୨୭ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ବେଗୁନିଆ :-> ବେଗୁନିଆ ପଂଚାୟତ ସମିତି କାର୍ଯ୍ୟାଳୟ ପରିସରରେ ବେଗୁନିଆ ସରପଂଚ ସଂଘ ପକ୍ଷରୁ ସ୍ବାଗତ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଛି । ଏଥିରେ ବିଡ଼ିଓ ଲକ୍ଷ୍ମୀଧର ସାହୁ,ବ୍ଲକ ଅଧ୍ୟକ୍ଷ ଲକ୍ଷ୍ମୀଧର ସୁବୁଦ୍ଧି,ପଂଚାୟତ ଉନ୍ନୟନ ଅଧିକାରୀ ନୀଳକଣ୍ଠ ମାନସିଂହ,କାର୍ଯ୍ୟନିର୍ବାହୀଯନ୍ତ୍ରୀ ସୁସ୍ମିତା ମିଶ୍ର ଓ ଜଳ ଯୋଗାଣ ଯନ୍ତ୍ରୀ ସରିତା ଦାଶଙ୍କ ସମେତ କର୍ମଚାରୀ ମାନଙ୍କୁ ଉତ୍ତରୀୟ ଓ ଫୁଲ ତୋଡା ଦେଇ ସମ୍ବର୍ଦ୍ଧିତ କରିଥିଲେ ।
ତତ ସହିତ ନୂତନ ଭାବେ କାର୍ଯ୍ୟରେ ଯୋଗ ଦେଇଥିବା ପଂଚାୟତ ଉନ୍ନୟନ ଅଧିକାରୀ ଇତିଶ୍ରୀ ବେହେରାଙ୍କୁ ମଧ୍ୟ ସମ୍ବର୍ଦ୍ଧିତ କରିଥିଲେ । ସରପଂଚ ଲାବଣ୍ୟ ଜୟସିଂହ, ଲତା ସେଠୀ, କରୁଣାକର ଦଳସିଂହରାୟ, ଆରତ ମାଝୀ, ଅକ୍ଷୟ କୁମାର ରାଉତରାୟ ଓ ପ୍ରମୋଦ କୁମାର ଦଳେଇଙ୍କ ସମେତ ସମସ୍ତ ସରପଂଚ ଉପସ୍ଥିତ ରହିଥିଲେ ।
