ତେଣୁ ଓଡି଼ଶାର ଦାବି ସବୁ ଗ୍ରହଣୀୟ ହେବ ବୋଲି ବିଜେଡି ଆଶା କରିଛି । ପ୍ରତି ତିନି ବର୍ଷରେ ଥରେ କୋଇଲା ରୟାଲଟି ବୃଦ୍ଧି ହୋଇଥାଏ । କିନ୍ତୁ ୨୦୧୩ ପରଠାରୁ ଆଉ କୋଇଲା ରୟାଲଟିରେ ବୃଦ୍ଧି ହୋଇନି । ବହୁଦିନରୁ ଦାବି ହେଉଥିବା କୋଇଲା ରୟଲଟିରେ ବୃଦ୍ଧି ହେବ ବୋଲି ଆଶା କରିଛି ବିଜେଡି । ସେହିପରି ସ୍ୱତନ୍ତ୍ର ରାଜ୍ୟ ପାହ୍ୟା ଦାବି ମଧ୍ୟ କେନ୍ଦ୍ର ସରକାର ପୂରଣ କଲେ ଓଡି଼ଶା ଏକ ବିକଶିତ ରାଜ୍ୟ ଗଠନ ଦିଗରେ ପ୍ରକ୍ରିୟା ତ୍ୱରାନ୍ୱିତ ହୋଇପାରିବ ବୋଲି ବିଜେଡି ଆଶା କରିଛି ।
ସେହିପରି ଦିଲ୍ଲୀରେ ବିଜେଡି ପ୍ରସଙ୍ଗ ଭିତ୍ତିକ ସମର୍ଥନ କରିଆସିଛି । ଓଡ଼ିଶା ସ୍ୱାର୍ଥ ବାଧା ପ୍ରାପ୍ତ ହେଲେ ଦଳ ବିରୋଧ କରିବ । ନିଟ ଏକ ଉଦବେଗ ଜନିତ ପ୍ରସଙ୍ଗ । ଏହାକୁ ବିରୋଧ କରି ବିଜେଡି ସଂସଦରେ ତାର ଉତ୍ତର ରଖିସାରିଛି । ବିଧାନସଭାରେ ଓଡ଼ିଶା ସ୍ୱାର୍ଥକୁ ନେଇ ସାଲିସ କରାଯିବନି ବୋଲି କହିଛି ବିଜେଡି । ଅଣଓଡ଼ିଆ ମୁଖ୍ୟ ଶାସନ ସଚିବଙ୍କ ନିଯୁକ୍ତି ନେଇ ବିଜେଡି ପ୍ରଶ୍ନ ଉଠାଇଛି । ଓଡ଼ିଆ ଅସ୍ମିତା କଥା ଯେଉଁମାନେ କହୁଥିଲେ ସେମାନେ ଏପରି କାମ କରିଛନ୍ତି । ତେଣୁ ଘରେ ପଶୁ ପଶୁ ମୁଣ୍ଡରେ ଚାଳ ବାଜିଲାଣି । ଆଗକୁ ଦେଖନ୍ତୁ କଣ ହେଉଛି ବୋଲି କହିଛନ୍ତି ବିଜେଡି ବିଧାୟକ ପ୍ରସନ୍ନ ଆଚାର୍ଯ୍ୟ ।
