍ରୀ, ସହକାରୀ ଯନ୍ତ୍ରୀ ଓ ଠିକାଦାରଙ୍କ ମଧୁ ଚନ୍ଦ୍ରିକା ଯୋଗୁଁ ଏହି ଟଙ୍କା ହଡପ କରାଯାଇଛି ବୋଲି ଲୋକମାନେ ଖୋର୍ଦ୍ଧା ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଅଛନ୍ତି !
ବୋଲଗଡ଼ ବ୍ଲକ ଅଞ୍ଚଳର କେତେକ ଅସାମାଜିକ ଯୁବକମାନେ ବୋଲଗଡ଼ ଥାନା ଛକ ଓ ଡାକଘର ଛକ ସମ୍ମୁଖରେ ଥିବା ସରକାରୀସ୍ଥାନମାନଙ୍କରେ ଜୋରଜବସ୍ତ ଦୋକାନ ଗୃହ ଓ ସ୍ଥାୟୀ ପକlଦୋକାନ ଘର ନିର୍ମାଣ କରି ରାସ୍ତାକୁ ଅବରୋଧ କରି ଭଡା ଲଗାଇଥିବlରୁ ଲୋକମାନେ ଓ ଯାନବାହାନ ଯାତାୟାତ କରିବାରେ ନାନା ଅସୁବିଧା ହେଉଅଛି ! ଜବଦଖଲ ଦୋକାନୀ ଓ ସ୍ଥାୟୀ ପକାଘରମାଲିକ ରାମଚନ୍ଦ୍ର ସାହୁ ଡାକଘର ସମ୍ମୁଖରେ ଜମିରହୁଥିବା ବର୍ଷାଜଳ ନିଷ୍କାସନ ପାଇଁ ରହିଥବା ପୋଲଟିକୁ ଜୋରଜବସ୍ତ ମାଟିପକାଇ ଅବରୋଧ କରିଥବାରୁ ଦୀର୍ଘ ଦିନଧରି ବର୍ଷାଜଳ ଜମିରହୁଛି ! ଫଳରେ ବ୍ୟବସାୟୀ, ଛାତ୍ରଛାତ୍ରୀ ଓ ଜନସାଧାରଣମାନେ ଯାତାୟାତରେ ନାନା ଅସୁବିଧାର ସମ୍ମୁଖୀନ ହେଉଅଛନ୍ତି !
ଜବରଦଖଲକକାରୀ ରାମଚନ୍ଦ୍ର ସାହୁ ନିଜ ଘରର ରୋଷେଇ ଘର ପାଣି,ଗାଧୁଆଘର ପାଣି ଓ ପାଇଖାନା ଘର ପାଣି ପ୍ରତିଦିନ ସଦାସର୍ବଦା ସର୍ବସାଧାରଣଙ୍କ ରାସ୍ତାଉପରକୁ ଦୃଷିତ ପାଣି ଛାଡୁଥିବାରୁ ଜନସାଧାରଙ୍କ ଯିବାଆସିବାରେ ନାନା ଅସୁବିଧାର ସମ୍ମୁଖୀନ ହେଉଛନ୍ତି ! ଏ ସମ୍ପର୍କରେ ବୋଲଗଡ଼ ବ୍ଲକ ଅଞ୍ଚଳବାସୀ ସ୍ଥାନୀୟ ସରପଞ୍ଚ ସରୋଜିନୀ ସାହୁଙ୍କୁ ଜଣାଇଥିଲେ ମଧ୍ୟ ଲୋକମାନଙ୍କ କଥାକୁ ଗୁରୁତ୍ୱ ନ ଦେଇ ବେଖାତିର କରୁଛନ୍ତି ! ଦୃଷିତ ପାଣି ସର୍ବସାଧାରଣ ରାସ୍ତାରେ ଜମିରହୁଥିବାରୁ ମଶା, ମାଛିଙ୍କ ବଂଶ ବୃଦ୍ଧି ଘଟି ଦୃଗନ୍ଧମୟ ପରିବେଶ ହେବା ସଙ୍ଗେସଙ୍ଗେ ସଂକ୍ରମଣ ରୋଗ ବ୍ୟାପୁଅଛି ! ତେଣୁ ବୋଲଗଡ଼ ତହସିଲଦାର ନିବେଦିତା ପରିଡା ଓ ବିଡ଼ିଓ ଶରତ କୁମାର ମଲ୍ଲିକ ଏଥି ପ୍ରତି ଶୀଘ୍ର ଦୃଷ୍ଟି ଦେଇ ଡାକଘର ଛକରୁ ମେଡିକାଲ ଛକ ପର୍ଯ୍ୟନ୍ତ ଜବରଦଖଲକାରୀ ଦୋକାନୀମାନଙ୍କୁ ହଟାଇ ବର୍ଷାଜଳ ନିଷ୍କାସନ ପାଇଁ ଡ୍ରେନେଜ ସୁବିଧା କରିବାକୁ ସମସ୍ତ ଶିକ୍ଷାବିତ, ଜନସାଧାରଣ, ବୁଦ୍ଧିଜୀବୀ ଓ ସାମ୍ବାଦିକମାନେ ଅନୁରୋଧ କରିଅଛନ୍ତି !
