୨୮ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଆର, ଉଦୟଗିରି :-> ଛୋଟ ବେଳୁ ବାପା, ମା ଙ୍କୁ ହରାଇଥିବା ଗଜପତିର ଗରିବ ଆଦିବାସୀ ପୁଅ ନିର ନିଟରେ ସଫଳ ହୋଇଥିବା ସୂଚନା ମିଳିଛି। ଗଜପତି ଜିଲ୍ଲା ମୋହନା ବ୍ଲକ ଅଡବା ପଞ୍ଚାୟତ ଡୁମିଗୁଡ଼ା ଗାଁର ଗରିବ ଆଦିବାସୀ ପୁଅ ନିର ମଲ୍ଲିକ l ଚଳିତ ବର୍ଷ ନିଟରେ ୪୧୫ ମାର୍କ ରଖି ସଫଳତାର ସହ ଉତ୍ତୀର୍ଣ୍ଣ ହୋଇଛନ୍ତି l ବାପା ସନ୍ୟl ମଲ୍ଲିକ ଓ ମା ରlମ୍ବୁଆଲୁ ମଲ୍ଲିକ ଙ୍କ ଦୁଇ ପୁଅ ନିର ଓ ପିର l ପିର ମଲ୍ଲିକ ବଡ ପୁଅ ହୋଇଥିବା ବେଳେ ସାନ ପୁଅ ନିର ମଲ୍ଲିକ l ସନ୍ୟlଙ୍କ ପରିବାର ଅତ୍ୟନ୍ତ ଗରିବ ହୋଇଥିଲେ ମଧ୍ଯ ଦୁଇ ପୁଅକୁ ଗାଁ ବିଦ୍ୟାଳୟରେ ପାଠ ପଢ଼ାଇଥିଲେ l ବଡ ପୁଅ ଅଧାରୁ ପାଠ ଛାଡି ବାପା ମା ଙ୍କ ସହ ଚାଷ କାମ କରୁଥିଲେ l ସାନ ପୁଅ ନିର ଖୁବ୍ ମେଧାବୀ ଛାତ୍ର ଥିଲେ l ଏଥିପାଇଁ ୨୦୧୪ ମସିହାର ନବୋଦୟ ପରୀକ୍ଷାରେ ପାସ୍ କରି ପାରଳାଖେମୁଣ୍ଡି ଜବାହର ନବୋଦୟ ବିଦ୍ୟାଳୟରେ ପାଠ ପଢ଼ିଲେ ନିର l ହେଲେ ନବୋଦୟରେ ଜଏନ କରିବାର ୨ ଦିନ ପରେ ବାପା ସନ୍ୟl ଙ୍କ ମୃତ୍ୟୁ ଘଟିଥିଲା l
ଛୋଟ ବେଳୁ ବାପାଙ୍କୁ ହରାଇଥିଲେ ମଧ୍ଯ ପାଠ ପଢ଼ାରେ ହେଳା କରିନଥିଲେ l ୨୦୧୯ ରେ ନବୋଦୟ ବିଦ୍ୟାଳୟରୁ ସଫଳତାର ସହ ମାଟ୍ରିକ ପାସ କରିଥିଲେ ନିର l ୨୦୧୯ ରେ ମାଟ୍ରିକ ରେ ଶତକଡା ୮୮ ପ୍ରତିଶତ ମାର୍କ ରଖିଥିଲେ l ତେବେ ଆର୍ଥିକ ଅନଟନ ଯୋଗୁଁ ପାଠ ଛାଡି ଘରକୁ ଫେରିଥିଲେ ନିର l ଆଗକୁ ପାଠ ପଢ଼ିବା ନେଇ ଆଶଙ୍କାରେ ଥିବାବେକେ ଅଡବା ଗୁଣ୍ଡିମl ଆଦର୍ଶ ବିଦ୍ୟାଳୟରେ ଯୁକ୍ତ ୨ ବିଜ୍ଞାନ ରେ ପାଠ ପଢିବାକୁ ସୁଯୋଗ ଦେଇଥିଲେ ବିଦ୍ୟାଳୟ କର୍ତ୍ତୃପକ୍ଷ l
ଆର୍ଯ୍ୟଭଟ୍ଟ ଫାଉଣ୍ଡେସନ ତାଙ୍କୁ ସମ୍ପୂର୍ଣ ମାଗଣାରେ କୋଚିଂ ସୁବିଧା କରାଇଥିଲେ l କୋଚିଂ ନେବା ସମୟରେ ମା ରାମ୍ବୁଆଲୁ ମଧ୍ଯ ଆରପାରିକୁ ଚାଲିଗଲେ l ବଡ ଭାଈ ପିର କିଛି ମାସ ହୋଟେଲ ରେ କାମ କରିବା ପରେ ଦାଦନ ଖଟିବାକୁ ତାମିଲନଡୁ ଚାଲିଯାଇଥିଲେ l ଦାଦନ ଖଟି ଭାଇକୁ ସାହାଯ୍ୟ କରୁଥିଲେ ବଡ଼ ଭାଇ l ଏବେ ନିର ସର୍ବଭାରତୀୟ ନିଟ୍ ରେ ସଫଳତା ହାସଲ କରିଥିବା ଯୋଗୁଁ ଉଭୟ ନିର ଓ ପିର ଖୁସିରେ ଆତ୍ମହରା ହୋଇପାଡିଛନ୍ତି l ତାଙ୍କ ସାନ ଭାଇ ନୀଟ୍ ରେ ସଫଳ ହୋଇଥିବା ଯୋଗୁଁ ଖୁସିରେ କାନ୍ଦି ପକାଇଥିଲେ ବଡ ଭାଇ ପିର l ଜଣେ ଗରିବ ଆଦିବାସୀ ବାପା ମା ଛେଉଣ୍ଡ ପୁଅ ନୀଟ୍ ରେ ସଫଳ ହୋଇଥିବା ଯୋଗୁଁ ଖୁସି ବ୍ୟକ୍ତ କରିଛନ୍ତି ଗ୍ରାମବାସୀ ଓ ବିପଦର ବନ୍ଧୁ ସଂଗଠନ କର୍ମକର୍ତ୍ତା l ତାଙ୍କର ଏହି ସଫଳତା ପାଇଁ ବଡ ଭାଇ ପିର, ବିପଦର ବନ୍ଧୁ ସଂଗଠନ ଓ ଆର୍ଯ୍ୟଭଟ୍ଟ ଫାଉଣ୍ଡେସନକୁ ଧନ୍ୟବାଦ ଜଣାଇଛନ୍ତି ନିର l ଡାକ୍ତର ହେଲେ ଗରିବ ଲୋକଙ୍କ ସେବା କରିବି ବୋଲି ସେ କହିଛନ୍ତି ।
